Қарақалпақстан Республикасы Жоқарғы Кеңеси

⌂ ЎЗ ҚР РУ EN

АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.

Онда екинши жер жүзилик урыс қатнасыўшылары, мийнет ветеранлары, республика парламенти ҳәм ҳүкимети ағзалары, ҳуқық қорғаў уйымларының, оқыў орынларының, жәмийетлик шөлкемлердиң басшылары, кең жәмийетшилик ҳәм ғалаба хабар қуралларының ўәкиллери қатнасты.

8-май. Саат 9:00. Илажда Қарақалпақстан Республикасы Жоқарғы Кеңесиниң Баслығы М.Ерниязов, Министрлер Кеңесиниң Баслығы Қ.Сариев ҳәм басқа да рәсмий адамлар  әскерий оркестр музыкасы астында естелик алдына гүл шеңберлерин қойды. Бул жерге министрликлер менен ведомстволар, оқыў орынлары, жәмийетлик шөлкемлер, жаўынгер интернационалистлер ҳәм ветеранлар атынан да гүл шеңберлери қойылды.

Быйылғы жылы 9-май Еслеў ҳәм қәдирлеў күнин өткериўге айрықша таярлықлар көрилди. Өзбекстан Республикасы Президентиниң 2019-жыл 23-апрельдеги «Еслеў ҳәм қәдирлеў күнине таярлық көриў ҳәм оны өткериў ҳаққында»ғы қарарының орынланыўын тәмийинлеў бойынша бир қатар илажлар әмелге асырылды. Быйылғы жылы бул илажлар «Ата-бабаларды еслеў – муқаддес қәдирият», «Итибар ҳәм ғамхорлық – адамгершилик парыз» сүренлери астында өткерилмекте.

Өзбекстан Республикасы Президентиниң 2019-жыл 23-апрельдеги «Екинши жер жүзилик урыс қатнасыўшыларын хошаметлеў ҳаққында»ғы пәрманы тийкарында оларға фашизм үстинен ерисилген жеңистиң 74 жыллығы мүнәсибети менен Президентимиздиң байрам қутлықлаўы, 7 500 000 (жети миллион бес жүз мың) сум муғдарында ақшалай сыйлық, баҳалы саўғалар, ҳәкимликлер, тийисли министрликлер, жәмийетлик шөлкемлер, ҳуқық қорғаў уйымлары тәрепинен саўғалар тапсырылды. Буннан тысқары, екинши жер жүзилик урыста ҳәм фронт артында мийнет еткен ветеранлардың, хызмет ўазыйпасын орынлаў ўақтында қайтыс болған әскерий хызметкерлер ҳәм ҳуқық қорғаў уйымлары хызметкерлериниң шаңарақ ағзаларының ҳал-жағдайынан хабар алынып, материаллық ҳәм моральлық жәрдем көрсетилмекте. Бул илажлар даўам етпекте.

Илажда Өзбекстан ҳәм Қарақалпақстан Республикаларының Мәмлекетлик гимнлери атқарылды.

Буннан соң әскерий техникалар, қурал-жарақлар, мотоцикльлер, атлы ҳәм пияда әскерлер парады өткерилди.

«Ҳәсиретли ана» естелиги жанындағы майданда урыс жылларындағы окоп ҳәм блиндажларда сол дәўирдиң әскерий техника қураллары, қурал-жарақ үлгилери жайластырылған. Арқа-Батыс әскерий округиниң әскерлери қатнасында саўаш майданларында халқымыздың көрсеткен мәртлик ҳәм ерликлери, театр артистлери менен оқыўшы-жаслар тәрепинен ата-балаларымыздың фронт артындағы өмири сәўлелендирилди. Республикамыздың көркем өнер шеберлери, театр жәмәәтлери тәрепинен урыс жылларының қосық ҳәм намаларын атқарды.

Еслеў ҳәм қәдирлеў күнине бағышланған байрам илажлары барлық қала ҳәм районларда, оқыў орынларында, мийнет жәмәәтлеринде даўам етпекте.

 

Басқа жаңалықлар RSS

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.