Қарақалпақстан Республикасы Жоқарғы Кеңеси

⌂ ЎЗ ҚР РУ EN

ХАЛЫҚ ДЕПУТАТЛАРЫ ҚАРАӨЗЕК РАЙОНЛЫҚ КЕҢЕСИНИҢ ГЕЗЕКСИЗ СЕССИЯСЫ

25-май күни халық депутатлары Қараөзек районлық Кеңесиниң гезексиз қырық сегизинши сессиясы болып өтти.

Сессияның күн тəртибинде шөлкемлестириў мәселеси көрип шығылды.
Сессияда Қарақалпақстан Республикасы Жоқарғы Кеңесиниң Баслығы М.Ерниязов қатнасты ҳəм районды социаллық-экономикалық жақтан раўажландырыў, халықтың турмыс абаданлығын жақсылаў бойынша əмелге асырылып атырған жумыслар, орын алып атырған кемшиликлер ҳəм алда турған ўазыйпаларға кең түрде тоқтап өтти.

Қараөзек районы шет ел инвестицияларын алып келиў, халықтың бəнтлигин тəмийинлеў, аўыл хожалығы, соның ишинде шарўашылықты раўажландырыў бойынша кең имканиятларға ийе аймақ саналады. Усыған қарамастан бир қатар кемшиликлердиң ушырасып атырғанлығы қатаң сынға алынды ҳəм тийисли басшыларға анық ўазыйпалар белгилеп берилди.

Буннан соң район ҳəкими лаўазымына усы күнге шекем «Өзагролизинг» акционерлик жәмийети Қарақалпақстан Республикалық филиалының директоры лаўазымында ислеп келген Жумабаев Роман Абдикадировичтиң кандидатурасы усынылды.

Күн тəртибиндеги мəселе бойынша «Нураный» қорының Қараөзек районлық кеңеси баслығы Ж.Данияров, 25-санлы «Қуралпа» сайлаў округинен депутат Х.Реймов, 3-санлы «Гүлистан» сайлаў округинен депутат А.Калилаев бул усынысты қоллап-қуўатлап шығып сөйледи.

Сессияда Роман Абдиқадирович Жумабаев Қараөзек районы ҳəкими етип тастыйықланды.

Буннан соң Қараөзек районы ҳəкими Роман Жумабаев сөзге шығып, өзине билдирилип атырған бундай жоқары исенимди ақлаўға, бар билим ҳəм тəжирийбесин районды социаллық-экономикалық жақтан раўажландырыўға жумсаўға таяр екенлигин билдирди.

 

Басқа жаңалықлар RSS

14.09.2019 М.Т.Кайпановты Бозатаў районы ҳәкими лаўазымына тайынлаў ҳаққында Қарақалпақстан Республикасы Жоқарғы Кеңеси Баслығының БИЙЛИГИ

Қарақалпақстан Республикасы Конституциясы 81-статьясының 6-бәнтине муўапық Кайпанов Махмуд Тенгелович Бозатаў районы ҳәкими лаўазымына тайынлансын.

 

14.09.2019 БОЗАТАЎ РАЙОНЛЫҚ КЕҢЕСИНИҢ БИРИНШИ СЕССИЯСЫ БОЛЫП ӨТТИ

14-сентябрь күни халық депутатлары Бозатаў районлық кеңесиниң биринши сессиясы болып өтти.

05.09.2019 Қарақалпақстан Республикасы Бозатаў районын шөлкемлестириў туўралы

Усы жылдың 4-сентябрь күни Қарақалпақстан Республикасы Жоқарғы Кеңесиниң ХХVII сессиясы болып өтти. Сессияда Қарақалпақстан Республикасының Бозатаў районын шөлкемлестириў ҳаққында Жоқарғы Кеңестиң арнаўлы қарары қабыл етилди. Төменде қарар тексти менен толық танысыўыңыз мүмкин.