Қарақалпақстан Республикасы Жоқарғы Кеңеси

⌂ ЎЗ ҚР РУ EN

ИШКИ ИСЛЕР УЙЫМЛАРЫ ХЫЗМЕТКЕРЛЕРИНЕ ТУРАҚ ЖАЙ ҲӘМ ХЫЗМЕТ АВТОМАШИНАЛАРЫ ТАПСЫРЫЛДЫ

Усы жыл 6-май күни Нөкис қаласындағы «Нур» мәкан пуқаралар жыйыны аймағында Қарақалпақстан Республикасы Ишки ислер уйымларының 90 хызметкерине жаңа турақ жайды пайдаланыўға тапсырыў салтанаты болып өтти.

Илажда Қарақалпақстан Республикасы Министрлер Кеңесиниң Баслығы Қ.Сариев  шығып сөйлеп, жыйналғанларды 9-май — «Еслеў ҳәм қәдирлеў күни», Екинши жер жүзилик урыста фашизм үстинен ерисилген жеңистиң  74 жыллығы, сондай-ақ, жаңа турақ жайдың пайдаланыўға тапсырылыўы менен қутлықлады.

Атап өтилгениндей, Президентимиздиң басшылығында елимизде жынаятшылықтың алдын алыў, ҳуқықбузарлыққа қарсы гүресиў, халқымыздың тыныш және абадан турмысын тәми­йинлеўге айрықша итибар қаратылмақта.  Өзбекстан Республикасы Президентиниң 2018-жыл 4-декабрьдеги «Қарақалпақстан Республикасында жәмийетлик тәртипти сақлаў ҳәм ҳуқықбузарлықлар профилактикасы системасының нәтийжелилигин арттырыў бойынша илажлар ҳаққында»ғы  бийлиги тийкарында Арқа-Батыс әскерий округиниң Нөкис гарнизонында Қарақалпақстан Республикасы Ишки ислер уйымларының қәнигелестирилген оқыў-әмелий курсы шөлкемлестирилип, Нөкис қаласында жәмийетлик қәўипсизликти тәмийинлеў бойынша «Қәўипсиз қала» концепциясы әмелге асырылмақта. Усындай илажлар нәтийжесинде республикамыз аймағында  быйылғы жылдың өткен дәўиринде жынаятшылықтың 30 процентке азайыўына ерисилди.

Өзбекстан Республикасы Минис­трлер Кабинетиниң 2017-жыл 29-июньдеги «Ишки ислер уйымлары хызметкерлериниң турақ жай шараятларын жақсылаўға байланыслы қосымша илажлар ҳаққында»ғы қарарына муўапық, узақ мүддетли, жеңиллетилген кредит есабынан 5 қабатлы 3 турақ жайдың қурылысы питкерилип, пайдаланыўға тапсырылды. Улыўма баҳасы  12 миллиард 784 миллион сум болған турақ жайдың қурылысы «Нөкис Туран қурылыс» ҳәм «Нөкис искер» жуўапкершилиги шекленген жәмийетиниң қурылысшылары тәрепинен сапалы етип, қурып питкерилди.

Илажда Арқа-Батыс әскерий округи сәркардасы, полковник Д.Чориев, «Нураный» қоры Қарақалпақстан бөлиминиң баслығы Ш.Уснатдинов, Қарақалпақстан Республикасы Ишки ислер министри А.Темирханов, жаңа турақ жай ийелери атынан Кегейли районлық ишки ислер бөлими жол ҳәрекети қәўипсизлиги бөлимшесиниң баслығы Қ.Муратов, Тақыятас районлық ишки ислер бөлими ҳаял-қызлар мәселелери бойынша аға инспекторы С.Сейилханова шығып сөйлеп, ишки ислер уйымлары хызметкерлерине итибары ҳәм ғамқорлығы ушын Президентимизге өз миннетдаршылығын билдирди.

Илаж қатнасыўшылары жаңа турақ жайда жаратылған шараятлар менен танысты.

 

Басқа жаңалықлар RSS

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.

05.07.2019 СПОРТ ҲӘПТЕЛИГИ ЖУЎМАҚЛАНДЫ

Республикамызда «Олимпиада күни»не бағышланған спорт ҳәптелиги кең түрде белгиленди. Илаж шеңберинде Нөкис қаласында ҳәм районларда спорт жарыслары, белгили спортшылар ҳәм ветеранлар менен ушырасыўлар өткерилди.