Қарақалпақстан Республикасы Жоқарғы Кеңеси

⌂ ЎЗ ҚР РУ EN

Жеңимпазлар анықланды

Пайтахтымыздағы Өзбекистан көркем өнер академиясы Қарақалпақстан бөлиминиң көргизбе сара­йында ғәрезсизлик байрамы алдынан жыл са­йын өткерилип киятырған «Ең уллы, ең әзиз» дәстүрий таңлаўының Қарақалпақстан Республикалық басқышы болып өтти.

Таңлаўды Қарақалпақстан Республикасы Баспасөз ҳәм хабар агентлиги, Журналистлер дөретиўшилик аўқамы, «Сүўретлеў айнасы» дөретиўшилик аўқамы, Жазыўшылар аўқамы, Қарақалпақстан телеканалы, «Қарақалпақфильм» киностудия­сы, Өзбе­кистан көркем өнер академиясының Қарақалпақстан бөлими бирликте шөл­кемлестирди.

Илажда Қарақалпақстан Республикасы Баспасөз ҳәм хабар агентлиги директоры Ф.Палымов, Қарақалпақстан Республикасы Жоқарғы Кеңесиниң комитет баслығы Б.Нурабуллаев, Қарақалпақстан Жазыўшылар аўқамының баслығы, сенатор К.Каримов қутлықлаў сөз сөйледи.

Таңлаўға жазыўшы ҳәм ша­йырлар, журналистлер, кино, сүўретлеў ҳәм көркем өнер хызметкерлери өзлериниң  «Жал­ғызсаң, муқаддес Ўатаным, муҳаббатым ҳәм садықлығымды саған бағышлайман, гөззал Өзбекистаным!» деген идеяны өзинде жәмлеген шығармалары менен қатнасты.

 Таңлаў жуўмағында әдебий көркем шығармалар номина­циясы бойынша Г.Шамуратова, ҒХҚда жәрияланған дөретиўшилик материаллар номинациясы бойынша, А.Бегдуллаева, Б.Караматдинова, Б.Есмурзаев, Х.Халилаева, Т.Досымбетов, фото шығармалар ҳәм дизайн номинациялары бойынша Б.Бекниязов, Р.Өтениязов, сүўретлеў өнери бойынша Ж.Айбатов, кино өнери бойынша А.Шарипова ҳәм Б.Мәдияровлар жеңимпаз деп табылды ҳәм шөлкем­лестириўшилер тәрепинен саў­ғалар және диплом менен сыйлықланды.

 

Басқа жаңалықлар RSS