Қарақалпақстан Республикасы Жоқарғы Кеңеси

⌂ ЎЗ ҚР РУ EN

Қарақалпақстан Республикасы Жоқарғы Кеӊесиниӊ он екинши сессиясы ҳаққында мәлимлеме

Усы жыл 27-октябрь күни Нөкисте Қарақалпақстан Республикасы Жоқарғы Кеӊесиниӊ он екинши сессиясы болып өтти. Оған Өзбекистан Республикасы Олий Мажлиси Сенаты ҳәм республика ҳүкиметиниӊ ағзалары, Жоқарғы Кеӊес депутатлары, министрликлер менен ведомстволардыӊ, мәкеме ҳәм кәрханалардыӊ, ҳуқық қорғаў уйымларыныӊ басшылары, ғалаба хабар қуралларыныӊ ўәкиллери қатнасты.

Сессияны Қарақалпақстан Республикасы Жоқарғы Кеӊесиниӊ Баслығы М.Т.Ерниязов кирис сөз бенен ашты ҳәм алып барды.

Депутатлар сессияныӊ Секретариатын сайлады ҳәм күн тәртибин тастыйықлады.

Елимизде соӊғы жыллары әмелге асырылған реформалар суд-ҳуқық тараўын еркинлестириўге, суд ҳәкимиятыныӊ пуқаралардыӊ ҳуқықлары менен нызамлы мәплерин қорғаў бағдарындағы ролин және әҳмийетин арттырыўға тийкар жаратпақта. Соныӊ менен бирге, елимизди раўажландырыўдыӊ заманагөй талаплары ҳәм стратегиялық әҳмийетли ўазыйпалары суд-ҳуқық системасын және де жетилистириўди талап етпекте.

Өзбекистан Республикасы Президентиниӊ «Суд-ҳуқық системасын және де реформалаў, пуқаралардыӊ ҳуқықлары менен еркинликлерин қорғаўды күшейтиў илажлары ҳаққында»ғы пәрманы усы бағдардағы мәмлекетлик сиясатты жаӊа басқышқа көтериўде әҳмийетли ҳүжжет болды.

Усы пәрманға муўапық ҳуқық қорғаў уйымларына бир қатар ўазыйпалар белгилеп берилип, бул ҳүжжеттиӊ әмелге асырылыўы елимиздиӊ суд-ҳуқық системасыныӊ жумысын жаӊа басқышқа алып шығыў, пуқаралардыӊ ҳуқықлары, еркинликлери ҳәм нызамлы мәплерин исенимли қорғаўды тәмийинлеў, сондай-ақ, халықтыӊ суд-ҳуқық тараўына болған исенимин буннан былай да беккемлеў имканиятын береди.  

Сессияда Қарақалпақстан Республикасы Прокуроры ҳаққындағы мәселе көрип шығылды ҳәм усы лаўазымда ислеп келген И.Палвановты өз қәлеўи бойынша берген арзасына муўапық оны Республика Прокуроры лаўазымынан босатыў ҳаққында қарар қабыл етти. Қарақалпақстан Республикасы Прокуроры лаўазымына бурын Ташкент ўәлаяты прокурорыныӊ биринши орынбасары болып ислеп келген Таджиев Эркабай Аминович тайынланды ҳәм тийисли қарар қабыл етилди.

Сессияда Республика Прокуроры Э.Таджиев шығып сөйлеп, депутатлар тәрепинен билдирилип атырған исеними ушын миннетдаршылық билдирди ҳәм бундай жуўапкерли ўазыйпаны атқарыўда өзиниӊ күш-жигерин, билимин ҳәм тәжирийбесин жумсайтуғынын атап өтти.  

Усыныӊ менен Қарақалпақстан Республикасы Жоқарғы Кеӊесиниӊ он екинши сессиясы өз жумысын жуўмақлады.

 

Басқа жаңалықлар RSS

09.04.2018 ЖАСЛАР УШЫН ШЕБЕРЛИК МЕКТЕБИ

Пайтахтымызда елимизде исбилерменлик тараўында жоқары нəтийжелерге ерискен бир топар исбилерменлер менен жаслардың ушырасыўлары болып өтти.

09.04.2018 КОНСТИТУЦИЯМЫЗДЫҢ ШЕРЕК ӘСИРЛИК БАЙРАМЫ

Пайтахтымыздағы Бердақ атындағы Қарақалпақ мәмлекетлик академиялық музыкалы театрында 9-апрель — Қарақалпақстан Республикасы Конституциясы қабыл етилгениниң 25 жыллығына бағышланған салтанатлы мәжилис болып өтти.

07.04.2018 ҲЕШ БИР МҮРӘЖАТ ИТИБАРДАН ШЕТТЕ ҚАЛМАЙДЫ

Президентимиздиң «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек», - деген принципи тийкарында орынларда шөлкемлестирилген Халық қабыллаўханалары пуқараларымыздың мүрәжатларын тыңлап, турмыслық машқалаларын шешиўде мәмлекет ҳәм халық арасында байланыстырыўшы  көпир ўазыйпасын ат­қарып келмекте.

