Қарақалпақстан Республикасы Жоқарғы Кеңеси

⌂ ЎЗ ҚР РУ EN

Халық ийгилиги ушын

Миллий қәдирият ҳәм дәстүрлерди, ата-бабаларымыздан қалған бай миллий мийрасларымызды көз қарашығындай сақлаў, миллий ғәрезсизлик ҳәм миллий тиклениў идеяларынан азық­лан­ған ҳалда миллет, миллий қәдириятларды сақлаў ҳәм раўажландырыўды өзиниң баслы ўазыйпасы деп билетуғын Өзбекстан «Миллий тикланиш» демократиялық партиясы бүгинги күнде сиясий майданда өз орны ҳәм даўысына ийе сия­сий күшке айланбақта.

2013-жыл «Абат турмыс жылы» мәмлекетлик бағдарламасы ҳәм 2013-жыл 27-март күни болып өткен ӨзМТДП Қарақалпақстан Республикасы Кеңеси Ат­қарыў Комитетиниң VIII Пленумында тастыйықланған ӨзМТДП Қарақалпақстан Республикасы Кеңесиниң 2013-жылға мөлшерленген ис режелерине тийкарланып, ӨзМТДП депутатлық топарының ис режесине муўапық бир қатар жумыслар әмелге асырылмақта.

Өзбекстан Республикасы Президенти И.Ә.Кәримовтың Олий Мажлис Нызамшылық палатасы менен Сенатының 2010-жыл 12-ноябр­де болып өткен қоспа мәжилисиндеги «Мәмлекетимизде демократиялық реформаларды және де тереңлестириў ҳәм пуқаралық жәмийетин раўажландырыў Концепциясы» атлы баянатының мазмун-мәнисин кең жәмийетшилик, әсиресе, партия электораты арасында түсиндириў мақсетинде партияның ӨзМТДП Қарақалпақстан Республикасы Кеңеси менен биргеликте дөңгелек стол әтирапындағы сәўбет ҳәм ушырасыўлар өткерилди.

Қарақалпақстан Республикасы Жоқарғы Кеңеси тәрепинен «Хатеп» хожалығына бекитилген ўәкил болыўыма байланыслы «Әмиўдәрья» АПЖ баслығы ҳәм аўыл ақсақаллары менен  турақлы түрде сәўбетлесиў ҳәм ушырасыў кешелери өткерилип, аймақта жасаўшы пуқаралардың машқалалары үйренилип, оны сапластырыў ушын тийисли орынларға мүрәжатлар жиберилди.

Сондай-ақ, 1-июнь - Халықаралық балаларды қорғаў күни мүнәсибети менен Өзбекстан Майыплар жәмийети Қарақалпақстан Республикасы бөлими ҳәм ӨзМТДП Қарақалпақстан Республикасы Кеңеси менен биргеликте майып балалар арасында «Рәң-бәрең сүўретлер дүньясы» атамасындағы таңлаў ҳәм Хожели районлық 3-санлы балалар интернатында байрам кешелери өткерилди.

Атап айтқанда, ӨзМТДП Қарақалпақстан Республикасы Кеңеси ҳәм Ташкент педиатрия медицина институты Нөкис филиалы менен биргеликте өткерилген «Тынышлық - миллий қәдириятларымыз негизи ҳәм кепили» атамасындағы ҳәм Нөкис қаласы ХБММТ ҳәм ШБне қараслы 24-санлы мектепте «Мәмлекетимизде демократиялық реформаларды және де тереңлестириў ҳәм пуқаралық жәмийетин раўажландырыў Концепциясы»н үйрениў бойынша оқыў семинарлары өткерилди.

Сондай-ақ, Хожели ра­йоны 55-санлы «Әмиўдәрья» сайлаў округине қараслы хожалықларда сиясий әҳми­йетке ийе болған инфраструктура объектлериндеги Өзбекстан Республикасы байланыс, мәлимлемелестириў ҳәм телекоммуникация технологиялары мәмлекетлик комитети қәўендерлиги есабынан телефонлас­тырылған мектеплер ҳәм аўыллық шыпакерлик пунктлериниң үзликсиз телефон байланысы менен тәмийинлениўи қадағалаўға алынған.

