Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЖОҚАРҒЫ КЕҢЕСТЕГИ ҚАБЫЛЛАЎ

14-ноябрь күни  Қарақалпақстан Республикасы Жоқарғы Кеңесинде республикамызда өткерилип атырған халық аралық инвестициялық форум қатнасыўшысы, Қубла Кореяның  «Caris Co Ltd» компаниясының атқарыўшы директоры Ю Чеолды қабыллаў мәресими болды.

Қарақалпақстан Республикасы Жоқарғы Кеңесиниң Баслығы М.Ерниязов  мийманды республикамызға сапары менен қутлықлап, Президентимиздиң басшылығында елимизде киши бизнес ҳәм жеке исбилерменликти, сырт ел инвесторлары менен бирге ислесиўди раўажландырыў, солай етип, экономикалық потенциалымызды беккемлеў бойынша әмелге асырылып атырған кең көлемли илажларға тоқтап өтти.

Быйылғы жылдың өткен айлары даўамында аймақлық Инвестициялық бағдарлама тийкарында республикамызға улыўма баҳасы 140,3 миллион АҚШ доллары муғдарындағы тиккелей сырт ел инвестициялары тартылды. Бунда Қубла Корея менен түрли тараўларда байланысларымыз жылдан-жылға раўажланып бармақта. Республикамызда еки даўамында өткерилип атырған халықаралық инвестициялық форум бул байланысларымызды буннан былай да беккемлеўге хызмет етеди.

Өз гезегинде мийман жыллы жүзлилик пенен қабыл еткени ушын өз миннетдаршылығын билдирип, бул жерде сырт елли инвесторларға жаратылған шараятларға жоқары баҳа берди ҳәм Қубла Кореяда жетекши компаниялардың бири болған «Caris Co Ltd» тәрепинен Беруний районында улыўма баҳасы 110 миллион АҚШ доллары болған цемент заводын қурыўды режелестирип атырғанын айтып өтти. 

Қабыллаўда  келешекте бирге ислесиўди буннан былай раўажландырыў бойынша өз-ара пикир алмасыўлар болды.

 

Басқа жаңалықлар RSS