Қарақалпақстан Республикасы Жоқарғы Кеңеси

⌂ ЎЗ ҚР РУ EN

Исбилермен ҳаял-қызларды қоллап-қуўатлаўға бағышланды

Нөкисте исбилерменлик пенен шуғылланыўшы ҳаял-қызлар ушын  5 күнлик семинар-тренинг шөлкемлестирилди. Илаж «Арал апатшылығы ақыбетинде жәбир көргенлердиң турмыс дәрежесин жақсылаў» жойбары шеңберинде Өзбекстан Ҳаял-қызлар комитети менен Пуқаралардың басламаларын қоллап-қуўатлаў орайы тәрепинен  БМШтың халықлар жайласыўы бойынша Қорының қоллап-қуўатлаўында  шөлкемлестирилди.

Илажда республика Ҳаял-қызлар комитети, жаслар шөлкемлери, мәҳәлле, мәмлекетлик емес коммерциялық емес шөлкемлердиң  ўәкиллери ҳәм исбилермен ҳаял-қызлар қатнасты.

Семинар исбилерменлик пенен шуғылланыўшы ҳаял-қызларға  бизнести табыслы жүргизиў, ҳуқықый билимин арттырыў, кредит алыў ушын таярланатуғын ҳүжжетлер бойынша  түсиник берилди. Сондай-ақ, олар елимизде киши бизнес ҳәм жеке исбилерменликти раўажландырыў бағдарында әмелге асырылып атырған илажлар менен таныстырылды. Соның менен бирге қосымша жумыс орынларын ашыўда үй мийнети ҳәм шаңарақлық исбилерменликтиң әҳмийети атап өтилди.

Семинар даўамында исбилерменлердиң интеллектуаллық потенциалын арттырыўға ҳәм бизнес көнликпелерин раўажландырыўға жәрдем ететуғын әмелий ойын­лар шөлкемлестирилди.

Тренерлер илаж қатнасыўшыларын маркетинг изерт­леўлериниң усыллары ҳәм принциплери менен таныстырып, бизнес-режелерди дүзиў қағыйдаларын үйретти. Соңынан ҳәр бир исбилерменниң бизнес-режени әмелге асырыў концепциясы талқыланды.

Илаж даўамында психологиялық ҳәм юридикалық тренинглер өткерилди.

Семинарда ҳаял-қызлардың ҳуқықларын ҳәрқандай шеклеў жағдайларын сапластырыўға байланыслы БМШ конвенциясының талапларын орынлаў, есап бериў ҳәм мониторинг етиў мәселелери бойынша мағлыўмат берилип, қатнасыўшылар өзлерин қызықтырған сораўларға жуўап алды.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.