Қарақалпақстан Республикасы Жоқарғы Кеңеси

⌂ ЎЗ ҚР РУ EN

Президент Мойнақ районында Қарақалпақстан белсендилери менен сәўбетлесиў өткерди

Президент Шавкат Мирзиёев Мойнақ районындағы мәденият орайында қарақалпақстанлы белсендилер менен сәўбетлесиў өткерди.

Мәмлекетимиз басшысы жыйналғанларды жақынласып киятырған Ғәрезсизлик байрамы менен қутлықлап, қарақалпақ елине шын жүректен ҳүрмет-иззетин билдирди.

– Сизлер менен биргеликте үлкен ҳәрекет басладық. Ҳәр бир аймақтың дәртин билейик, ҳәр бир инсанның ишине кирейик, ертеңги күнге исенимин оятайық деп терең ойланған реформаларды әмелге асырып атырмыз. Адмлар ертең емес, алыс келешекте емес, бүгин жақсы жасаўы керек, – деди Президент.

Бул сиясаттың нәтийжеси Қарақалпақстанда да айқын көринбекте.

Арал бойы халқының турмысын жақсылаў ҳаққындағы гәплер 50-жыллардан берли бар. Бирақ, соңғы еки жылда исленген жумыслар өз алдына.

Шавкат Мирзиёевтиң басламасы менен БМШ басшылығында Арал бойы аймағы ушын көп шериклик тийкарындағы Траст фонды дүзилди. Өзбекстан Республикасы Президенти жанында Арал бойы халықаралық инновациялық орайы, Арал бойында инновацияларды қоллап-қуўатлаў қоры шөлкемлестирилди. Теңиздиң қурыған ултанында қорғаў тоғайлықлары, Әмиўдәрья дельтасында киши суў бассейнлери пайда етилмекте.

Мәмлекетимиз басшысының 2017-жыл 28-февральдағы қарарына муўапық Мойнақ районын социаллық-экономикалық жақтан раўажландырыў ҳәм халықтың бәнтлигин тәмийинлеў бойынша да бир қатар жумыслар әмелге асырылды.

Президентимиздиң өткен жылы 15-ноябрьдеги сапары даўамында белгиленген ўазыйпалар тийкарында ҳүкиметлик бағдарлама қабыл етилди. Район орайында мәмлекетлик хызметлер орайы, амфитеатр, бассейн, спорт залы, музыка ҳәм көркем өнер мектеби, медициналық орай ҳәм басқа объектлер қурылды. 20 көп этажлы турақ жай қурылмақта.

Шын жүректен болып өткен ушырасыўда Нөкис қаласы ҳәм барлық районлардан келген ўәкиллер Мойнақтағы өзгерислерге ҳәўес еткенлигин атап өтип, өз орынларындағы кемшилик ҳәм әҳмийетли мәселелерди айтты. Оларды шешиў бойынша жуўапкерлерге тапсырмалар берилди.

– Зәўлим имаратлар, заманагөй техникалар менен мақтаныў шәрт емес. Ақыллы, билимли, пидайы перзентлерди тәрбияласақ ҳәм олар Ўатанға хызмет етсе, ең үлкен байлық, бахыт усы, – деди мәмлекетимиз басшысы.

 

Басқа жаңалықлар RSS

14.09.2019 М.Т.Кайпановты Бозатаў районы ҳәкими лаўазымына тайынлаў ҳаққында Қарақалпақстан Республикасы Жоқарғы Кеңеси Баслығының БИЙЛИГИ

Қарақалпақстан Республикасы Конституциясы 81-статьясының 6-бәнтине муўапық Кайпанов Махмуд Тенгелович Бозатаў районы ҳәкими лаўазымына тайынлансын.

 

14.09.2019 БОЗАТАЎ РАЙОНЛЫҚ КЕҢЕСИНИҢ БИРИНШИ СЕССИЯСЫ БОЛЫП ӨТТИ

14-сентябрь күни халық депутатлары Бозатаў районлық кеңесиниң биринши сессиясы болып өтти.

05.09.2019 Қарақалпақстан Республикасы Бозатаў районын шөлкемлестириў туўралы

Усы жылдың 4-сентябрь күни Қарақалпақстан Республикасы Жоқарғы Кеңесиниң ХХVII сессиясы болып өтти. Сессияда Қарақалпақстан Республикасының Бозатаў районын шөлкемлестириў ҳаққында Жоқарғы Кеңестиң арнаўлы қарары қабыл етилди. Төменде қарар тексти менен толық танысыўыңыз мүмкин.