Қарақалпақстан Республикасы Жоқарғы Кеңеси

⌂ ЎЗ ҚР РУ EN

«МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

Илажда «Нураний» қоры Қарақалпақстан Республикалық Кеңесиниң баслығы Ш.Уснатдинов, Қарақалпақстан Республикасы Жоқарғы Кеңесиниң комитет баслығы Д.Қурбаниязов шығып сөйлеп, Президентимиз тәрепинен кексе әўлад ўәкиллерине көрсетилип атырған айрықша итибар және ғамқорлыққа тоқтап өтти.  Атап айтқанда, экономика ҳәм өндирис, илим, мәденият, билимлендириў, денсаўлықты сақлаў, юриспруденция ҳәм басқа да тараўлардағы көп жыллық ҳадал мийнетлери ушын мийнеткешлерге, сондай-ақ, жумыс ислемейтуғын, жәмийетте беккем шаңарақты сақлап қалған, перзентлерин үлкенлерге ҳәм киши әўладларға ҳүрмет, жәмийет алдындағы жуўапкершилик, Ўатанға садықлық руўхында тәрбиялап ҳүрметке бөленген аналарға I, II, III дәрежели «Меҳнат фахрийси» көкирек белгилериниң шөлкемлестирилиўи буның айқын дәлийли болып табылады.

Өзбекстан ветеранларының жәмийетлик жумысын қоллап-қуўатлаўшы «Нураний» қоры Қәўендерлик Кеңесиниң усы жыл 30-марттағы қарары менен  мийнет ветеранлары (I, II, III дәрежели) «Меҳнат фахрийси» көкирек белгиси  менен сыйлықланды. Олар арасында республикамыздан бир топар нуранийлар да бар. Атап айтқанда, көп жыллар даўамында ҳадал және жемисли мийнет еткени ушын  Бухарбай Абдиров, Нажимаддин Мухаммеддинов, Узақберген Тлеўмуратов, Жаңабай Алламуратов I дәрежели, Орынбай Төрениязов,  Толыбай Каипов, Қайыпберген Юсупов, Нзаматдин Бегжанов,  Джумабай Мәмбетназаров, Балтамурат Ходжамуратов, Абдуллажан Юсупов, Сабур Нурлаев II дәрежели, бир топар нуранийлар III дәрежели «Меҳнат фахрийси» көкирек белгиси менен сыйлықланды. Илажда «Меҳнат фахрийси» көкирек белгиси ҳәм оның гүўалығы салтанатлы жағдайда тапсырылды.

Сыйлықланғанлар атынан  Тақыятас районынан Наргүл Ҳамраева, Хожели районынан Ниязымбет Сабировлар шығып сөйлеп, айрықша итибары ҳәм ғамқорлығы ушын ҳүрметли Президентимизге, республикамыздың басшыларына миннетдаршылық билдирди.

-Россияның Мордовия Республикасынан Әмиўдәрья районына келин болып түсип, 38 жыл даўамында халық билимлендириў тараўында мийнет еттим,-дейди III дәрежели «Меҳнат фахрийси» көкирек белгиси ийеси Валентина Петровна Кузнецова.-Мениң мийнетлеримди есапқа алып, усы сыйлыққа ылайық деп тапқанына бахытлыман.

Нуранийларға байрам дәстурханы жайылып, өз-ара пикир алысыўлар болды.

 

Басқа жаңалықлар RSS

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.

05.07.2019 СПОРТ ҲӘПТЕЛИГИ ЖУЎМАҚЛАНДЫ

Республикамызда «Олимпиада күни»не бағышланған спорт ҳәптелиги кең түрде белгиленди. Илаж шеңберинде Нөкис қаласында ҳәм районларда спорт жарыслары, белгили спортшылар ҳәм ветеранлар менен ушырасыўлар өткерилди.