Қарақалпақстан Республикасы Жоқарғы Кеңеси

⌂ ЎЗ ҚР РУ EN

«Биз уллы журт перзентлеримиз!»

13-15-ноябрь күнлери республикамыз бойлап «Камалат» жаслар жәмийетлик ҳәрекети Қарақалпақстан Республикалық Кеңеси тәрепинен «Биз уллы журт перзентлеримиз!» ураны астында жаслар фестивалы болып өтти.

Фестивальды өткериўден гөзленген тийкарғы мақсет — республикамыз жасларын миллий қәдириятларымызға ҳүрмет руўхында тәрбиялаў, жаслар арасында саламат турмыс тәризин қәлиплестириўге қаратылған илажларды еле де жетилистириў, оларды «Ғалабалық мәденият»тың ҳәр түрли жат идеяларынан сақлаў, жынаятшылық ҳәм ҳуқықбузарлықтың алдын алыў, адам саўдасына қарсы гүресиў, жаслар арасында исбилерменликти раўажландырыў, оларды исбилерменликтиң усыллары менен таныстырыў, азат ҳәм абат Ўатанды жаратыў жолында бирлестириў, ғәрезсиз Өзбекстанымыздың раўажланыўына өз үлеслерин қосатуғын, руўхый жетик әўладты тәрбиялаўдан ибарат.

Жаслар фестивалы шеңберинде «Президент мийнетлери билимданы», «Биз жаслар саламат турмыс тәрепдарымыз» жойбары шеңберинде спорт жарыслары, «Камалат ғумшалары» ураны астында спорттың гимнастика түри бо­йынша жарыс, «Ҳәким ҳәм жаслар», «Депутат ҳәм жаслар», «Теңлес теңлеске», «Сиз сүйген қаҳарманлар» ҳәм «Заманымыз қаҳарманлары», «Ҳеш ким меҳир-мүриўбеттен шетте қалмасын!» жойбарлары тийкарында кем тәми­йинленген шаңарақлардың пер­зентлеринен хабар алыў, «Билимданлар майданы» интеллектуал ойыны, «Ғалабалық мәденият ҳәм жаслар мәнаўияты», «Жаслар ҳәм нызам», «Камалат күнлери» илажлары, «Экология ҳәм жаслар» атамасында шығармалар таңлаўы, «Ўатаным раўажланыўында мениң үлесим» ураны астында жас исбилерменлердиң көргизбеси шөлкемлестирилди.

Фестивальға Ташкент қаласынан илимпазлар, шайыр ҳәм жазыўшылар, кино ҳәм театр актёрлары, эстрада қосықшыларынан ибарат Республикалық үгит-нәсият топарының ўәкиллери қатнасты.

Бул фестиваль Бердақ атындағы Қарақалпақ мәмлекетлик сазлы театрындағы гала концерт бағдарламасы менен жуўмақланды. Концерт даўамында фестиваль шеңберинде шөлкемлестирилген спорт жарыслары, таңлаў жеңимпазлары, жойбар ҳәм илажларда белсене қатнасқан жаслар шөлкемлестириўшилер тәрепинен салтанатлы жағдайда сыйлықланды.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.