Қарақалпақстан Республикасы Жоқарғы Кеңеси

⌂ ЎЗ ҚР РУ EN

Шет тиллерин үйретиў жетилистирилмекте

Президентимиз Ислам Кәримовтың 2012-жыл 10-декабрьде қабыл етилген «Шет тиллерди үйрениў системасын буннан былай да  жетилистириў илажлары ҳаққында»ғы қарары елимиздиң билимлендириў системасында әмелге асырылып атырған реформалардың даўамы сыпатында ҳәр тәреплеме бәркамал әўлад тәрбиясы жолындағы ис-ҳәрекетлерди жаңа басқышқа көтерди.

Республикамызда усы қарар тийкарында билимлендириў мәкемелеринде шет тиллерин үйретиўди жетилистириў бойынша айтарлықтай илажлар әмелге асырылмақта. Буны пайтахтымыздағы 1-санлы қәнигелестирилген мектептиң жумысы мысалында да көриўимизге болады.

Бул билим дәргайы республикамыздағы ең үлгили оқыў орынларынан бири. Мектепти тамамлаған оқыўшылардың көпшилиги елимиздеги абырайлы жоқары оқыў орынларында тәлим алып атырғаны буның айқын дәлили болып табылады.

- Президентимиздиң шет тиллерин оқытыў системасын жетилистириўге арналған қарары, әсиресе, қәнигелестирилген оқыў орынларының жуўапкершилигин және де арттырады, - дейди мектеп  директоры Гүлайым Әбдирова. - Шет тиллерин басланғыш класстан баслап оқытыў системасының енгизилип атыр­ғаны улыўма орта билим бериў мектеплери ушын өзинше бир үлги ўазыйпасын да өтеўи керек. Сол себепли билим-тәрбия, оқыў-методикалық жумысларды қайта көрип шығыў илажлары көрилмекте. Бурынғы баслаўыш класс оқыўшыларының шет тили бойынша быйыл биринши классқа келген ҳәм бул пән бойынша дәслепки билим тийкарларын үйренген оқыўшылардан артта қалмаўы ушын 2-3-4-класс оқыўшыларына сабақтан тысқары ҳәптесине еки саат даўамында  шет тили бо­йынша сабақ өтилип атыр.

795 оқыўшы билим алып атырған бул  оқыў дәргайында мийнет етип атырған 56 педагогтың көпшилиги жоқары дәрежели оқытыўшылар. Жәмәәтимизде Президентимиздиң қарары пуқта үйренилип, оннан келип шығатуғын ўазыйпалар тийкарында жаңа режелер дүзилди. Басқа пәнлер бойынша оқытыўшылардың да инглис тилин үйрениўине айрықша итибар қаратылып, олардың билимин арттырыў ушын шынығыўлар өткерилмекте.

Барлық көргизбели қураллар бүгинги күнниң талаплары дәрежесинде жаңаланып, инглис тилин үйретиў ҳәм үйрениў бойынша өз алдына ханалар, стендлер исленди. Ашық сабақлар арқалы оқытыўшы ҳәм оқыўшылардың билим дәрежеси мониторинг етип барылмақта.

Ҳәптениң ҳәр жума күни инглис тилинде шөлкемлестирилип атырған ҳәр қыйлы руўхый-ағартыўшылық илажлар, таңлаўлар, класслар аралық беллесиўлер жаслардың еркин сөйлесиў көнликпелерин беккемлеўге хызмет етпекте.

Бул жерде «Funny English», «English speaking club», «We learn English» сыяқлы дөгереклер шөлкемлестирилип, оқыўшылардың тил үйрениўи жетилистирип барылмақта. Сондай-ақ,  инглис тили оқытыўшыларының сабақ өтиў шеберлиги, билим дәрежеси тез-тезден сынақтан өткериледи.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.