Қарақалпақстан Республикасы Жоқарғы Кеңеси

⌂ ЎЗ ҚР РУ EN

Қарақалпақстан Республикасы Жоқарғы Кеңесиниң он төртинши сессиясы ҳаққында мәлимлеме

Усы жыл 28-декабрь күни Нөкисте Қарақалпақстан Республикасы Жоқарғы Кеңесиниң он төртинши сессиясы болып өтти. Сессияның жумысына Өзбекстан Республикасы Олий Мажлиси Сенатының ағзалары, Қарақалпақстан Республикасының ҳүкимет ағзалары ҳәм ғалаба хабар қуралларының ўәкиллери қатнасты.

Сессияны Қарақалпақстан Республикасы Жоқар­ғы Кеңесиниң Баслығы
Муса Тәжетдинович Ерниязов алып барды.

Депутатлар сессияның Секретариатын сайлады ҳәм күн тәртибин тастыйықлады.

Күн тәртибиндеги биринши мәселе - Қарақалпақстан Республикасының 2014-жыл­ғы Бюджети ҳаққында республика Қаржы минис­три М.Садықов баянат жасады.

Баянат бойынша 40-санлы «Қылышбай» сайлаў округинен депутат, Жоқарғы Кеңестиң Экономика, санаат, қурылыс, транспорт ҳәм байланыс мәселелери комитетиниң баслығы Б.Мырзаев, Қарақалпақстан Республикасы Мәденият ҳәм спорт ислери министри Қ.Турдыев, 11-санлы «Пристань» сайлаў округинен депутат, Нөкис қаласының ҳәкими Ж.Опаев шығып сөйледи. Бул бойынша тийисли қарар қабыл етилди.

Сессияда Өзбекстан Республикасы Президентиниң 2011-жыл 28-ноябрьдеги «Денсаўлықты сақлаў системасын реформалаўды буннан былай да тереңлестириў илажлары ҳаққында»ғы қарарының орынланыў барысы туўралы Қарақалпақстан Республикасы Денсаўлықты сақлаў министри Д.Ходжиевтың есабы тыңланды.

Есап бойынша 39-санлы «Ортақала» сайлаў округинен депутат М.Ахмедова, 86-санлы «Мойнақ аўыллық» сайлаў округинен депутат, Мойнақ районының ҳәкими Қ.Өтениязов өзлериниң пикир-усынысларын билдирди. Сессия бул мәселе бо­йынша тийисли қарар қабыл етти.

«Бәсекилик ҳаққында»ғы Қарақалпақстан Республикасы Нызамының (жаңа редакцияда) жойбары менен Жоқарғы Кеңестиң Экономика, санаат, қурылыс, транспорт ҳәм байланыс мәселелери комитетиниң баслығы Б.Мырзаев таныстырды. Жойбар бойынша Қарақалпақстан Республикасы Меншиклестириў, монополиядан шығарыў ҳәм бәсекиликти раўажландырыў комитети баслығының ўазыйпасын атқарыўшы Е.Қунназаров, 1-санлы «Ботаника» сайлаў округинен депутат С.Қойлыбаева шығып сөйледи.

Депутатлар Нызамды қабыл етти.

Буннан соң Жоқарғы Кеңестиң Аграр, суў хожалығы ҳәм тәбиятты қорғаў мәселелери комитетиниң баслығы, 20-санлы «Уллы бағ» сайлаў округинен депутат С.Әўезматов «Гоеграфия­лық объектлердиң атамалары ҳаққында»ғы Қарақалпақстан Республикасы Нызамының жойбары туўралы мәлимлеме берди.

Бул мәселе бойынша 75-санлы «Р.Сапаров» сайлаў округинен депутат Е.Төрениязов шығып сөйлегеннен кейин нызам қабыл етилди.

 

Басқа жаңалықлар RSS

10.05.2019 «МЕҲНАТ ФАХРИЙСИ» КӨКИРЕК БЕЛГИСИ ТАПСЫРЫЛДЫ

Усы жыл 10-май күни Нөкисте Өзбекстан Республикасы Президентиниң 2016-жыл 28-декабрьдеги «Өзбекстан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

09.05.2019 АТА-БАБАЛАРДЫ ЕСЛЕЎ-МУҚАДДЕС ҚӘДИРИЯТ

Пайтахтымыздағы «Ҳəсиретли ана» естелиги алдында 9-май — «Еслеў ҳəм қəдирлеў күни»не, сондай-ақ, Екинши жер жүзилик урыста қурбан болғанлардың ҳүрметине арналған мəресим болып өтти.