Қарақалпақстан Республикасы Жоқарғы Кеңеси

⌂ ЎЗ ҚР РУ EN

УРЫС ҚАТНАСЫЎШЫСЫНА ТУРАҚ ЖАЙ ТАПСЫРЫЛДЫ

Усы жыл 7-май күни Қарақалпақстан Республикасы Жоқарғы Кеңесиниң Баслығы М.Ерниязов Нөкис қаласы «Қызыл қум» мәкан пуқаралар жыйыны аймағында жасаўшы Екинши жер жүзилик урыс қатнасыўшысы Атабай Ермағамбетовқа байрам саўғаларын тапсырды.

М.Ерниязов урыс ветеранын 9-май «Еслеў ҳәм қәдирлеў күни», сондай-ақ, Екинши жер жүзилик урыста фашизм үстинен ерисилген жеңистиң  74 жыллығы менен қызғын қутлықлады. Усы мүнәсибет пенен Президентимиздиң байрам қутлықлаўын, Өзбекстан Республикасы Президенти атынан 7 500 000 (жети миллион бес жүз мың) сум муғдарында ақшалай сыйлықты, төрт бөлмели турақ жайдың гилтин салтанатлы жағдайда тапсырды. Сондай-ақ, Нөкис қаласы ҳәкимлиги, ҳуқық қорғаў уйымлары, жәмийетлик шөлкемлердиң атынан да саўғалар тапсырылды.

Урыс қатнасыўшысы Атабай Ермағамбетов 1925-жылы Мойнақ районында туўылды. 1943-жылы май айында әскерий хызметке шақырылып, Тәжикстан Республикасында шегара хызметинде болды. Буннан кейин Новосибирск, Кемерово, Днепропетровск қалаларында байланыс бөлимлеринде хызмет атқарып, Румынияның Брачево ҳәм Сибею қалаларын азат етиўге қатнасқан. Сондай-ақ, 1945-жылы Пятигорск қаласында атлы әскерлер қурамында, 1946-1952-жыллары бурынғы аўқам ҳәм Иран мәмлекети шегарасында шегарашы болып хызмет еткен. Урыста көрсеткен ерлиги ушын бир нешше орден ҳәм медальлар менен сыйлықланды.

Туўылған елине қайтып келгеннен кейин Мойнақ балық консерва заводында, соң халық хожалығының түрли тараўларында мийнет етти. Ҳәзирги ўақытта Нөкис қаласында жасап атыр.

Бердақ атындағы Қарақалпақ мәмлекетлик академиялық музыкалы театры, Қарақалпақ мәмлекетлик Жас тамашагөйлер театры жәмәәтлери, Арқа-батыс әскерий округиниң әскерий оркестри тәрепинен урыс жылларының қосық ҳәм намалары атқарылды.

Усы күни Нөкис қаласы «Темир жол» мәкан пуқаралар жыйыны аймағында жасаўшы, урыс қатнасыўшысы Тлеўбай Утепбергенов ҳәм «Анасай» мәкан пуқаралар жыйыны аймағында жасаўшы, урыс қатнасыўшысы Қыдырбай ата Нармановлардың шаңарағынан хабар алынып, оларға Президентимиздиң байрам қутлықлаўы, Өзбекстан Республикасы Президенти атынан 7 500 000 (жети миллион бес жүз мың) сум муғдарында ақшалай сыйлық, баҳалы саўғалар тапсырылды.

 

Басқа жаңалықлар RSS

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.

05.07.2019 СПОРТ ҲӘПТЕЛИГИ ЖУЎМАҚЛАНДЫ

Республикамызда «Олимпиада күни»не бағышланған спорт ҳәптелиги кең түрде белгиленди. Илаж шеңберинде Нөкис қаласында ҳәм районларда спорт жарыслары, белгили спортшылар ҳәм ветеранлар менен ушырасыўлар өткерилди.