Қарақалпақстан Республикасы Жоқарғы Кеңеси

⌂ ЎЗ ҚР РУ EN

Шавкат Мирзиёев: Ким бизлердиң реформаларымыздан гүман етсе, Мойнаққа келип көрсин

Президенттиң өткен жылдағы сапары даўамында берилген көрсетпелер тийкарында ҳүкиметтиң Мойнақ районын комплексли социаллық-экономикалық раўажландырыў бағдарламасы қабыл етилди. Онда 2019-2021-жылларда улыўма 1 триллион 485 миллиард сумлық қурылыс-оңлаў жумыслары әмелге асырылыўы белгиленген.
Қысқа ўақыт ишинде бир неше объектлер пайдаланыўға тапсырылды. Атап айтқанда, 800 орынлық амфитеатр ҳәм мәмлекетлик хызметлер орайы қурылды, мәденият орайы ҳәм стадион, «Бозатаў» аўыл пуқаралар жыйынындағы шаңарақлық поликлиника реконструкцияланды.
Июль айында «Мўйноқ порлоқ текс» жуўапкершилиги шекленген жәмийети тәрепинен тигиўшилик кәрханасы иске қосылды. 350 жумыс орны жаратылды.
Заманагөй машиналар орнатылған бул кәрхана жылына 1 миллион дана таяр тигиўшилик ҳәм трикотаж өнимлерин ислеп шығыў қуўатлылығына ийе. Ҳәзирги ўақытта простина ҳәм көрпе тыслары, арнаўлы жумыс формалары тигилмекте. Бул жердесаўда дүканы шөлкемлестирилген. Жаңадан қурылып атырған жайлардан кәрхана хызметкерлери ушын турақ жайлар ажыратылған.
Шавкат Мирзиёев кәрхананың жумыслары менен танысты, жумыс ислеп атырған ҳаял-қызлар менен сәўбетлести.
- Мойнақтағы өзгерислерди, сизлердиң көзлериңиздеги разылықты көрип оғада қуўанышлыман. Бул – алыс-алыс аймақларға барып ислеп атырған жумысларымыздың нәтийжеси. Егер кимдум бизлердиң реформаларымыздан гүман ететуғын болса, Мойнаққа келип көрсин, - деди Президент.
Мәмлекетимиз басшысы жуўапкерлерге кәрхананы турақлы ислетиў, өним түрлерин көбейтиў бойынша көрсетпелер берди.

 

Басқа жаңалықлар RSS

14.09.2019 М.Т.Кайпановты Бозатаў районы ҳәкими лаўазымына тайынлаў ҳаққында Қарақалпақстан Республикасы Жоқарғы Кеңеси Баслығының БИЙЛИГИ

Қарақалпақстан Республикасы Конституциясы 81-статьясының 6-бәнтине муўапық Кайпанов Махмуд Тенгелович Бозатаў районы ҳәкими лаўазымына тайынлансын.

 

14.09.2019 БОЗАТАЎ РАЙОНЛЫҚ КЕҢЕСИНИҢ БИРИНШИ СЕССИЯСЫ БОЛЫП ӨТТИ

14-сентябрь күни халық депутатлары Бозатаў районлық кеңесиниң биринши сессиясы болып өтти.

05.09.2019 Қарақалпақстан Республикасы Бозатаў районын шөлкемлестириў туўралы

Усы жылдың 4-сентябрь күни Қарақалпақстан Республикасы Жоқарғы Кеңесиниң ХХVII сессиясы болып өтти. Сессияда Қарақалпақстан Республикасының Бозатаў районын шөлкемлестириў ҳаққында Жоқарғы Кеңестиң арнаўлы қарары қабыл етилди. Төменде қарар тексти менен толық танысыўыңыз мүмкин.