Қарақалпақстан Республикасы Жоқарғы Кеңеси

⌂ ЎЗ ҚР РУ EN

Алымның юбилейине арналды

Инсан ҳәм жәмийет мәмлекет мәплери ушын қаншама пайда келтирсе, ол соншелли бәркамал болып табылады. Ҳақыйқатында да Өзбекстан Илимлер Академиясының ҳақыйқый ағзасы, академик, философия илимлериниң докторы, профессор, Бердақ атындағы мәмлекетлик сыйлықтың лауреаты Жуманазар Базарбаев Ўатанымыздың раўажланыўы, елимиз ҳәм миллетимиздиң келешеги жолында нәтийжели ислеп киятырған пидайы инсанлардың бири.

Инсан камалатында илим-пән, тәлим-тәрбияның орны оғада әҳмийетли. Академик алым ҳәм устаз өзиниң саналы өмири даўамында инсанның мәнаўий дүньясын байытып, кең жәмийетшилик қәлбине илим-билимниң нурын жаға билген, мәмлекетимиздиң келешеги жәмийетлик-сиясий турмысында өз пикирлери менен белсендилик көрсете алған уллы алым.

Жақында алым ҳәм устаз өзиниң теберик сексен жасын күтип алды. Усы мүнәсибет пенен Бердақ атындағы қарақалпақ мәмлекетлик музыкалы драма театрында «Мәнаўий қәдириятлар - миллийликтиң өзеги» темасында республикалық әмелий-илимий конференция ҳәм «Ой-пикири даналыққа тутасқан ардақлы устаз» атлы илимпазды улығлаў кешеси болып өтти.

Профессор-оқытыўшылар, илимпазлар, кең жәми­йетшилик ўәкиллери қатнасында өткен бул илажды Әжинияз атындағы Нөкис мәмлекетлик педагогикалық институты ректоры Б.Пренов ашты ҳәм алып барды.

Конференцияда Қарақалпақстан Республикасы Жоқарғы Кеңесиниң комитет баслығы Б.Нурабуллаев илимпаз-устаздың өмир жолы, дөретиўшилигине бағышланған баянат жасады. Конференция даўамында көплеп илимпазлар, заманласлары, жәмийетлик искерлер шығып сөйлеп, өзлериниң жыллы пикирлерин билдирди. Буннан соң көркем-өнер ғайраткерлери тәрепинен үлкен концерт бағдарламасы қойып берилди.

Илажда Қарақалпақстан Республикасы Жоқарғы Кеңеси Баслығының орынбасары А.Ҳамраев қатнасты.

 

Басқа жаңалықлар RSS

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.

05.07.2019 СПОРТ ҲӘПТЕЛИГИ ЖУЎМАҚЛАНДЫ

Республикамызда «Олимпиада күни»не бағышланған спорт ҳәптелиги кең түрде белгиленди. Илаж шеңберинде Нөкис қаласында ҳәм районларда спорт жарыслары, белгили спортшылар ҳәм ветеранлар менен ушырасыўлар өткерилди.