Қарақалпақстан Республикасы Жоқарғы Кеңеси

⌂ ЎЗ ҚР РУ EN

Салтанатлы жыйналыс

Халқымыз Өзбекстанның жаңа тарийхындағы қутлы сәне — ғәрезсиз ҳәм демократиялық мәмлекет қурыўдың ҳуқықый кепили бол­ған Тийкарғы Нызамымыз — Конституциямыз қабыл етилгениниң 21 жыллығын кең түрде белгилемекте.

Конституция елимизде инсан, оның мәплери, ҳуқық ҳәм еркинликлери жоқары қәдирият есапланатуғын пуқаралық жәмийетин қурыўдың ең әҳми­йетли қағыйдаларын өзинде жәмлеген тийкарғы ҳуқықый база хызметин атқарады.

Сондай-ақ, ол халықтың еркин ҳәм пәраўан жасаўы, ертеңги күнге болған исениминиң әҳмийетли өлшеми болып есапланады.

Өзбекстан Конституциясында бәринен бурын шахстың сия­сий, экономикалық ҳәм социаллық ҳуқықларына айрықша итибар қаратылған. Онда жоқары руўхый, миллий ҳәм улыўма инсаныйлық қәдириятларды раўажландырыў, халқымызға мүнәсип турмыс шараятын жаратып бериў, тынышлық ҳәм миллий татыўлықты тәмийинлеў сыяқлы мәселелер өз сәўлелениўин тапқан.

Президентимиз Ислам Кәримовтың басламасы менен 2013-жыл Абат турмыс жылы деп жәрия­ланған еди. Бул бойынша арнаўлы мәмлекетлик бағдарлама ислеп шығылып, избе-излилик пенен әмелге асырылмақта.

Конституцияға сүйенген ҳалда халқымыз уллы келешекке нық қәдем таслап бармақта ҳәм бул жолда ерисип атырған табысларымыз ертеңги күнге болған исенимимизди және де беккемлемекте.

6-декабрь күни пайтахтымыздағы Бердақ атындағы Қарақалпақ мәмлекетлик сазлы театрында Өзбекстан Республикасы Конституциясының 21 жыллығына бағышланған салтанатлы жыйналыс болып өтти.

Илажды Нөкис қаласының ҳәкими Ж.Опаев кирис сөз бенен ашты.

Өзбекстан ҳәм Қарақалпақстан Республикаларының мәмлекетлик гимнлери атқарылды.

Қарақалпақстан Республикасы Жоқарғы Кеңесиниң Баслығы М.Ерниязов қутлықлаў сөз сөйледи.

Республика басшысы ғәрезсизлик жылларында ерисип атырған табысларымыздың, турмысымыз­ға жаңаша мазмун бағышлап атыр­ған реформалардың негизин Конституциямызда кепиллик берилген ҳуқықлар менен принциплер қурайтуғынын атап өтти.

Жыйналыста Қарақалпақстан халық шайыры Г.Матьякубова, Бердақ атындағы Қарақалпақ мәмлекетлик университетиниң студенти Т.Прекеева, Өзбекстан Республикасына мийнети сиңген  мәденият хызметкери, шайыр Я.Қошқаров қутлықлаў сөз сөйледи.                   

Илажға Қарақалпақстан Республикасы Министрлер Кеңесиниң Баслығы  Б.Янгибаев, Жоқар­ғы Кеңес Баслығының орынбасары А.Ҳамраев, парламенттиң комитет баслықлары, республика ҳүкиметиниң ағзалары, минис­трликлер  менен шөлкемлердиң басшылары, кең жәмийетшилик ўәкиллери қатнасты.

Салтанатлы жыйналыс Өзбекстан ҳәм Қарақалпақстан көркем-өнер шеберлери менен жас атқарыўшылардың концерти менен жуўмақланды.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.