Қарақалпақстан Республикасы Жоқарғы Кеңеси

⌂ ЎЗ ҚР РУ EN

Жерлесимиздиң қос медалы

Кишкенелигинен спортты өзине жолдас тутқан ҳәр бир жас өспирим, келешекте үлкен-үлкен жарысларда мүнәсип орынларды ийелеп, мәмлекетимиз абырайын бәлент шоққыларға көтериў бахтына мия­сар болыўдай арзыў-нийети болады. Спорттың қайсы түри болмасын, республикамыздан тысқары шет еллерде өткерилип киятырған жәҳән, Азия ҳәм басқа да халық­аралық жарысларда сыйлы орынларды  жеңип алып, елимиз мақтанышына айланып атырған спортшыларымыздың саны жылдан жылға артып бармақта. Усы жылы 26-30-октябрь күнлери Малайзия мәмлекетинде спорттың пауэрлифтинг түри бойынша жас өспиримлер арасында параолимпия Азия ойын­лары өткерилип, оған Өзбекстан сайланды командасы қурамында қатнасқан жерлесимиз, Нөкис спорт колледжиниң оқыўшысы Искендер Турсынбаев өз теңлеслери арасында сыйлы  үшинши орынды ийелеп, қола медалын алыўға еристи. Спортшымыздың және бир жеңиси ҳаққында айтып өтетуғын болсақ, 3-7-ноябрь күнлери аралығында усы мәмлекетте болып өткен Азия ашық чемпионатында дүньяның 36 мәмлекетинен келген спортшылар арасында 1-орынды жеңип алып, алтын медаль менен сыйлықланыў бахтына мия­сар болды. Ол өзиниң усындай жеңислериниң нәтийжесинде 2016-жылы Бразилияда болатуғын параолимпия ойынларында қатнасыў ҳуқықын жеңип алды.

- Балам Искендер буннан бес жыл бурын өзи қызыққан спорт түрине қатнаса баслады. Мине, соннан берли Өзбекстан көлеминде өткерилип киятырған жарысларға барып, жоқары орынларды ийелеп, бизлерди үлкен қуўанышларға бөлеп атыр. Жақында шет елде болған жарыста жеңимпаз болып келгенинен жүдә қуўаныштаман. Оны усы дәрежеге жеткерген тренерлерине ҳәм колледжде оқытып атырған устазларына өзимниң шексиз миннетдаршылығымды билдиремен. Елимиздиң бәрше жасларының бахтына тынышлығымыз мәңги болсын, -дейди Искендердиң анасы Зульфия Бабажанова.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.