Қарақалпақстан Республикасы Жоқарғы Кеңеси

⌂ ЎЗ ҚР РУ EN

Нөкис - гүллениў жолында

Ғәрезсизлик жылларында республикамыздың барлық қала ҳәм аўылларында кең көлемли жумыслар әмелге асырылып, санаат, қурылыс, хызмет көрсетиў, аўыл хожалығы, социаллық ҳәм басқа да тараўларда жаңаланыўлар жүз бермекте. Буның айқын дәлили ретинде бүгинги күнде республикамызда алып барылып атырған қурылыс ҳәм абаданластырыў жумысларын атап өтсек арзыйды.

Жақында Өзбекстан Республикасы Министрлер Кабинетиниң исши топары тәрепинен ислеп шығылған арнаўлы қарар жойбары тийкарында 2014-2016-жылларда Нөкис қаласы ҳәм Беруний районында улыўма баҳасы 1 триллион 300 миллиард сумға жақын қурылыс ҳәм абаданластырыў жумысларын алып барыў режелестирилген. Мине, усының есабынан Нөкис қаласында «Дослық» («Қызкеткен») каналының пайтахтымызды кесип өтетуғын 2,5 километр бөлегинде абаданластырыў ҳәм социаллық-мәдений объектлерди өз ишине алатуғын заманагөй демалыс орынларын, «Темиржолшылар», «Әжинияз», «Балалар бағы» парклерин шөлкемлестириў, 54 дана 4 қабатлы турақ-жайлардың қурылысын алып барыў, ишимлик суўы ҳәм канализация тармақларын жақсылаў, автомобиль жолларын ҳәм кесилиспелерди реконструкциялаў ҳәм басқа да бир қатар абаданластырыў жумыслары нәзерде тутылған.

Жаңа қарар жойбары бойынша Нөкис қаласын кесип өтетуғын «Дослық» каналының 2,2 бөлими әтирапын абаданластырып, парк зонасын шөлкемлестириў бойынша 106,5 миллиард сумлық илажлар режелестирилмекте ҳәм бул жумыслар басланып кетти, - дейди Нөкис қалалық архитектура ҳәм қурылыс бөлиминиң қәнигеси Мурат Жуманов. ­ Жойбар бойынша канал әтирапында бир неше мәдений, пайызлы дем алыў орынлары жаратылады. Солардан 17 түрдеги аттракционлар, балалар ушын ойыншық ҳәм сувенирлер дүканы, бассейн, стадион, батутлар, каналдың ортасына ҳәм әтирапына фонтанлар, балалар ушын компьютер ойынлары, күлки ханасы, футбол ҳәм баскетбол майданшалары, кеме-музей, шайхана ҳәм аўқатланыў орынлары, балалар ушын поезд жолы, автодром, амфитеатр, аквапарк, қараүйлер салыныўы көзде тутылған...

Ҳақыйқатында да, ҳүкиметимиз тәрепинен алып барылып атырған бундай абаданластырыў илажлары республика халқының турмыс тәризин жақсылайтуғынына гүман жоқ.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.