Қарақалпақстан Республикасы Жоқарғы Кеңеси

⌂ ЎЗ ҚР РУ EN

Қарақалпақстан Республикасы Жоқарғы Кеңесиниң он үшинши сессиясы ҳаққында мәлимлеме

Усы жыл 28-декабрь күни Нөкисте Қарақалпақстан Республикасы Жоқарғы Кеңесиниң он үшинши сессиясы болып өтти.

Сессия жумысына Өзбекстан Республикасы Олий Мажлиси Сенатының ҳәм Қарақалпақстан Республикасы Ҳүкиметиниң ағзалары, ҳуқық қорғаў уйымлары басшылары, ғалаба хабар қуралларының ўәкиллери қатнасты.

Сессияны Қарақалпақстан Республикасы Жоқарғы Кеңесиниң Баслығы М.Т.Ерниязов басқарып барды.

Дәслеп депутатлар сессияның Секретариатын сайлады ҳәм күн тәртибин тастыйықлады.

Күн тәртибиндеги биринши мәселе 2017-жылғы Бюджет жойбары ҳаққында Қарақалпақстан Республикасы Қаржы министри Б.Утамбетов баянат жасады.

Баянатшының атап өткениндей, республикамыздың 2017-жылғы жергиликли бюджет қәрежетлери 1 триллион 423,2 миллиард сум муғдарында тастыйықланбақта, яғный бул көрсеткиш быйылғы жылдың бюджетине салыстырғанда 102,6 процентке артпақта. Бунда бюджет қәрежетлериниң социаллық тараўларға бағдарланғанлығы сақланып қалады ҳәм халықтың турмыс абаданлығын арттырыўға айрықша итибар қаратылады. Сондай-ақ, бюджет мәкемелери хызметкерлериниң ис ҳақы ҳәм оған теңлестирилген төлемлери, пенсия ҳәм напақалар муғдары инфлация дәрежесинен жоқары болады. Социаллық қәрежетлерге жәми бюджет қаржыларының 87 проценти, яғный 1 триллион 245,1 миллиард сум  ажыратылады. Экономиканың тийкарғы тармақларын қаржы жағынан қоллап-қуўатлаў қәрежетлерине келеси жылы жәми 68,4 миллиард сум  ажыратыў нәзерде тутылмақта. Инвестициялар ушын бағдарланатуғын қаржыларды быйылғы жылға салыстырғанда 139,3 процентке арттырыў, усы мақсетке 53,2 миллиард сум  ажыратыў усыныс етилмекте.

Соннан, республика аймақларын комплексли раўажландырыў бағдарламаларын даўам еттирип, Нөкис қаласындағы қурылыс ҳәм реконструкциялаў жумыслары ушын 15,1 миллиард сум, аўыллық елатлы пунктлерин таза ишимлик суўы менен тәмийинлеўди еле де жақсылаў мақсетинде 80,9 километрге шамалас суў тармақларын қурыў ҳәм оңлаўға 15,6 миллиард сум, Хожелидеги Мүриўбет үйиниң реконструкциясына 7 миллиард,  Елликқала ҳәм Нөкис районларында еки жаңа мектеп қурылысына 7 миллиард, Өртке қарсы гүресиў деполарының қурылыс ҳәм ири оңлаў жумысларына 5 миллиард сум қаржы ажыратылыўы күтилмекте. 

Соны да айрықша атап өтиў тийис, Президентимиз Ш.Мирзиёевтың тапсырмасына муўапық ислеп шығылған 16 жөнелистеги тийкарғы бағдарламаларды қаржыландырыў ушын орайластырылған инвестиция ҳәм жергиликли бюджет қаржыларын жетерли муғдарда қаратыў белгиленген. Соның ишинде, кем тәмийинленген шаңарақларға, аўыллық жерлерде ҳәм қалаларда турақ-жайлар қурыў, халықты ишимлик суў менен тәмийинлеў, хожалықлараралық автомобиль жолларын ҳәм елатлы пунктлердиң көшелерин оңлаў, жәмәәтлик транспорт хызметин жақсылаўды кеңейтиў, елатлы пунктлерде санитариялық тазалаў, сондай-ақ, мектепке шекемги билимлендириў системасын раўажландырыў сыяқлы бир қатар көлемли жумысларды әмелге асырыў нәзерде тутылмақта.  

Бул мәселе бойынша 38-санлы «Темир жол» сайлаў округинен депутат Қ.Коланов, Халық билимлендириў министри Қ.Бектурдиев шығып сөйлеп, пикир-усынларын билдирди.

Республиканың 2017-жылғы бюджет параметрлери бойынша Өзбекистан Республикасы Қаржы министриниң орынбасары – Ғазнашылық баслығы Д.Сатторов кең түрде шығып сөйледи ҳәм депутатлар тийисли қарар қабыл етти.

«Парламент қадағалаўы ҳаққында»ғы Қарақалпақстан Республикасы Нызамының жойбары ҳаққында Жоқарғы Кеңес Баслығының орынбасары А.Ҳамраев баянат жасады.

