Қарақалпақстан Республикасы Жоқарғы Кеңеси

⌂ ЎЗ ҚР РУ EN

Районлық кеңестиң сессиясы

Усы жыл 24-январь күни Халық депутатлары Хожели районлық Кеңесиниң гезексиз жигирма бесинши сессиясы болып өтти.

Сессияда шөлкемлестириў мәселеси қаралды.

Қарақалпақстан Республикасы Жоқарғы Кеңесиниң Баслығы М.Ерниязов районды социаллық-экономикалық жақтан раўажландырыў бойынша алып барылып атырған жумыслар, орын алып атырған кемшиликлер, алда турған ўазыйпалар ҳаққында кең түрде айтып өтти ҳәм район ҳәкими лаўазымына Қарақалпақстан Республикасы Министрлер Кеңеси Баслығының Санаатты раўажландырыў, капитал қурылыс, коммуникациялар ҳәм коммунал хожалығы мәселелери бойынша орынбасары лаўазымында ислеп келген Ембергенов Женгисбай Сагинбаевичти усынды.

Усынылған талабанды районлық Кеңес депутатлары қоллап-қуўатлап, шығып сөйледи.

Сессияда Ж.Ембергенов Хожели районы ҳәкими болып тастыйықланды ҳәм өзиниң билим және тәжирийбесин районды социаллық-экономикалық жақтан раўажландырыўға, жергиликли халықтың абаданлығын тәмийинлеўге жумсайтуғынын атап өтти.

Усының менен сессия өз жумысын жуўмақлады.

 

Басқа жаңалықлар RSS

24.01.2017 Қарақалпақстан Республикасы Жоқарғы Кеңесиниң Баслығының бийлиги

Ж.Ембергеновты Хожели районы ҳәкими лаўазымына тайынлаў ҳаққында Қарақалпақстан Республикасы Жоқарғы Кеңесиниң Баслығының бийлиги

18.01.2017 Қарақалпақстан Республикасы Жоқарғы Кеңесиниң он төртинши сессиясы қарары

Қарақалпақстан Республикасы Жоқарғы Кеңесиниң он төртинши сессиясы қарары

13.01.2017 Ўатанды қорғайды жигиттиң мәрти

Усы күнлери пүткил елимиз бойлап Ўатан қорғаўшылары күни және қураллы Күшлеримиз дүзилгениниң 25 жыллығы кең түрде белгиленбекте. Байрам мүнәсибети менен қала ҳәм районларда, жоқары ҳәм орта арнаўлы оқыў орынларында, әскерий бөлимлерде, пуқаралардың өзин-өзи басқарыў уйымларында, мийнет жәмәәтлеринде ҳәр қыйлы ушырасыўлар, спорт жарыслары, концерт бағдарламалары ҳәм қайырқомлық илажлары өткерилмекте.

01.01.2017 Ата-бабалардың дәстүрине садықлық

Биринши Президентимиз баслап берген жол арқалы көз алдымызда жүз берип атырған өзгерислер ҳәм жаңаланыўлар, халықтың турмыс дәрежеси ҳәм сапасының жедел өсип, елимиз келбети, мәмлекетимиздиң жәҳән жәмийетшилигиндеги орны пүткиллей өзгерип атыр­ғаны ҳәр бир ўатанласымызға мақтаныш бағышламақта.

31.12.2016 Халқымызға Жаңа жыл қутлықлаўы

Өзиниң дөретиўшилик жумыслары, ийгиликли ислери, жаңаланыўлары менен ажыралып туратуғын және бир жыл тарийхқа айланып баратырған усы қуўанышлы демлерде гүллән халқымыз кирип киятырған Жаңа жылды өзгеше кейпият, келешекке беккем исеним, үмит ҳәм арзыў-нийетлер менен күтип алмақта.

29.12.2016 Президент саўғалары тапсырылды

Елимизде ҳәр жылы жаңа жыл қарсаңында кем тәмийинленген шаңарақларда тәрбияланып атырған, бағыўшысынан айрылған, жетим балаларға Президент саўғаларын салтанатлы жағдайда тапсырыў жақсы дәстүрге айланған.

28.12.2016 Қарақалпақстан Республикасы Жоқарғы Кеңесиниң он үшинши сессиясы ҳаққында мәлимлеме

Усы жыл 28-декабрь күни Нөкисте Қарақалпақстан Республикасы Жоқарғы Кеңесиниң он үшинши сессиясы болып өтти.

28.10.2016 Қарақалпақстан Республикасы Жоқарғы Кеӊесиниӊ он екинши сессиясы ҳаққында мәлимлеме

Усы жыл 27-октябрь күни Нөкисте Қарақалпақстан Республикасы Жоқарғы Кеӊесиниӊ он екинши сессиясы болып өтти. Оған Өзбекистан Республикасы Олий Мажлиси Сенаты ҳәм республика ҳүкиметиниӊ ағзалары, Жоқарғы Кеӊес депутатлары, министрликлер менен ведомстволардыӊ, мәкеме ҳәм кәрханалардыӊ, ҳуқық қорғаў уйымларыныӊ басшылары, ғалаба хабар қуралларыныӊ ўәкиллери қатнасты.

20.10.2016 Қараөзектеги умытылмас мәўритлер

Бүгинги күнде Өзбекистанда 130 дан аслам миллет, 16 диний конфессия ўәкиллери беккем аўызбиршиликте жасап, ғәрезсиз мәмлекетимиздиң раўажланыўы жолында пидайы мийнет етип атыр. Олардың тыныш ҳәм татыў турмысын тәмийинлеў, елимизде демократиялық принциплерге тийкарланған еркин пуқаралық жәмийетин қурыўдағы белсендилигин арттырыў ғәрезсизлигимиздиң дәслепки жылларынан баслап-ақ ҳүкиметимиз сия­сатының баслы бағдарына айланды.