Қарақалпақстан Республикасы Жоқарғы Кеңеси

⌂ ЎЗ ҚР РУ EN

Саламат орталық – саламат бала

Елимизде балаларды қорғаў мәселеси ғәрезсизлигимиздиң дәслепки жылларынан баслап алып барылып атырған сиясатымыздың тийкарғы буўынларынан есапланады. Сондай-ақ, Президентимиз тәрепинен быйылғы жылдың «Сала­мат бала жылы» деп белгилениўи балалар менен жаслардың ҳуқық ҳәм мәплерин қорғаў, оларды бәркамал әўлад етип жетистириўде ҳуқықый тийкарларын беккемлеўге қаратылған үлкен қәдем екенлигин аңлатады.

Жақында пайтахтымызда жайласқан туберкулезге қарсы гүресиў республикалық балалар санатория­сында Өзбекистан Республикасы Олий Мажлиси Нызамшылық палатасының Өзбекистан Экологиялық ҳәрекети депутатлары топары, Өзбекистан Экологиялық ҳәрекети Қарақалпақстан аймақлық бөлими ҳәм Қарақалпақстан Республикасы Денсаўлықты сақлаў министрлиги  шөлкемлестириўинде 1-июнь ­ «Халықаралық балаларды қорғаў күни» алдынан «Саламат орталық ­ саламат бала» атамасында дөгерек сәўбет шөлкем­лес­тирилди.

Кешени Өзбекистан Экология­лық ҳәрекети Қарақалпақстан аймақлық бөлими баслығы А.Бегимова басқарып барды. Мәжилисте Өзбекистан Республикасы Олий Мажлиси Нызамшылық палатасы депутатлары Н.Айтжанова, Д.Файзиева, Өзбекистан Экологиялық ҳәрекети Қарақалпақстан аймақлық бөлими белсендилери, Қарақалпақстан Республикасы мәмлекетлик ҳәм жәмийетлик бирлеспелерден қәнигелер ҳәм ғалаба хабар қураллары ўәкиллери қатнасты.

Илажда балалардың саламатлығын қорғаўда жүдә әҳмийетли бол­ған саламат экологиялық орталықты жаратыўда нызамшылықтың орны ҳәм бул тараўда соңғы жыллар даўамында қабыл етилип атыр­ған нызамлардан, әсиресе, «Экологиялық бақлаў ҳаққында»ғы Өзбекистан Республикасы Нызамының келешек әўлад ушын экологиялық турақлылықты тәмийинлеўде әҳмийети үлкен екенлиги айрықша атап өтилди.

Кеше соңында қатнасыўшылар туберкулезге қарсы гүресиў республикалық балалар санаториясының тәрбияланыўшыларының таярлаған байрам кешесин тамашалады.

 

Басқа жаңалықлар RSS