Қарақалпақстан Республикасы Жоқарғы Кеңеси

⌂ ЎЗ ҚР РУ EN

Кувейттиң жəне бир инвесторы менен бирге ислесиў жолға қойылмақта

Усы жылдың 10-июнь күни Өзбекстан Республикасының Кувейт мəмлекетиндеги Айрықша ҳəм толық ҳуқықлы елшиси Б.Аълоев ҳəм «Petroleum Dynamics Oil & Gas» компаниясының вице-президенти Махаешом Арйей басшылығындағы делегация республикамызда сапарда болды.

Қарақалпақстан Республикасы Жоқарғы Кеңесиниң Баслығы М.Ерниязов мийманлар менен сəўбетлестиўлер алып барды.

Сəўбетлесиўлер барысында Қарақалпақстан Республикасы Жоқарғы Кеңесиниң Баслығы мийманларды республикамызға сапары менен қутлықлап, Ҳүрметли Президентимиз басшылығында əмелге асырылып атырған кең көлемли ийгиликли ислер, инвесторлар ушын жаратылып атырған шараятлар менен жақыннан таныстырды. Өз нəўбетинде «Petroleum Dynamics Oil & Gas» компаниясының вице-президенти Махаешом Арйей жыллы жүзлилик пенен қабыл еткени ушын Қарақалпақстан Республикасы Жоқарғы Кеңесиниң Баслығына өз миннетдаршылығын билдирип өтти.

Буннан соң делегация ағзалары Қоңырат районындағы «Қоңырат сода заводы» ЖШЖ тəрепинен ислеп шығарылып атырған өнимлер ҳəм кəрхананың жумысы менен жақыннан танысты.

Бул жердаги сода ҳəм костик сода, цемент, төгин ислеп шығарыў, сондай-ақ, газ-химия комплексиниң қурылыс жумыслары мийманларда қызығыўшылық оятып, бул жойбарларды үйренип шығыўын билдирди.  

Еслетип өтемиз, 2018-жылдың 28-октябрь күни Қарақалпақстан Республикасы Жоқарғы Кеңесиниң Баслығы М.Ерниязов Кувейт мəмлекетиниң «Аль Амакин аль-Аламий» корпорациясы баслығы Насер аль Ажмиди де қабыллаған еди.

Қабыллаў мəресиминде корпорация тəрепинен улыўма баҳасы 20 миллион АҚШ доллары муғдарындағы инвестиция киритилиўи нəзерде тутылған меморандумға қол қойылған еди.

 

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.