Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЖОҚАРЫ ШЕКЛЕРДИ ГӨЗЛЕГЕН ЖУРТЫМ

Ғәрезсизлигимиздиң 27 жыллық байрамын мүнәсип күтип алыў мақсетинде «Әзиз ҳәм жалғызымсаң, жанажан Өзбекстаным!» деген жақсы идеяны өзинде жәмлеген мәмлекетимиз өзиниң ҳуқықый раўажланыў жолынан нық қәдем менен бармақта.
Ҳүрметли Президентимиздиң басламасы менен ҳәр күнимиз жаңалыққа толы, барлық тараўларда да алға илгерилеўлер, өзгерислер, сондай-ақ, елимиздиң экономикасын еркинлестириў, инвестициялық орталықты жаратыўға үлкен дыққат-итибардың қаратылыўын бул бағдарда әмелге асырылып атыр¬ған реформалардың нәтийжесинен көриўимизге болады.
Ғәрезсизлик — бул бийбаҳа байлығымыз. Оның тийкарында бириншиден, жәмийетимизде тынышлықтың ҳүким сүриўи, барлық тараўлардағы раўажланыўлардың жүз бериўи буның айқын көриниси екенлиги ҳәммемизге белгили.
Соңғы пайытларда республикамызда мисли көрилмеген абаданластырыў ислериниң әмелге асырылыўы нәтийжесинде бүгин пайтахтымыз шын мәниде қурылыс майданына айланды десек, қәтелес¬пеймиз. Жаңа-жаңа имаратлар, кәрхана, медицина ҳәм билимлендириў орайлары, спорт майданшалары, рәўан жоллар, көпирлер, мәҳәлле гүзарлары, базарлар, бағ-қыябанлар пайдаланыўға тапсырылды. Әсиресе, «Абат аўыл» бағдарламасының әмелге асырылыўы тийкарынан аўыллық елатлы пунктлердиң архитектуралық көринислерин түп-тийкарынан жаңалаў, аймақларды комп¬лексли раўажландырыў, жол-транспорт инфрақурылысы, инженерлик-коммуникация тармақлары ҳәм социаллық тараў объектлерин пайда етиў, сондай-ақ, усы тийкарда халқымыздың турмыслық мәдениятын ҳәм абаданлығын жоқарылатыўға қаратылған тарийхый ҳүжжет болды. Бул бағдарламаға районымызда «Қара ой» ҳәм «Атакөл» аўыл пуқаралар жы-йынлары киргизилген. Усы тийкарда жәми 7 млрд. 969 млн. сум қаржы ажыратыў режелестирилген болып, «Қара ой» АПЖға районлық «Халық банки» бириктирилген. Аймақтағы 17 хожалық 181,5 млн. сум қурылыс материаллары ушын ҳүжжет тапсырған болса, 11 хожалыққа 125 млн. сум қурылыс мате¬риаллары ушын пул қаржылары ажыратылды. Электр тармақлары бойынша 10,8 км. электр линияларын оңлаў жумыслары ушын тармақ кәрханалары есабынан жәми 978 млн. сум бағдарлама тийкарында қаржы ажыратылыўы режелестирилген болып, ҳәзирги күнде 483,3 млн. сумлық қаржы өзлестирилип, соннан бес дана трансформатор пунктинде капитал оңлаў жумыслары алып барылды, бир дана трансформатор жаңадан орнатылды. Ал, газ тармақлары бойынша «Узтрансгаз» кәрханасы есабынан газ тармағына 3,4 км. оңлаў жумыслары жүргизилди. Сондай-ақ, ишки жолларды оңлаўда бүгинги күни жәми 196,3 млн. сумлық 500 метр аралықтағы жумыс көлеми әмелге асырылды. Ал, ишимлик суў тармақларын жақсылаў жумыслары бойынша бүгинги күнде 373 млн. сумлық 3,1 км. аралықта жумыс көлеми орынланып, аймақтағы бир мектеп, бир балалар бақшасы ҳәм бир мәденият үйиниң қайта оңланыўы белгиленди. Соннан 10-санлы мектеп имаратына қурылыс-оңлаў жумыслары ушын жергиликли бюджет есабынан 451 млн. сумлық қаржы ажыратылыўы режелестирилип, «Қара ой» АПЖ аймағына жергиликли бюджет есабынан 100 млн. сум қаржы ажыратылып, турақ жайлардың сыртқы оңлаў жумыслары ушын толық өзлестирилди. Сондай-ақ, «Атакөл» АПЖна «Агробанк» филиалы бириктирилип, ҳәзирги ўақытта 9 хожалық 70,7 млн. сумға қурылыс материалларын алыў ушын ҳүжжетлерин тапсырды. Сондай-ақ, 6 шаңараққа 46,7 млн. сумлық қурылыс материалларын алыў ушын пул қаржылары ажыратылып берилди. 
