Қарақалпақстан Республикасы Жоқарғы Кеңеси

⌂ ЎЗ ҚР РУ EN

Кишкенелерге Президент саўғасы

Ҳәр бир Жаңа жылдың кирип келиўи бәршениң кеўлине хош кейпият, әсиресе, өмиримиздиң гүли, келешегимиздиң даўамшылары болған балаларға ада болмас шадлық бағышлайды. Босағамызға қутлы қәдемин қойып атырған 2013-жыл да елимиз бойлап миллионлап жеткиншеклеримизге қуўаныш үлестирди. Кем тәмийинленген шаңарақларда өсип атырған, бағыўшысынан айырылған, жетим балаларға Президентимиз тәрепинен дәстүрий саўғалар шөлкемлестирилген болып, орынларда усы саўғаларды тапсырыў мәресимлери өткерилмекте.

Усындай мәресимлердиң бири жақында пайтахтымыздағы "Халықлар дослығы" майданшасында орнатылған арша әтирапында да болып өтти. Онда Қарақалпақстан Республикасы Жоқарғы Кеңесиниң Баслығы М.Ерниязов кишкенелерге Президент саўғаларын салтанатлы жағдайда тапсырып, оларға узақ ҳәм бахытлы өмир тиледи.

Президент саўғасын тапсырыў мәресимине Қарақалпақстан Республикасы Жоқарғы Кеңесиниң комитет баслығы Б.Нурабуллаев, тийисли министрликлер менен ведомстволардың басшылары қатнасты.
 

 

Басқа жаңалықлар RSS