Өткен шемби күни Қарақалпақстан Республикасы Жоқар­ғы Кеңесиниң Баслығы М.Ерниязов пайтахтымызда жайласқан Өзбекстан Республикасы Президентиниң Қарақалпақстан Республикасындағы Халық қабыллаўханасында болып, кең жәмийетшилик ўәкиллери менен ушырасты ҳәм олардың мүрәжатларын тыңлады.

03.04.2018 «МЕНИҢ ҚУЯШЫМ» БАЛАЛАР БАҚШАСЫ ПАЙДАЛАНЫЎҒА ТАПСЫРЫЛДЫ

Пайтахтымыздағы 32-санлы «Қосбулақ» мәкан пуқаралар жыйыны аймағында «Мениң қуяшым» мектепке шекемги билимлендириў мәкемеси пайдаланыўға тапсырылды.

01.04.2018 «ҚЫЙТАҚ ЖЕРГЕ ЕГИН ЕГИЎ» АЙЛЫҒЫ БАСЛАНДЫ

Аўыл хожалығын жедел раўажландырыў ҳәм реформаларды терең­лес­тириў бойынша жумыслардың нәтийжелилигине бағышланып өткерилген видеоселектор мәжилисинде қый­тақ жерлерден нәтийжели пайдаланыўды шөл­кемлестириў мәселесине де айрықша итибар қаратылды.

01.04.2018 НӨКИСТЕ СТОМАТОЛОГИЯНЫҢ ӘҲМИЙЕТЛИ МӘСЕЛЕЛЕРИ ДОДАЛАНДЫ

Пайтахтымызда еки күн даўамында стоматологияның әҳмийетли мәселелерине бағышланған республикалық конференция болып өтти. Оған Ташкент қаласы, Әндижан, Бухара ўәлаяты ҳәм республикамыздың қала ҳәм районларынан келген тараў басшылары ҳәм қәнигелери қатнасты.

Илаждың биринши күнинде Бердақ атындағы Қарақалпақ мәмлекетлик академиялық музыкалы театрында жалпы мәжилис өткерилди.

Оны Қарақалпақстан Республикасы денсаўлықты сақлаў министри Д.Ходжиев алып барды.

01.04.2018 АЎЫЛЛАРЫМЫЗ ЕЛЕ ДЕ АБАТ БОЛАДЫ

Елимизде барлық тараўларда алып барылып атырған кең көлемли реформалар халқымыздың өмиринде ҳәм күнделикли турмысында өзиниң айқын көринисин таппақта. «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек» деген идея бул бағдардағы жумыслардың тийкарғы өлшемине айланып, халқымыздың жәмийетлик белсендилигин, олардың ертеңги күнге исенимин арттырмақта.

Ҳүрметли Президентимиздиң басламасы менен турмысқа енгизилип атырған жаңа система-«Абат аўыл» бағдарламасы шеңберинде бизиң республикамызда да кең көлемли жумыслар әмелге асырылмақта. Атап айтқанда, Беруний районының  «Бийбазар» аўыл пуқаралар жыйыны, «Хорезм» ҳәм «Палваш» мәкан пуқаралар жыйынлары аймақларында жүргизилип атырған қурылыс ҳәм абаданластырыў жумыслары буның айқын мысалы болып табылады.

28.03.2018 ҚАРАҚАЛПАҚСТАНЛЫ ИСБИЛЕРМЕНЛЕР ҚЫТАЙҒА БАРЫП ҚАЙТТЫ

Жақында Қарақалпақстан Республикасының қурылыс тараўы қəнигелери делегациясы қытайдың Пекин қаласында өткерилген «Constructtech-2018» қурылыс технологиялары, материаллары ҳəм үскенелери бойынша халықаралық көргизбеге, сондай-ақ, Өзбекстан Республикасы елшиханасы ҳəм Қытай Халықаралық саўданы раўажландырыў Кеңеси тəрепинен шөлкемлестирилген өзбек-қытай бизнес-форумына қатнасып, усы тараў бойынша жетекши компаниялар менен тəжирийбе алмасып қайтты.

25.03.2018 ЎАТАНҒА САДЫҚЛЫҚТЫҢ ƏМЕЛДЕГИ КӨРИНИСИ

«... Соңғы нəпесим қал­ғанша Ана-Ўатанымның садық перзенти болып қалыўға, əскерий хызметтиң барлық машақат ҳəм қы­йыншылықларын шыдамлылық пенен жеңиўге, мəмлекетлик ҳəм əскерий сырларды беккем сақлаўға ата-бабаларым руўхы алдында ант етемен».

Ўатан қорғаўшысы болыўды қəлеген ҳəр бир жигит айтыўды əрман еткен бул сөзлер екшемби күни пайтахтымыз орайында 870 мəрте бəлент жаңлады. «Бахыт үйи» алдындағы кең майданда Өзбекстан Республикасы Қураллы Күшлери қурамында өзлериниң əскерий хызметлерин баслаған усыншама жаўынгер салтанатлы түрде ант берди.