Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЖӘМИЙЕТЛИК ҚӘЎИПСИЗЛИКТИ ТӘМИЙИНЛЕЎДЕГИ ЎАЗЫЙПАЛАР БЕЛГИЛЕНДИ

Усы жыл 9-март күни Қарақалпақстан Республикасы Жоқарғы Кеңесинде жынаятшылыққа қарсы гүресиў ҳәм оның алдын алыў, жәмийетлик қәўипсизликти тәмийинлеў бойынша быйылғы жылдың өткен еки айында исленген жумыслардың жуўмағы, алдағы үш айда әмелге асырылыўы тийис ўазыйпаларға бағышланған  мәжилис болып өтти. 
Видеоселектор тәризинде өткерилген илажға Арқа-батыс әскерий округи, Миллий гвардия, Прокуратура, Ишки ислер министрлиги ҳәм басқа да ҳуқық қорғаў уйымларының, Кегейли, Қоңырат, Мойнақ ҳәм Әмиўдәрья районларының 4 сектор басшылары, министрликлер менен жәмийетлик шөлкемлердиң, ғалаба хабар қураллардың ўәкиллери қатнасты. 
Илажды Қарақалпақстан Республикасы Жоқарғы Кеңесиниң Баслығы М.Ерниязов басқарып барды.
Буннан кейин Өзбекстан Республикасы Президенти жанындағы Қәўипсизлик кеңесиниң хаткери В.Махмудов, Өзбекстан Республикасы Ишки ислер министри П.Бабажанов шығып сөйлеп,  быйылғы жылдың өткен айларында исленген жумыслар, алда турған ўазыйпаларға тоқтап өтти.
Атап өтилгениндей, усы жылдың 10-февраль күни  болып өткен мәжилисте, ҳуқықбузарлықлар профилактикасы ҳәм жәмийетлик қәўипсизликти тәмийинлеў бағдарында өткен жылы жол қойылған кемшиликлер талқыланып, алда  турған ўазыйпалар белгилеп берилген еди. Соның менен бирге, «Жол картасы» тастыйықланып, оның орынланыўы қадағалаўға алынды.
Өзбекстан Республикасы Президентиниң 2018-жыл 4-декабрьдеги «Қарақалпақстан Республикасында жәмийетлик тәртипти сақлаў ҳәм ҳуқықбузарлықлар профилактикасы системасының нәтийжелилигин арттырыў илажлары ҳаққында» бийлиги тийкарында арнаўлы штаб дүзилип, Арқа-батыс әскерий округинде 94 саатлық оқыў курсы шөлкемлестирилди. Оны бүгинги күнге шекем үш жүзге шамалас ишки ислер уйымлары хызметкери  табыслы тамамлап, олардың кәсиплик таярлығын арттырыўда айрықша әҳмийетке ийе болмақта. 
Өзбекстан Республикасы Президентиниң 2018-жыл 24-декабрьдеги «Жәмийетлик қәўипсизликти тәмийинлеўдиң нәтийжелилигин арттырыў бойынша қосымша илажлар ҳаққында»ғы қарары тийкарында профилактика инспекторларының жәмийетлик тәртипти сақлаў бойынша жәрдемшиси лаўазымына талабанлардың дизими қәлиплестирилмекте. Жынаятшылыққа қарсы гүресиў ҳәм оның алдын алыўда Өзбекстан Республикасы Президенти жанындағы Қәўипсизлик кеңеси,  Ҳуқықбузарлыққа қарсы гүресиў бойынша республикалық комиссия, Өзбекстан Республикасы Ишки ислер министрлиги жақыннан жәрдем бермекте.
Илажда Қарақалпақстан Республикасы Министрлер Кеңесиниң Баслығы Қ.Сариев, Өзбекстан Республикасы Ишки ислер министриниң орынбасары Р.Хатамов, Өзбекстан Республикасы Қорғаныў министриниң орынбасары А.Икрамов, Қарақалпақстан Республикасы Ишки ислер министри А.Темирханов, Қарақалпақстан Республикасы Прокурорының биринши орынбасары Т.Нурметов, Миллий гвардияның топар командири М.Юсупов, Қарақалпақстан Республикасы Министрлер Кеңеси Баслығының орынбасары, республикалық Ҳаял-қызлар комитетиниң баслығы З.Ибрагимова шығып сөйлеп, алда турған ўазыйпаларға тоқтап өтти.
Мәжилисте Кегейли, Қоңырат, Мойнақ ҳәм Әмиўдәрья районлары 4 сектор басшыларының жынаятшылыққа қарсы гүресиў ҳәм оның алдын алыўда жол қойылған кемшиликлерден тийисли жуўмақ шығарыў бойынша мәлимлемелери тыңланды ҳәм бул бойынша тийисли қарар қабыл етилди.

 

 

Басқа жаңалықлар RSS

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.