Қарақалпақстан Республикасы Жоқарғы Кеңеси

⌂ ЎЗ ҚР РУ EN

Халқымызға Жаңа жыл қутлықлаўы

Қәдирли заманласлар, әзиз ўатанласлар!

Өзиниң дөретиўшилик жумыслары, ийгиликли ислери, жаңаланыўлары менен ажыралып туратуғын және бир жыл тарийхқа айланып баратырған усы қуўанышлы демлерде гүллән халқымыз кирип киятырған Жаңа жылды өзгеше кейпият, келешекке беккем исеним, үмит ҳәм арзыў-нийетлер менен күтип алмақта.

Бүгинги пайызлы ақшамда айрықша меҳир менен таярланған әжайып байрам дастурханы әтирапына жыйналып, жас әўладқа ҳақ пәтиясын берип отырған нураний ата ҳәм аналарымызды, ҳәр бир шаңараққа пайыз бағышлайтуғын меҳрибан апа-қарындасларымызды, уллы бабаларымыздан мийрас қалған мәртлик ҳәм азаматлық үлгилерин өзинде жәмлеген аға-инилеримизди, ҳәр бир шаңарақты нурға бөлеп турған перзентлеримизди, қулласы, барлық Ўатанласларымызды Жаңа жыл байрамы менен қызғын қутлықлайман.

Жуўмақланып атырған жылға нәзер таслар екенбиз, өткен айлар даўамында турмысымызда жүз берген ўақыялар, қолға киргизилген жоқары шеклер менен табысларды қанаатланыўшылық пенен айтып өтиўге толық тийкарларымыз бар, деп ойлайман.

Буның әмелий көринисин елимиздиң Биринши Президенти Ислам Кәримов баслап берген демократиялық реформаларды буннан былай да тереңлестириў ҳәм пуқаралық жәмийетин раўажландырыў мақсетинде алып барылған кең көлемли жумыслар, экономикамызды турақлы пәтлер менен раўажландырыў, халқымыздың абаданлығын арт­тырыў бағдарында әмелге асырылған ийгиликли ислер мысалында көриў мүмкин.

Соны айрықша атап өтиўимиз тийис, қала ҳәм аўылларымызда жүз берип атырған унамлы өзгерислер менен жаңаланыўлар, иске түсип атырған заманагөй кәрханалар, дийқан ҳәм фермерлеримиз ерисип атырған жоқары нәтийжелер халықаралық майданда Ғәрезсиз Өзбекистанымыздың абырайын буннан былай да арттырыўға тийкар болмақта.

«Саламат ана ҳәм бала жылы» мәмлекетлик бағдарламасы тийкарында шаңарақты, аналықты ҳәм балалықты, ҳаял-қызлардың мәплерин қорғаўға, шаңарақ институтын беккемлеўге қаратылған ҳуқықый базаны жетилистириў, алыс ҳәм ең шетки елатлы пунктлерде жасап атырған халық ушын зәрүрли шараятлар жаратыў бағдарларында алып барылған жумыслар ҳәр бир инсанның турмысында әҳмийетли орын ийелеўи менен ажыралып турады. Сондай-ақ, медициналық мәкемелердиң материаллық-техникалық базасын ҳәм кадрлар потенциалын беккемлеў, жаслар арасында спортты ғалаба ен жайдырыў, қызларымызды физикалық жақтан саламат, интеллектуаллық раўажланған етип кәмалға келтириў, шаңарақларда саламат руўхый орталықты қәлиплестириў бағдарларында белгиленген ийгиликли ислер бизиң тийкарғы дыққат-итибарымызда болып қала береди.

 

Ҳүрметли дослар !

Елимиздиң сиясий тарийхында әҳмийетли орын ийелейтуғын ўақыялардан бири – бул жуўмақланып атырған жылдың 4-декабрь күни болып өткен Өзбекистан Республикасы Президенти сайлаўы болып табылады.

Бул сайлаўда барлық сайлаўшыларымыз қатарында жасларымыз, нуранийлеримиз, ҳаял-қызларымыз, кең жәмийетшилик ўәкиллери белсене қатнасқанын ҳәм олар елимиз тәғдири ушын жуўапкершиликти терең сезингенин айрықша атап өтиўимиз тийис.

Болып өткен сайлаўда халқымыз өзлериниң сиясий белсендилиги менен ажыралып, ҳуқықый билимлери жетилискенин, дүньяқарасы кеңейип атырғанын, ең тийкарғысы, елимиздиң ертеңги күнине деген жуўапкершилик сезиминиң артқанын және бир мәрте дәлилледи.