Өзбекстан Республикасы байланыс, мәлимлеме ҳәм телекоммуникация технологиялары мәмлекетлик комитети тәрепинен тасты­йықланған бағдарламалар ҳәм тапсырмаларға муўапық, телекоммуникация тармағын раўажландырыў, республикада «Электрон ҳүкимет»ти шөлкемлестириў, Электрон ҳүжжет айланысын толығы менен жолға қойыў, интерактив хызметлерди көбейтиў, мәлимлеме-коммуникация технологиялары тараўы бойынша кадр­ларды таярлаў, телекоммуникация инфрадүзилмеси, кең полосалы интернет, IP-TV. IP-телефония ҳәм аўыллық жерлерди толық санлы байланыс системасы, телевидение ҳәм радио-еситтириўлерди және де енгизиў ҳәмде модернизациялаў бо­йынша жумыслар алып барылмақта.

Қарақалпақстан Республикасы қала ҳәм 14 район ҳәкимликлеринде мәлимлеме-коммуникация технологиялары инфраструктурасын раўажландырыў бойынша локаль, корпоратив тармақлар иске қосылды ҳәм интернет тармағына жал­ғанды, UZ-доменинде электрон почталары ашылды, «Е-ХАТ» хәм де «Е-ҲҮЖЖЕТ» бағдарламалары енгизилди ҳәм компьютер техникалары менен толық тәмийинленди.

Өзбекстан Республикасы байланыс, мәлимлеме ҳәм телекоммуникация технологиялары мәмлекетлик комитетиниң қоллап-қуўатлаўында Хожели районы ҳәкимиятында үлгили ҳәкимлик жаратыў мақсетинде «UNICON» орайы тәрепинен 13 дана «Е-ҲҮЖЖЕТ» электрон ҳүжжет алмасыў ҳәм 13 дана «Е-ХАТ» қорғал­ған электрон почта бағдарламалары орнатылды.

Алдымызда турған баслы ўазыйпалардың бири - Өзбекстан Республикасы Президентиниң 2013-жыл 27-июньдеги «Миллий мәлимлеме-коммуникация системасын және де раўажландырыў илажлары ҳаққындағы ПҚ-1989-санлы қарарында «Электрон ҳүкимет»ти жаратыў мақсетинде 2013-2020-жыллар аралығында телекоммуникация технологиялары, инфраструктура байланыс тармақларын раўажландырыў бо­йынша кең полосалы мобил тармақларын кеңейтиў ушын 3G, 4G, LTE, EVDO, LTE  база станцияларын орнатыў ҳәм мағлыўматлар узатыўды 100 Мбит/с қа жеткериў, халықаралық пакетли коммуникацияны 300 Гбит/с қа, Өзбекстан Республикасы ишиндеги магистрал тармақтың узатыў тезлигин ўәлаят орайларына шекем 100 Гбит/с қа шекем, район орайларына шекем 40 Гбит/с қа жеткизиў, «Клиринг», «Салық», «Денсаўлықты сақлаў», «Әдиллик», «Саўда», «Бажыхана», «Тәлим», «Мәмлекет басқарыўы», «Напақа», «Коммунал» ҳәм «Лицензия» мәлимлеме системалары комп­лекс­лерин ҳәм мағлыўматлар базаларын жаратыў болып есапланады.

Сондай-ақ, депутатлық топардың ис-режесине тийкарланып, барлық қала ҳәм районларда «Уллы ҳәм муқаддессең, ғәрезсиз Ўатан!» сүрени астында ушырасыў кешелери ҳәм дөңгелек стол әтирапындағы сәўбетлер шөлкемлестирилди.

Жуўмақлап айтқанда, партияның сайлаў алды платформасы ҳәм бағдарламасынан келип шығып, электорат мәплерин қорғаў, миллий қәдирият ҳәм дәстүрлеримизди қорғаў, миллий ғәрезсизлик ҳәм миллий тиклениў идеясын халқымыз, әсиресе, партия электораты арасында үгит-нәсиятлаў бағдарында бир қатар жумыслар әмелге асырылмақта.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.