Қарақалпақстан Республикасы Жоқарғы Кеңеси

⌂ ЎЗ ҚР РУ EN

Партияның гезектеги пленумы

Жақында Ташкент мәмлекетлик Информациялық технологиялары университети Нөкис филиалының мәжилислер залында  усы жылдың өткен тоғыз айы даўамында Өзбекстан “Миллий тикланиш” демократиялық партиясы Қарақалпақстан Республикасы  Кеңеси тәрепинен исленген жумыслардың жуўмақларына бағышланып  гезектеги X пленумы болып өтти.

Пленумды Қарақалпақстан Республикасы Жоқарғы Кеңесиниң комитет баслығы Б.Нурабуллаев кирис сөз бенен ашты ҳәм басқарып барды.

Күн тәртибиндеги биринши мәселе бойынша Өзбекстан “Миллий тикланиш” демократиялық партиясы Қарақалпақстан Республикасы Кеңеси баслығы ўазыйпасын ўақтынша атқарыўшы Е.Бәўетдинов баянат жасады. Онда, Қарақалпақстан Республикасы Жоқарғы Кеңесине Өзбекстан “Миллий тикланиш” демократиялық партиясынан сайланған депутатлар менен қала ҳәм районлық кеңеслеринде депутатлық топарлардың 2013-жылдың өткен тоғыз айы даўамында исленген жумыслар ҳаққында сөз болды ҳәм  партия шөлкемлери, сондай-ақ, депутатлық топарлар тәрепинен ислениўи тийис болған мәселелер ҳаққында айрықша атап өтилди.

Пленум барысында Өзбекстан “Миллий тикланиш” демократиялық партиясы атқарыў комитетиниң баслығы, Олий Мажлис нызамшылық палатасының депутаты С.Атамуратов сөзге шығып, тоғыз ай даўамында орынлардағы партия шөлкемлери тәрепинен әмелге асырылып атырған жумысларға сын көзқарастан баҳа берип өтти. Пленумда Өзбекстан  “Миллий тикланиш” демократиялық партиясы Қарақалпақстан Республикасы Кеңеси Атқарыў комитетиниң баслығын сайлаў ҳаққында мәселе көрилди. Оған Бердақ атындағы Қарақалпақ мәмлекетлик университетиниң руўхыйлық ҳәм ағартыўшылық ислери бойынша проректоры Батыр Жолдасбаевич Мәтмуратовтың кандидатурасы усынылды ҳәм  партия ағзалары тәрепинен мақулланып,  партияның Қарақалпақстан  Республикасы Кеңесиниң Атқарыў комитети баслығы болып сайланды.

Пленумда қаралған мәселелер бойынша тийисли ўазыйпалар белгиленип, қарарлар қабыл етилди.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.