Келешекке тағы да беккем исеним менен қәдем таслап атырған халқымыз жақын жыллар ишинде турмысымызда жүз бериўи күтилип атырған бүгинги өзгерислер менен жаңаланыўлар себепли усындай тыныш-татыў ҳәм абадан елдиң бахытлы инсанлары екенин және де тереңирек аңлап жетпекте.

Қуўанышлы тәрепи сонда, бундай жаңаланыўлар менен өзгерислерди халқымыз турмысы, экономика, санаат, аўыл хожалығы, қурылыс, транспорт, мәденият, билимлендириў, медицина ҳәм басқа да тараўлар мысалында узақ сөз етиў мүмкин.

 

Қәдирли ўатанласлар!

Теберик ата-аналарын, жасы үлкенлерин қәдирлеген, нураний инсанларын улуғлаған халық ҳеш қашан кем болмайды. Жаңа жыл байрамы алдынан Ҳүрметли Президентимиз тәрепинен «Өзбекистан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы арнаўлы Пәрманның қабыл етилиўи кексе әўлад ўәкиллерине қаратылған айрықша итибардың көриниси саналады.

Елимизде «Халық пенен пикирлесиў ҳәм инсан мәплери жылы» деп жәрияланған жаңа жылда халық пенен турақлы пикирлесиў, оларды қыйнап атырған машқаларды шешиў, адамлардың дәртин тыңлаў, олардың аўырын жеңил етиў, халықтың бәнтлигин тәмийинлеў, аўыл халқының жасаў шараятын жақсылаў, жасларымызды қоллап-қуўатлаў, тараўларда жүргизилип атырған реформаларды буннан былай да жетилистириў сыяқлы бир қатар мәселелер тийкарғы ўазыйпаларымыздан болып қала береди.

Илайым, өзиниң аппақ қары менен ажыралып, тәбиятты өзгеше сулыўлыққа безеп кирип киятырған жаңа жылда дәрьямызда нәўпир суўлар тасып, дийқанларымыздың қырманлары бәлентлей берсин!

Сизлерди және бир мәрте жаңа жыл байрамыңыз бенен қызғын қутлықлап, бәршеңизге беккем денсаўлық, мол табыслар тилеймен!

Жаңа жыл ҳәр бир шаңараққа бахыт, қуўаныш алып келгей!

Елимиз тыныш, халқымыз ҳәмийше аман болсын!

Жаңа жылыңыз бәршеңизге қутлы мүбәрек болсын, әзиз заманласлар!

 

Муса Ерниязов,
Қарақалпақстан Республикасы
Жоқарғы Кеңесиниң Баслығы 

 

Басқа жаңалықлар RSS

09.04.2018 ЖАСЛАР УШЫН ШЕБЕРЛИК МЕКТЕБИ

Пайтахтымызда елимизде исбилерменлик тараўында жоқары нəтийжелерге ерискен бир топар исбилерменлер менен жаслардың ушырасыўлары болып өтти.

09.04.2018 КОНСТИТУЦИЯМЫЗДЫҢ ШЕРЕК ӘСИРЛИК БАЙРАМЫ

Пайтахтымыздағы Бердақ атындағы Қарақалпақ мәмлекетлик академиялық музыкалы театрында 9-апрель — Қарақалпақстан Республикасы Конституциясы қабыл етилгениниң 25 жыллығына бағышланған салтанатлы мәжилис болып өтти.

07.04.2018 ҲЕШ БИР МҮРӘЖАТ ИТИБАРДАН ШЕТТЕ ҚАЛМАЙДЫ

Президентимиздиң «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек», - деген принципи тийкарында орынларда шөлкемлестирилген Халық қабыллаўханалары пуқараларымыздың мүрәжатларын тыңлап, турмыслық машқалаларын шешиўде мәмлекет ҳәм халық арасында байланыстырыўшы  көпир ўазыйпасын ат­қарып келмекте.

Өткен шемби күни Қарақалпақстан Республикасы Жоқар­ғы Кеңесиниң Баслығы М.Ерниязов пайтахтымызда жайласқан Өзбекстан Республикасы Президентиниң Қарақалпақстан Республикасындағы Халық қабыллаўханасында болып, кең жәмийетшилик ўәкиллери менен ушырасты ҳәм олардың мүрәжатларын тыңлады.

