Қарақалпақстан Республикасы Жоқарғы Кеңеси

⌂ ЎЗ ҚР РУ EN

«ҲӘСИРЕТЛИ АНА» ЕСТЕЛИГИНЕ ГҮЛ ШЕҢБЕРЛЕРИ ҚОЙЫЛДЫ

14-январь. Нөкис қаласындағы «Ҳәсиретли ана» естелиги ҳәр қашанғыданда адамлар менен толы.  Бул жерде Өзбекстан Қураллы Күшлери дүзилгениниң 27 жыллығы ҳәм Ўатан қорғаўшылары күни мүнәсибети менен «Ҳәсиретли ана» естелигине гүл шеңберлерин қойыў салтанаты болып өтти.
Быйылғы жылы бул сәне көтериңкилик жағдайында белгиленбекте.  «Ўатан – муқаддес, оны қорғаў мақтанышлы миннет!» деген жоқары идеяны өзинде жәмлеген түрли илажларда елимиз шегераларының қол-қатылмаслығы, халқымыздың тынышлығы жолында оғада жуўапкершиликли ҳәм уллы ўазыйпаны ҳүрмет пенен атқарып киятырған Ўатан қорғаўшыларының мәртлиги және бир мәрте улығланды. Усындай илажлардың нәтийжесинде келешекте Ўатан қорғаўшысы боламан,-деген жасларымыздың қатары жылдан-жылға артып бармақта. 
Соны айрықша атап өтиў керек, Өзбекстан Республикасы Президенти, Қураллы Күшлер Жоқарғы Бас Сәркардасы  Ш.Мирзиёевтиң  Өзбекстан Қураллы Күшлери дүзилгениниң 27 жыллығы ҳәм Ўатан қорғаўшылары күни мүнәсибети менен жоллаған байрам қутлықлаўы халқымыз тәрепинен үлкен қанаатланыўшылық пенен күтип алынды.
Саат 10:00. Қарақалпақстан Республикасы Жоқарғы Кеңесиниң Баслығы, аймақлық әскерий-ҳәкимшилик секторы басшысы М.Ерния­зов әскерий оркестр сазлары астында Қарақалпақстан Республикасы Жоқарғы Кеңеси менен Министрлер Кеңеси атынан Ҳәсиретли ана естелигине гүл қойды.
Сондай-ақ, Арқа-Батыс әскерий округи, Миллий гвардия, Ишки ислер минис­трлиги, басқа да ҳуқық қорғаў уйымлары, минис­трликлер, оқыў орынлары, мийнет жәмәәтлери атынан гүл шеңберлери қойылды.
Буннан кейин, Арқа-Батыс әскерий округи, Миллий гвардия, Ишки ислер минис­трлиги, Мәмлекетлик қәўипсизлик хызметине қараслы шегара әскерлериниң, оқыў орынлары жасларының сап тартып жүриў салтанаты болып өтти.
Илажға Қарақалпақстан Республикасы Министрлер Кеңесиниң Баслығы Қ.Сариев қатнасты.
Өзбекстан Қураллы Күшлери дүзилгениниң 27 жыллығы ҳәм Ўатан қорғаўшылары күнине бағышланған байрам илажлары республикамызда даўам етпекте.

 

Басқа жаңалықлар RSS

14.06.2019 ҚАРАҚАЛПАҚСТАНДА АЙЫРЫМ ФЕРМЕРЛЕР ГЕКТАРЫНАН 80 ЦЕНТНЕРГЕ ШАМАЛАС ЗҮРƏƏТ АЛМАҚТА

Бүгин елимиздиң барлық аймақларында ырысқы-несийбемиз болған ғəллени қысқа ўақыт ишинде орып-жыйнап алыў жумыслары қызғын даўам етпекте. Атап айтқанда, Қарақалпақстан Республикасының барлық районларында ғəлле орым-жыйым мапазы шөлкемлескенлик пенен даўам етпекте.

11.06.2019 Кувейттиң жəне бир инвесторы менен бирге ислесиў жолға қойылмақта

Усы жылдың 10-июнь күни Өзбекстан Республикасының Кувейт мəмлекетиндеги Айрықша ҳəм толық ҳуқықлы елшиси Б.Аълоев ҳəм «Petroleum Dynamics Oil & Gas» компаниясының вице-президенти Махаешом Арйей басшылығындағы делегация республикамызда сапарда болды.

10.06.2019 ӨЗБЕКСТАН ТЕАТРЛАРЫНЫҢ РЕСПУБЛИКАЛЫҚ ФЕСТИВАЛЫ БАСЛАНДЫ

Усы жыл 10-июнь күни Бердақ атындағы Қарақалпақ мәмлекетлик академиялық музыкалы театрында «Сени жырлаймыз, заманлас!» Өзбекстан театрларының V республикалық фестивалының ашылыў салтанаты болып өтти.