Қарақалпақстан Республикасы Жоқарғы Кеңеси

⌂ ЎЗ ҚР РУ EN

Көтериӊки руўхта белгиленди

Денсаўлықты сақлаў тараўы ўәкиллериниң ҳүрметке ылайық ҳәм жуўапкершиликли жумысын ардақлаў, нәтийжели ислеўи ушын зәрүрли шараятларды жаратыў, рети келгенде шыпакерлердиң мийнетлерин мүнәсип хошаметлеў мудамы ҳүкиметимиздиң дыққат-орайындағы әҳмийетли мәселелер қатарында қаралып келинбекте. Мине, сегиз жылдан берли ғәрезсиз елимизде «Медицина хызметкерлери күни» ҳәр жылы салтанатлы жағдайда белгиленбекте. Рәсмий тәризде тастыйықланған бул кәсиплик байрамның көтериңкилик руўхта нышанланыўы хал­қымыз саламатлығын сақлаўда пидайылық пенен хызмет етип атырған ҳәр бир медицина хызметкериниң машақатлы ҳәм жуўапкершиликли мийнетине ҳүкиметимиздиң ҳәм Журтбасшымыздың көрсеткен айрықша ғамқорлығы менен итибарынан дәрек береди.

9-ноябрь күни Бердақ атындағы Қарақалпақ мәмлекетлик сазлы театрында «Медицина хызметкерлери күни»не бағышланып Қарақалпақстан Республикасы Денсаўлықты сақлаў тараўы хызметкерлери, нураныйлары ҳәм кең жәмийетшиликтиң қатнасыўында байрам салтанаты болып өтти.

Онда халқымыздың саламатлығы ҳәм абаданлығы жолында тыным билмей хызмет етип атыр­ған ҳүрметли медицина хызметкерлерине Қарақалпақстан Республикасы Жоқарғы Кеңеси ҳәм Министрлер Кеңесининиң байрам қутлықлаўын Қарақалпақстан Республикасы Жоқарғы Кеңесиниң комитет баслығы Б.Нурабуллаев оқып еситтирди.

Буннан кейин соңғы жыллары Қарақалпақстан Республикасы Денсаўлықты сақлаў тараўында ерисилген жетискенликлер ҳаққында Қарақалпақстан Республикасы Денсаўлықты сақлаў министриниң орынбасары А.Сержанов шығып сөйледи.

Соң медицина хызметкерлериниң кәсиплик байрамына бағышланып  көркем өнер ғайраткерлери тәрепинен таярланған концерт бағдарламасы қойылды.

Байрам кешесине Қарақалпақстан Республикасы Жоқарғы Кеңеси Баслығының орынбасары А.Ҳамраев қатнасты.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.