Қарақалпақстан Республикасы Жоқарғы Кеңеси

⌂ ЎЗ ҚР РУ EN

Интеллектуаллық мүлк объектлери турақлы қорғалмақта

Жақында Ташкент Информа­циялық технологиялар университети Нөкис филиалында Өзбекстан Республикасы мүлк агентлиги тәрепинен Өзбекстан Республикасы Министрлер Кабинети менен келисилген ҳалда Өзбекстан Республикасы Президентиниң 2011-жыл 24-майдағы «Өзбекстан Республикасының Интеллектуаллық мүлк агент­лигин шөлкемлестириў ҳаққында»ғы ҳәм Өзбекстан Республикасы Минис­трлер Кабинетиниң 2011-жыл 8-июньдеги «Өзбекстан Республикасы Интеллектуаллық мүлк агентлигиниң жумысын шөлкем­лестириў илажлары ҳаққында»ғы қарарларының орынланыўын тәмийинлеў ҳәм республика халқының интеллектуаллық мүлк ҳуқықлары бойынша билимин арттырыў мақсетинде «Интеллектуаллық мүлк объектлериниң ҳуқықый қорғалыўы» темасында семинар болып өтти.

Онда Өзбекстан Республикасы Интеллектуаллық мүлк агентлиги Бас директорының орынбасары М.Бабажанов, сондай-ақ, Өзбекстан Республикасы Интеллектуаллық мүлк агентлигиниң «IP-CENTER» мәмлекетлик унитар кәрханасы директорының орынбасары Г.Вапа­ева, агентликтиң бас қәнигеси В.Аллаяров ҳәм басқалардың баянатлары тыңланды.

Өзбекстан Республикасы пуқаралық кодексиниң 1031-статьясына муўапық илим, әдебият ҳәм көркем-өнер шығармалары, атқарыўшылық, фонограммалар, эфир ямаса кабель арқалы көрсетиў яки еситтириў бериўши шөлкемлердиң көрсетиўлери менен еситтириўлери, электрон есаплаў машиналары ушын бағдарлама ҳәм мағлыўматлар базалары, ойлап табыўлар, пайдалы моделлер, санаат үлгилери, селекция жетискенликлери, әшкара етилмеген мәлимлеме, атап айтқанда, өндирис сырлары ҳәм басқалар интеллектуаллық мүлк объектлери болып есапланады.

Илажда Интеллектуаллық мүлктиң қорғалыўына арналған улыўмалық түсиниклер, интеллектуаллық мүлкти қорғаў саласындағы нызам ҳүжжетлери, санаат мүлки объектлериниң ҳуқықый қорғалыўы, авторлық ҳуқық ҳәм түрлес ҳуқықлардың объектлериниң қор­ғалыўы, интеллектуаллық мүлк объектлериниң нызамсыз қатнасының алдын алыў, контрафакт өнимлериниң тарқатылыўына қарсы гүрес бойынша алып барылып атыр­ған жумыслар, интеллектуаллық мүлк объектлерин дизимге алыў ушын талапнамаларды рәсмийлестириў және оларды көрип шығыў тәртиплерине байланыслы мәселелер көрип шығылып, өз-ара пикир алысылды.

Семинарға ҳуқық қорғаў уйымларының хызметкерлери, тийисли шөлкем қәнигелери менен ғалаба хабар қуралларының ўәкиллери қатнасты ҳәм өзлерин қызықтырған сораўларына жуўап алды.

 

Басқа жаңалықлар RSS

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.

05.07.2019 СПОРТ ҲӘПТЕЛИГИ ЖУЎМАҚЛАНДЫ

Республикамызда «Олимпиада күни»не бағышланған спорт ҳәптелиги кең түрде белгиленди. Илаж шеңберинде Нөкис қаласында ҳәм районларда спорт жарыслары, белгили спортшылар ҳәм ветеранлар менен ушырасыўлар өткерилди.