Қарақалпақстан Республикасы Жоқарғы Кеңеси

⌂ ЎЗ ҚР РУ EN

САЛТАНАТЛЫ ЖЫЙНАЛЫС

Усы жыл 13-январь күни Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Қураллы Күшлери дүзилгениниң 27 жыллығы ҳәм Ўатан қорғаўшылары күнине бағышланған салтанатлы жыйналыс болып өтти.
Илажға Өзбекстан Республикасы Олий Мажлиси Сенатының ағзалары, Қарақалпақстан Республикасы Жоқарғы Кеңесиниң депутатлары, ҳүкимет ағзалары, ҳуқық қорғаў уйымларының басшылары, офицер ҳәм сержантлар,  әскерий хызметкерлер ҳәм олардың шаңарақ ағзалары, кең жәмийетшилик ўәкиллери қатнасты.
Илажды Нөкис қаласының ҳәкими П.Турешев басқарып барды.
Өзбекстан ҳәм Қарақалпақстан Республикаларының мәмлекетлик гимнлери атқарылды.
Мәжилисте Қарақалпақстан Республикасы Жоқарғы Кеңесиниң Баслығы, аймақлық әскерий-ҳәкимшилик секторы басшысы М.Ерниязов шығып сөйлеп, жыйналғанларды Өзбекстан Республикасы Қураллы Күшлери дүзилгениниң 27 жыллығы ҳәм Ўатан қорғаўшылары күни менен  Қарақалпақстан Республикасы Жоқарғы Кеңеси ҳәм Министрлер Кеңесиниң атынан қыз­ғын қутлықлады.
Атап өтилгениндей, Өзбекстан Республикасы Президенти, Қураллы Күшлер Жоқарғы Бас Сәркардасы  Ш.Мирзиёев өзиниң Өзбекстан Қураллы Күшлери дүзилгениниң 27 жыллығы ҳәм Ўатан қорғаўшылары күни мүнәсибети менен жоллаған байрам қутлықлаўында «Армия ҳәм халық-бир тән бир жан!»  деген терең мазмунлы идеяға айрықша итибар қаратты. Ҳақыйқатында да, бүгинги күни барлық ҳәкимият ҳәм басқарыў уйымлары, жәмийетлик шөлкемлер, тәлим-тәрбия мәкемелери, кең жәмийетшилик ўәкиллери усы мақсет әтирапына жәмлеспекте. Сонлықтан да, байрам қутлықлаўының халқымыздың күнделикли турмысында тутатуғын орны және әҳмийетине айрықша тоқтап өтилди.
Өзбекстан Республикасы Президенти, Қураллы Күшлер Жоқарғы Бас Сәркардасы Шавкат Мирзиёев 2018-жылдың 15-16-ноябрь күнлери республикамызға сапары даўамында Арқа-Батыс әскерий округине қараслы Нөкис гарнизонында әскерлер менен ушырасып, бул жерде алып барылып атырған жумыслардың барысы менен жақыннан танысты. Соның менен бирге, жынаятшылық ҳәм ҳуқықбузарлықлардың алдын алыў, Нөкис қаласында жәмийетлик қәўипсизликти тәмийинлеў мақсетинде «Қәўипсиз қала» бағдарламасын әмелге асырыў ўазыйпасын белгилеп берди.
Президентимиздиң арнаўлы Пәрманы менен орынларда әскерий-ҳәкимшилик секторлар шөлкемлестирилип, оның шеңберинде әмелге асырылатуғын илажлардың «Жол картасы» ислеп шығылды. Өткен жылдың өзинде Арқа-Батыс әскерий округинде 36 миллиард сумнан зыят қаржы есабынан қурылыс ҳәм оңлаў жумыслары алып барылып, керекли инвентарьлар менен тәмийинленген болса, әскерий-ҳәкимшилик секторының жумысларын раўажландырыў мақсетинде жергиликли бюджет есабынан 31 миллиард сумға жақын қаржы ажыратылды. Округ аймағындағы 20 көп қабатлы турақ жай ири оңлаў, 11 объектте ири оңлаў,  әскерлердиң сап тартып жүриў майданшасы ҳәм ишки жолларды бетонлаў жумыслары алып барылды. Өткен жылы әскерий хызметкерлер ушын қала ҳәм районларымызда бес қабатлы, жәми  240 квартиралы 8 турақ жайда қурылыс жумыслары алып барылды. Бул ийгиликли ислер 2019-2020-жыллары да даўам етип, әскерлер, Миллий гвардия ҳәм ишки ислер хызметкерлери ушын жәми  240 квартиралы 8 турақ жайды қурыў режелестирилмекте. 
Байрам қарсаңында ҳуқық қорғаў уйымлары, қорғаныў ҳәм айрықша жағдайлар министрликлери хызметкерлериниң бир топары  Президентимиздиң пәрманы, Қарақалпақстан Республикасы Жоқар­ғы Кеңеси Президиумының қарары тийкарында  мәмлекетлик сыйлықлар  менен сыйлықланды. Илажда  усы сыйлықлар салтанатлы жағдайда тапсырылды.
Сыйлықланғанлар атынан «Жасорат» медалының ийеси, Өзбекстан Республикасы Қорғаныў минис­трлиги әскерий бөлим батареясы командири С.Дәўлетназаров, әскер аналары атынан Г. Худайбергенова, мүддетли әскерий хызметтеги әскер А.Усанбаев шығып сөйлеп, әскерий хызметкерлерге көрсетилип атырған айрықша итибар және ғам­қорлығы ушын Президентимиз, Қураллы Күшлер Жоқарғы Бас Сәркардасы  Ш.Мирзиёевқа шексиз миннетдаршылық билдирди.
Қарақалпақстан халық шайыры Х.Дәўлетназаров Ўатан қорғаўшыларына арналған қосығын оқып берди.
Салтанатлы жыйналыс республика көркем өнер шеберлериниң байрам концерти менен жуўмақланды.
Илажға Өзбекстан Республикасы Президенти жанындағы Қәўипсизлик Кеңеси хаткериниң орынбасары Б.Шаякубов қатнасты.