03.04.2018 «МЕНИҢ ҚУЯШЫМ» БАЛАЛАР БАҚШАСЫ ПАЙДАЛАНЫЎҒА ТАПСЫРЫЛДЫ

Пайтахтымыздағы 32-санлы «Қосбулақ» мәкан пуқаралар жыйыны аймағында «Мениң қуяшым» мектепке шекемги билимлендириў мәкемеси пайдаланыўға тапсырылды.

01.04.2018 «ҚЫЙТАҚ ЖЕРГЕ ЕГИН ЕГИЎ» АЙЛЫҒЫ БАСЛАНДЫ

Аўыл хожалығын жедел раўажландырыў ҳәм реформаларды терең­лес­тириў бойынша жумыслардың нәтийжелилигине бағышланып өткерилген видеоселектор мәжилисинде қый­тақ жерлерден нәтийжели пайдаланыўды шөл­кемлестириў мәселесине де айрықша итибар қаратылды.

01.04.2018 НӨКИСТЕ СТОМАТОЛОГИЯНЫҢ ӘҲМИЙЕТЛИ МӘСЕЛЕЛЕРИ ДОДАЛАНДЫ

Пайтахтымызда еки күн даўамында стоматологияның әҳмийетли мәселелерине бағышланған республикалық конференция болып өтти. Оған Ташкент қаласы, Әндижан, Бухара ўәлаяты ҳәм республикамыздың қала ҳәм районларынан келген тараў басшылары ҳәм қәнигелери қатнасты.

Илаждың биринши күнинде Бердақ атындағы Қарақалпақ мәмлекетлик академиялық музыкалы театрында жалпы мәжилис өткерилди.

Оны Қарақалпақстан Республикасы денсаўлықты сақлаў министри Д.Ходжиев алып барды.

01.04.2018 АЎЫЛЛАРЫМЫЗ ЕЛЕ ДЕ АБАТ БОЛАДЫ

Елимизде барлық тараўларда алып барылып атырған кең көлемли реформалар халқымыздың өмиринде ҳәм күнделикли турмысында өзиниң айқын көринисин таппақта. «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек» деген идея бул бағдардағы жумыслардың тийкарғы өлшемине айланып, халқымыздың жәмийетлик белсендилигин, олардың ертеңги күнге исенимин арттырмақта.

Ҳүрметли Президентимиздиң басламасы менен турмысқа енгизилип атырған жаңа система-«Абат аўыл» бағдарламасы шеңберинде бизиң республикамызда да кең көлемли жумыслар әмелге асырылмақта. Атап айтқанда, Беруний районының  «Бийбазар» аўыл пуқаралар жыйыны, «Хорезм» ҳәм «Палваш» мәкан пуқаралар жыйынлары аймақларында жүргизилип атырған қурылыс ҳәм абаданластырыў жумыслары буның айқын мысалы болып табылады.

28.03.2018 ҚАРАҚАЛПАҚСТАНЛЫ ИСБИЛЕРМЕНЛЕР ҚЫТАЙҒА БАРЫП ҚАЙТТЫ

Жақында Қарақалпақстан Республикасының қурылыс тараўы қəнигелери делегациясы қытайдың Пекин қаласында өткерилген «Constructtech-2018» қурылыс технологиялары, материаллары ҳəм үскенелери бойынша халықаралық көргизбеге, сондай-ақ, Өзбекстан Республикасы елшиханасы ҳəм Қытай Халықаралық саўданы раўажландырыў Кеңеси тəрепинен шөлкемлестирилген өзбек-қытай бизнес-форумына қатнасып, усы тараў бойынша жетекши компаниялар менен тəжирийбе алмасып қайтты.

25.03.2018 ЎАТАНҒА САДЫҚЛЫҚТЫҢ ƏМЕЛДЕГИ КӨРИНИСИ

«... Соңғы нəпесим қал­ғанша Ана-Ўатанымның садық перзенти болып қалыўға, əскерий хызметтиң барлық машақат ҳəм қы­йыншылықларын шыдамлылық пенен жеңиўге, мəмлекетлик ҳəм əскерий сырларды беккем сақлаўға ата-бабаларым руўхы алдында ант етемен».

Ўатан қорғаўшысы болыўды қəлеген ҳəр бир жигит айтыўды əрман еткен бул сөзлер екшемби күни пайтахтымыз орайында 870 мəрте бəлент жаңлады. «Бахыт үйи» алдындағы кең майданда Өзбекстан Республикасы Қураллы Күшлери қурамында өзлериниң əскерий хызметлерин баслаған усыншама жаўынгер салтанатлы түрде ант берди.