Президентимиздиң 2018-жыл 3-февраль күнги «2018-жылы халықтың бәнтлигине  көмеклесиў Мәмлекетлик бағдарламасын әмелге асырыў ис-илажлары ҳаққында»ғы қарары тийкарында Тахтакөпир районы бойынша 495 жумыс орнының жаратылыўы режелестирилген болып, бағдарламада белгиленген реже тийкарында 2018-жылдың январь-июль айлары даўамында 228 жумыс орнын ашыў белгиленген болып, соннан 228 (ҳаял-қызы 68) жумыс орынлары жаратылып, реже 100 процентке орынланды. Тахтакөпир ра-йонында 2017-2018-жыл социал-экономикалық раўажландырыў бағдарламасының орынланыўы бойынша экономика ҳәм аймақты комплексли раўажландырыў бағдарындағы жумыслардың нәтийжелерине тоқтап өтетуғын болсақ, Өзбекстан Республикасы Министрлер Кабинетиниң 2017-жыл «2017-2018-жылларда Қарақалпақстан Республикасында санаат, аўыл хожалығы, хызмет көрсетиў жойбарларының көрсеткишлерин тастыйықлаў ҳаққында»ғы қарарының орынланыўын тәмийинлеў бойынша районда 2018-жыл социал-экономикалық раўажландырыў бағдарламасына муўапық, жәми 41 млрд. 936 млн. сумлық (банк кредити 13 млрд. 362 млн. сум) 33 жойбарды әмелге асырыў режелестирилген. Санаат жөнелисинде 14 млрд. 598 млн. сумлық 7 жойбар (банк кредити 1 млрд. 790 млн. сум) 121 жумыс орынлары, аўыл хожалығында 20 млрд. 60 млн. сумлық 9 жойбар (банк кредити 9 млрд. 739 млн. сум), 35 жумыс орынлары, хызмет көрсетиў жөнелисинде 7 млрд. 278 млн. сумлық 17 жойбарды (банк кредити 1 млрд. 833 млн. сум) әмелге асырыў ҳәм 85 жумыс орынларын жаратыў режелестирилген. Бүгинги күнге келип жәми 3 млрд. 893 млн. сумлық 19 жойбар әмелге асырылып (банк кредити 1 млрд. 762 млн. сумлық) 79 жаңа жумыс орынлары ашылды.
Президентимиздиң 2017-жыл 12-сентябрьдеги «Халықтың кем тәмийинленген қатламларын қоллап-қуўатлаў бойынша қосымша ис-илажлары ҳаққында»ғы қарарының орынланыўын тәмийинлеў бағдарында район көлеминде 4 сектор тәрепинен кең көлемдеги илажлар әмелге асырылмақта. Орынлардағы аўыл ҳәм мәкан пуқаралар жыйынларындағы кем тәмийинленген, жәрдемге мүтәж, бағыўшысынан айырылған, сондай-ақ, майыплығы бар пуқаралардың шаңарақларына жәми район бойынша 47 заманагөй типтеги газ плита, 98 пуқараға турмыслық электр үскенелери, 5 пуқараның бийпул медициналық тексериўден өтиўи ушын емлениў орнына жоллама, сондай-ақ, 10 шаңарақ имаратына ири оңлаў жумыслары әмелге асырылды.
Сондай-ақ, Президентимиздиң 2018-жыл 14-июльдеги «Халықтың бәнтлигин тәмийинлеў бағдарындағы жумысларды жетилистириў ҳәм нәтийжелилигин арттырыў ис-илажлары ҳаққында»ғы қарары ҳәм «Ҳәр бир шаңарақ — исбилермен» бағдарламасының орынланыўын тәмийинлеў бойынша да ра¬йонымызда бир¬қанша жумыслар нәтийжели әмелге асырылмақта.
Халық арасында машқала көп, бирақ, олардың өз шешимин табыўы бәринен де әҳмийетли. Биз депутатлар маш¬қалалардың шешимин табыўға жәрдем бере алсақ ғана халықтың бизге деген исеними артады. Олардың жасаўға, мийнет етиўге, абадан турмыс¬та жасаўына тийкар жаратылады. Ғәрезсизлигимиздиң 27 жыллығына ра¬йонымыздағы толық питкерилип тапсырылыў алдында тур¬ған қурылыс жумысларынан жаңа типте салынған «Өрт өшириў депо»сы, «Дәўқара» елатындағы 14-санлы улыўма билим бериў мектебиниң  қайта оңлаўдан шығарылыўы, сондай-ақ, «Абат аўыл» бағдарламасына муўапық, «Қара ой» АПЖда жайласқан 10-санлы, «Атакөл» АПЖда жайласқан 8-санлы улыўма билим бериў мектеплери ири оңлаўдан шығарылып, жаңа оқыў жылына таяр болыўы, ал, «Өзбекстан» аўыллық шаңарақлық поликлиникасының қурылыс жумыслары тез күнде жуўмақланып, халық хызметине тапсырылатуғынын атап өтсек болады. Ра¬йонымызда жыл даўамында еле де исленетуғын кең көлемдеги қурылыс жумыслары даўам етеди. Себеби, бүгинги дәўир бизден еле де белсенди ҳәм пидайы болыўды талап етпекте.
Мине, усы уллы байрамды жоқары көтериңкилик пенен күтип алыўды нийет еткен районымыздың мийнеткеш халқы барлық тараўларда да жетискенликлерди қолға киргизип атырғанлығы бизиң мақтанышымыз, әлбетте! Бул табыслар бизиң районымыз халқының мәмлекетимиз ғәрезсизлигиниң 27 жыллығына саўғасы деп билемиз.

 Ж.АДИЛОВ,
Тахтакөпир районы ҳәкими,
Қарақалпақстан Республикасы
Жоқарғы Кеңеси депутаты.