Бул мәселе бойынша Қарақалпақстан Республикасы Әдиллик министри Ж.Садықов, 31-санлы «Орта қала» сайлаў округинен депутат М.Аҳмедова шығып сөйледи ҳәм тийисли қарар қабыл етилди.

Буннан кейин депутатлар «Қарақалпақстан Республикасының айырым нызамларына өзгерислер ҳәм қосымшалар киргизиў ҳаққында»ғы Қарақалпақстан Республикасы Нызамының жойбарын көрип шығып, бул бойынша 40-санлы «Сүўенли» сайлаў округинен депутат М.Сарыбаевтың баянатын тыңлады.

Бул мәселе бойынша Қанлыкөл районының ҳәкими М.Қосназаров, 26-санлы «Шаббаз» сайлаў округинен депутат Х.Ешимбетов шығып сөйледи ҳәм тийисли қарар қабыл етилди.

Депутатлар Қарақалпақстан Республикасында 2016-жылы жумыс орынларын шөлкемлестириў және халықтың бәнтлигин тәмийинлеў Бағдарламасының орынланыўы ҳәм 2017-жыл Бағдарламасының жойбары ҳаққындағы мәселени көрип шықты.

Бул бойынша Қарақалпақстан Республикасы Мийнет министри У.Сабуровтың баянаты тыңланды. Күн тәртибиндеги мәселе бойынша Министрлер Кеңесиниң Орта арнаўлы Кәсиплик билимлендириў басқармасы баслығы А.Аяпов шығып сөйледи. Депутатлар  бул мәселе бойыншада тийисли қарар қабыл етти.

Буннан кейин депутатлар Өзбекистан Республикасы Президентиниң  2016-жыл 9-февральдағы «Саламат ана ҳәм бала жылы» Мәмлекетлик бағдарламасы ҳаққындағы Қарарының республика аймағында орынланыўын көрип шықты.

Бул мәселе бойынша Қарақалпақстан Республикасы Министрлер Кеңеси Баслығының орынбасары М.Содиқов баянат жасады.

Атап өтилгениндей, бағдарлама тийкарында өткен айлар даўамында    Саламат ана ҳәм баланың саламатлығын беккемлеў, социаллық жәрдемге мүтәж нәрестелерди қоллап-қуўатлаў бағдарында кең көлемли ийгиликли ислер әмелге асырылды. Сондай-ақ, жас шаңарақлардың турмыс шараятларын жақсылаў, ҳаял-қызларды қоллап-қуўатлаў бағдарында айтарлықтай жумыслар исленип, медицина мәкемелериниң материаллық-техникалық базасын беккемлеў, тараў хызметкерлериниң билимин жетилистириў, балалар спорты объектлерин қурыў ҳәм реконструкциялаў бойынша кең көлемли илажлар алып барылды.

Бул мәселе бойынша депутатлар өз-пикир усынысларын билдирип, тийисли қарар қабыл етти.

Сессияда «Инсан ҳуқықлары ҳәм еркинликлерин тәмийинлеў барысында ҳәрекеттеги нызам ҳүжжетлерине бойсынылыўы үстинен прокурорлық қадағалаўдың жағдайы ҳәм оны және де күшейтиў илажлары ҳаққында» Қарақалпақстан Республикасы Прокуроры Э.Таджиев мәлимлеме берди. Депутатлар бул мәселе бойынша қарар қабыл етти.

Сессияда депутатлар Бийбисәнем Темирханованы Қарақалпақстан Республикасы  Хожалық судының баслығы етип сайлады ҳәм бул бойынша тийисли қарар қабыл етилди.

Сондай-ақ, депутатлар Қарақалпақстан Республикасы Жоқарғы Кеңеси Президиумының сессиялар аралығында қабыл еткен қарарларын тастыйықлады.

Усының менен Қарақалпақстан Республикасы Жоқарғы Кеңесиниң он үшинши  сессиясы өз жумысын жуўмақлады.

 

Басқа жаңалықлар RSS

09.04.2018 ЖАСЛАР УШЫН ШЕБЕРЛИК МЕКТЕБИ

Пайтахтымызда елимизде исбилерменлик тараўында жоқары нəтийжелерге ерискен бир топар исбилерменлер менен жаслардың ушырасыўлары болып өтти.

09.04.2018 КОНСТИТУЦИЯМЫЗДЫҢ ШЕРЕК ӘСИРЛИК БАЙРАМЫ

Пайтахтымыздағы Бердақ атындағы Қарақалпақ мәмлекетлик академиялық музыкалы театрында 9-апрель — Қарақалпақстан Республикасы Конституциясы қабыл етилгениниң 25 жыллығына бағышланған салтанатлы мәжилис болып өтти.

07.04.2018 ҲЕШ БИР МҮРӘЖАТ ИТИБАРДАН ШЕТТЕ ҚАЛМАЙДЫ

Президентимиздиң «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек», - деген принципи тийкарында орынларда шөлкемлестирилген Халық қабыллаўханалары пуқараларымыздың мүрәжатларын тыңлап, турмыслық машқалаларын шешиўде мәмлекет ҳәм халық арасында байланыстырыўшы  көпир ўазыйпасын ат­қарып келмекте.