 

Басқа жаңалықлар RSS

17.04.2019 ХАЛЫҚАРАЛЫҚ ПРЕСС-КЛУБ СЕССИЯСЫ ЖӘНЕ МОЙНАҚТА ӨТКЕРИЛДИ

Усы жыл 16-апрель күни Мойнақ районы «Мәдели» АПЖдағы «Шеге» аўылында «Ўзбекистон-24» телеканалы тәрепинен, тиккелей эфир арқалы берилетуғын «Халықаралық пресс-клуб»тың «Әжайыбат жүз бермейди, ол жаратылады» атамасындағы гезектеги сессиясы болып өтти.

11.04.2019 ҚАЙТҚАН ҒАЗДАЙ ҒАҢҚЫЛДАҒАН ҲАЎАЗЫҢ... ЯМАСА ЖЕРЛЕСЛЕРИМИЗ ТАҢЛАЎ ЖЕҢИМПАЗЛАРЫ

Хабарыңыз бар, усы күнлерде Сурхандәрья ўәлая­тының орайы Термиз қаласында Халықаралық бақсышылық көркем өнери фестивалы болып өтпекте. 

11.04.2019 ҚАЙТҚАН ҒАЗДАЙ ҒАҢҚЫЛДАҒАН ҲАЎАЗЫҢ... ЯМАСА ЖЕРЛЕСЛЕРИМИЗ ТАҢЛАЎ ЖЕҢИМПАЗЛАРЫ

Хабарыңыз бар, усы күнлерде Сурхандәрья ўәлая­тының орайы Термиз қаласында Халықаралық бақсышылық көркем өнери фестивалы болып өтпекте. 

09.04.2019 КОНСТИТУЦИЯ БАЙРАМЫНА БАҒЫШЛАНДЫ

Усы жыл 9-апрель күни Бердақ атындағы Қарақалпақ мәмлекетлик академиялық музыкалы театрында Қарақалпақстан Республикасы Конституциясы қабыл етилгениниң 26 жыллығына бағышланған салтанатлы мәжилис болып өтти.

05.04.2019 КИТАПҚУМАР ОҚЫЎШЫЛАРДЫҢ ҚАТАРЫ КӨБЕЙМЕКТЕ

Усы жыл 5-апрель күни Жаслар орайында Нөкис қаласындағы улыўма билим бериў мектеплериниң муғаллимлери ҳәм оқыўшылары арасында китапқумарлық мәдениятын үгит-нәсиятлаўға бағышланып өткерилген «Ең китапқумар мектеп» жойбарының жеңимпазларын сыйлықлаў мәресими болып өтти.

05.04.2019 МҮРӘЖАТТАҒЫ МАШҚАЛАЛАР ШЕШИМИН ТАПТЫ

Усы жыл 5-апрель күни Беруний районында Қарақалпақстан Республикасы Жоқарғы Кеңесиниң Баслығы М.Ерниязов ҳәм Өзбекстан Республикасы Бас прокурорының биринши орынбасары Э.Таджиевтиң басшылығында пуқараларды көшпели қабыллаў болды.