Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЕВРОПАДА ЕЛИМИЗДИҢ ТҮРЛИ ТАРАЎЛАРДАҒЫ ИМКАНИЯТЛАРЫ КӨРСЕТИЛМЕКТЕ

Өзбекстан Республикасының Бельгиядағы елшиханасы ҳәм Қарақалпақстан Республикасы Жоқарғы Кеңеси тәрепинен Европаның бир қатар мәмлекетлеринде елимиздиң ҳәр қыйлы тараўлардағы имканиятларын таныстырыў мақсетинде ушырасыў, қабыллаў ҳәм мәдений илажлар өткерилмекте.

Усындай илажлар Нидерландияның Гаага қаласында, Люксембург герцоглигинде, Европа Парламентинде, Бельгияның пайтахты Брюссельде шөлкемлестирилди.

Илажда Өзбекстан Республикасының Бельгиядағы Айрықша ҳәм толық ҳуқықлы елшиси Д.Ҳакимов, Европа Парламентиниң Орайлық Азия бойынша делегациясы баслығы Ф.Мартишелли, Қарақалпақстан Республикасы Жоқарғы Кеңесиниң комитет баслығы Д.Қурбаниязов, Европа Аўқамының Орайлық Азия бойынша арнаўлы ўәкили П.Бурман сөзге шығып, илаждың шөлкемлестирилиўи менен қутлықлады.

Сондай-ақ, мәмлекетимиз басшысының басламасы менен Аралбойының бүгинги раўажланыў басқышлары, бул жерде алып барылып атырған қурылыс жумыслары, инвесторлар ушын жаратылған имканиятлар, туристлик потенциалы менен таныстырылды.

Болып өткен илажларда Өзбекстан Республикасы филармониясы Қарақалпақстан бөлиминиң хызметкерлери өзлериниң қосықлары ҳәм аяқ ойынлары менен жыйналғанларда үлкен тәсир қалдырды.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.