Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЖҮРЕКЛЕРДИ ТЕБИРЕНДИРГЕН ҚОС ҚУЎАНЫШ

Бийғам балалықтың қуўаныш, ойын-күлкисине ҳеш нәрсе жетпейди. Елимизде байрамларға сыйлы саўғалар менен келиў әдетий түске айланған.

Үш ай бурын, Қанлыкөл районы орайына кире берис­теги бос жатырған ашық майданға ең заманагөй архитектуралық үлгидеги мың орынлық стадион салынып, халықаралық Балаларды қорғаў күни  ­ байрамы ҳүрметине пайдаланыўға берилгенине жас өспиримлер шексиз қуўа­нышқа бөленди. Республикамыздың көпшилик районлары орайларына усындай қурылыс-сметалық нырқы 6 млрд. сумлық стадионларды қысқа ўақыт ишинде сапалы қурып питкериўде жуўапкершилиги шекленген «Бахыт-Миратдин» қурылыс шөлкеминиң баслығы Бахыт Салатдинов басқарған жәмәәттиң мийнетлери айрықша.

Қанлыкөл районының спортшылары Қарақалпақстан ҳәм Өзбекстан Республикалары көлеминде өткерилип киятырған чемпионат ҳәм кубоклар жарысларында жетекши орынларды ийелеп келмекте. Балалар ҳәм жас өспиримлер спорт мектебинде жоқары ҳәм орта маманлықтағы 26 тренер 1417 жас өспиримди өзлери қызыққан спорттың 13, атап айтқанда, 9 олимпиада спорт түрлери менен турақлы шуғылландырып, олардың арасынан чемпионлар, жоқары разрядлы спортшыларды тәрбиялап шығармақта.

Жаз паслының жадыраған ашық аспанлы байрам күни, стадионды пайдаланыўға тапсырыў мәресиминде Қарақалпақстан Республикасы Жоқарғы Кеңесиниң Баслығы М.Ерниязов жыйналғанларды қос байрам, қос қуўанышлары менен қутлықлап, жас спортшыларға Президентимиз саў­ғаларын инам етти.

Қурылысшылар «Жай­ҳун» деп ат алған стадионның дәстүрий «алтын гилтин» Балалар ҳәм жас өспиримлер спорт мектебиниң директоры Б.Атабаевқа тапсырды.

Байрам салтанатлары басланып, жасалма көгис газонда Қанлыкөл ҳәм Хожели районларының жас өспиримлер, нураный футболшылардың жолдаслық ушырасыўлары, бақша балалары менен мектеп оқыўшылары, район ҳәм республика көркем өнер ғайраткерлериниң концерт бағдарламалары менен уласып кетти.

 

Басқа жаңалықлар RSS

14.09.2019 М.Т.Кайпановты Бозатаў районы ҳәкими лаўазымына тайынлаў ҳаққында Қарақалпақстан Республикасы Жоқарғы Кеңеси Баслығының БИЙЛИГИ

Қарақалпақстан Республикасы Конституциясы 81-статьясының 6-бәнтине муўапық Кайпанов Махмуд Тенгелович Бозатаў районы ҳәкими лаўазымына тайынлансын.

 

14.09.2019 БОЗАТАЎ РАЙОНЛЫҚ КЕҢЕСИНИҢ БИРИНШИ СЕССИЯСЫ БОЛЫП ӨТТИ

14-сентябрь күни халық депутатлары Бозатаў районлық кеңесиниң биринши сессиясы болып өтти.

05.09.2019 Қарақалпақстан Республикасы Бозатаў районын шөлкемлестириў туўралы

Усы жылдың 4-сентябрь күни Қарақалпақстан Республикасы Жоқарғы Кеңесиниң ХХVII сессиясы болып өтти. Сессияда Қарақалпақстан Республикасының Бозатаў районын шөлкемлестириў ҳаққында Жоқарғы Кеңестиң арнаўлы қарары қабыл етилди. Төменде қарар тексти менен толық танысыўыңыз мүмкин.