Қарақалпақстан Республикасы Жоқарғы Кеңеси

⌂ ЎЗ ҚР РУ EN

ДАҒАЗА

Қарақалпақстан Республикасы Жоқарғы Кеңеси мәмлекетлик басқарыў уйымлары ҳәм хожалық жүргизиўши субъектлер, жергиликли атқарыў ҳәкимияты ҳәм басқа да шөлкемлерде ислеўши жетекшилик қәбилети ҳәм басқарыў уқыбына ийе перспективалы кадрларды таңлап алыў ҳәм оларды қоллап-қуўатлаў, сондай-ақ, басшы лаўазымлар ушын кадрлар резервин қәлиплестириў мақсетинде таңлаў өткерилетуғынлығын жәриялайды.
Таңлаў төрт басқышта болып өтеди.

1-басқыш - дәслепки үйрениў;
2-басқыш - тест сынақлары;
3-басқыш - жумыс үйрениў (стажировка);
4-басқыш - сәўбетлесиў.

Таңлаўға жоқары мағлыўматлы, тийисли тараўда басшы лаўазымда кеминде еки жыл ис тәжирийбесине ийе ҳәм турақлы түрде жумыс ислеп киятырған 25 жастан 45 жасқа шекемги Өзбекстан Республикасы пуқаралары қатнасады.
Таңлаў жеңимпазлары хошаметленеди ҳәм басшы лаўазымлардың кадрлар резервине киргизилип, тийисли тараўлар бойынша басшы лаўазымларға тайынланып барылады.
Таңлаўда қатнасыўшылардың арзалары 2019-жылдың 1-февраль күнине шекем Қарақалпақстан Республикасы Жоқарғы Кеңесинде қабыл етиледи.

Таңлаўда қатнасыў ҳаққындағы арзаға төмендеги ҳүжжетлер қосымша етиледи:
- справка-объективка (мағлыўматнама);
- паспорт нусқасы;
- мийнет дәптершеси нусқасы;
- дипломның нусқасы, егер шет елде оқыған болса нострификациядан өткерилгенлигин тастыйықлаўшы гүўалық;
- жумыс орнынан минезлеме (минезлеме биринши басшы лаўазымында ислеўши қатнасыўшылардан талап етилмейди). 

Мағлыўмат ушын телефон: 222-74-77

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.