Өткен шемби күни Қарақалпақстан Республикасы Жоқар­ғы Кеңесиниң Баслығы М.Ерниязов пайтахтымызда жайласқан Өзбекстан Республикасы Президентиниң Қарақалпақстан Республикасындағы Халық қабыллаўханасында болып, кең жәмийетшилик ўәкиллери менен ушырасты ҳәм олардың мүрәжатларын тыңлады.

03.04.2018 «МЕНИҢ ҚУЯШЫМ» БАЛАЛАР БАҚШАСЫ ПАЙДАЛАНЫЎҒА ТАПСЫРЫЛДЫ

Пайтахтымыздағы 32-санлы «Қосбулақ» мәкан пуқаралар жыйыны аймағында «Мениң қуяшым» мектепке шекемги билимлендириў мәкемеси пайдаланыўға тапсырылды.

01.04.2018 «ҚЫЙТАҚ ЖЕРГЕ ЕГИН ЕГИЎ» АЙЛЫҒЫ БАСЛАНДЫ

Аўыл хожалығын жедел раўажландырыў ҳәм реформаларды терең­лес­тириў бойынша жумыслардың нәтийжелилигине бағышланып өткерилген видеоселектор мәжилисинде қый­тақ жерлерден нәтийжели пайдаланыўды шөл­кемлестириў мәселесине де айрықша итибар қаратылды.

01.04.2018 НӨКИСТЕ СТОМАТОЛОГИЯНЫҢ ӘҲМИЙЕТЛИ МӘСЕЛЕЛЕРИ ДОДАЛАНДЫ

Пайтахтымызда еки күн даўамында стоматологияның әҳмийетли мәселелерине бағышланған республикалық конференция болып өтти. Оған Ташкент қаласы, Әндижан, Бухара ўәлаяты ҳәм республикамыздың қала ҳәм районларынан келген тараў басшылары ҳәм қәнигелери қатнасты.

Илаждың биринши күнинде Бердақ атындағы Қарақалпақ мәмлекетлик академиялық музыкалы театрында жалпы мәжилис өткерилди.

Оны Қарақалпақстан Республикасы денсаўлықты сақлаў министри Д.Ходжиев алып барды.

01.04.2018 АЎЫЛЛАРЫМЫЗ ЕЛЕ ДЕ АБАТ БОЛАДЫ

Елимизде барлық тараўларда алып барылып атырған кең көлемли реформалар халқымыздың өмиринде ҳәм күнделикли турмысында өзиниң айқын көринисин таппақта. «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек» деген идея бул бағдардағы жумыслардың тийкарғы өлшемине айланып, халқымыздың жәмийетлик белсендилигин, олардың ертеңги күнге исенимин арттырмақта.

Ҳүрметли Президентимиздиң басламасы менен турмысқа енгизилип атырған жаңа система-«Абат аўыл» бағдарламасы шеңберинде бизиң республикамызда да кең көлемли жумыслар әмелге асырылмақта. Атап айтқанда, Беруний районының  «Бийбазар» аўыл пуқаралар жыйыны, «Хорезм» ҳәм «Палваш» мәкан пуқаралар жыйынлары аймақларында жүргизилип атырған қурылыс ҳәм абаданластырыў жумыслары буның айқын мысалы болып табылады.

28.03.2018 ҚАРАҚАЛПАҚСТАНЛЫ ИСБИЛЕРМЕНЛЕР ҚЫТАЙҒА БАРЫП ҚАЙТТЫ

Жақында Қарақалпақстан Республикасының қурылыс тараўы қəнигелери делегациясы қытайдың Пекин қаласында өткерилген «Constructtech-2018» қурылыс технологиялары, материаллары ҳəм үскенелери бойынша халықаралық көргизбеге, сондай-ақ, Өзбекстан Республикасы елшиханасы ҳəм Қытай Халықаралық саўданы раўажландырыў Кеңеси тəрепинен шөлкемлестирилген өзбек-қытай бизнес-форумына қатнасып, усы тараў бойынша жетекши компаниялар менен тəжирийбе алмасып қайтты.

25.03.2018 ЎАТАНҒА САДЫҚЛЫҚТЫҢ ƏМЕЛДЕГИ КӨРИНИСИ

«... Соңғы нəпесим қал­ғанша Ана-Ўатанымның садық перзенти болып қалыўға, əскерий хызметтиң барлық машақат ҳəм қы­йыншылықларын шыдамлылық пенен жеңиўге, мəмлекетлик ҳəм əскерий сырларды беккем сақлаўға ата-бабаларым руўхы алдында ант етемен».

Ўатан қорғаўшысы болыўды қəлеген ҳəр бир жигит айтыўды əрман еткен бул сөзлер екшемби күни пайтахтымыз орайында 870 мəрте бəлент жаңлады. «Бахыт үйи» алдындағы кең майданда Өзбекстан Республикасы Қураллы Күшлери қурамында өзлериниң əскерий хызметлерин баслаған усыншама жаўынгер салтанатлы түрде ант берди.