Қарақалпақстан Республикасы Жоқарғы Кеңеси

⌂ ЎЗ ҚР РУ EN

«РАЛЛИ МОЙНАҚ-2019» ЖАРЫСЫНЫҢ ЖЕҢИМПАЗЛАРЫ СЫЙЛЫҚЛАНДЫ

Усы жыл 5-май күни Мойнақ районында «Ралли Мойнақ-2019» жарысының жеңимпазларын сыйлықлаў мәресими болып өтти.

Илажда Қарақалпақстан Республикасы Жоқарғы Кеңесиниң Баслығы М.Ерниязов жарыс жеңимпазларын ҳәм бәрше қатнасыўшыларды қолға киргизген жеңиси менен қутлықлады.

Президентимиздиң усы жыл 5-январьдағы «Өзбекстан Республикасында туризмди жедел раўажландырыўға байланыслы  қосымша илажлар ҳаққында»ғы пәрманының орынланыўын тәмийинлеў бағдарында Өзбекстан қорғаныўға көмеклесиўши «Ватанпарвар» шөлкеми, Өзбекстан Республикасы Денетәрбия ҳәм спорт министрлиги, Өзбекстан Республикасы Туризмди раўажландырыў мәмлекетлик комитети, басқа да мәпдар шөлкемлер менен биргеликте биринши мәрте шөлкемлестирилген жарысқа Қазақстан Республикасынан, Өзбекстанның барлық ўәлаятларынан ҳәм жергиликли 42 автомашина экипажы, 20 мотокросс спортшысы қатнасты.

Үш күн даўам еткен жарыс жуўмағында «А-9» класы бойынша биринши орынды Әндижан ўәлаятынан Сардор Хажаев пенен Акмал Жураев, екинши орынды Ташкент қаласынан  Жаҳәнгир Джаббаров пенен Рауф Гасанов, үшинши орынды  Наманган ўәлаятынан Аликай Хайруллаев ҳәм Рахим Шерматов, «А-8» класы бойынша биринши орынды Жиззақ ўәлаятынан Фурқат Ахрарқулов пенен Асқар Хасанов, екинши орынды Қарақалпақстаннан Тимур ҳәм Қиличбек Нарзиқуловлар, үшинши орынды Әндижан ўәлаятынан Иброхим Туйчиев пенен Абдуманнон Казаков ийелеген болса, «А-0» класы бойынша биринши орынды Қашқадәрья ўәлаятынан Шариф Темиров, Бекзод Рузиев, екинши орынды Хорезм ўәлаятынан Муратбек Бегиев пенен Мансурбек Аташев, үшинши орынды Хорезм ўәлаятынан Фахриддин Жуманизов ҳәм Эрзод Бабажанов қолға киргизди.

Илажда «А-9» класы бойынша биринши орынды ийлеген Әндижан ўәлаятынан Сардор Хожаев пенен Акмал Жураевлар шөлкемлестириўшилер тәрепинен «Нексия-3» автомашинасы, «А-8» класы бойынша биринши орынды жеңип алған Жиззақ ўәлаятына Фурқат Аҳраркулов пенен Асқар Хасановлар «Спарк» автомашинасы менен сыйлықланды. Екинши ҳәм үшинши орын ийелерине болса пул сыйлықлары,  «А-0» класы бойынша биринши, екинши ҳәм үшинши орын ийелерине, cондай-ақ, мотокросс жарысының қатнасыўшыларына да естелик саўғалар берилди.

Сыйлықлаў мәресими көркем өнер шеберлери ҳәм жас атқарыўшылардың концерт бағдарламасы менен жуўмақланды.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.