Қарақалпақстан Республикасы Жоқарғы Кеңеси

⌂ ЎЗ ҚР РУ EN

Таңлаў жаңа табысларға бағдарлайды

Экономиканың тийкар­ғы буўыны болған киши бизнес ҳәм жеке исбилерменлик дүнья тәжирийбесинде ишки базарларды керекли өнимлер ҳәм хызметлер менен толықтырыўдың тийкарғы дәреги болып хызмет етеди. Бүгинги күнде елимизде исбилерменликти раўажландырыўға қаратылған кең ҳуқықый база жаратылды. Тараўды тәртипке салып барыўшы 400 ден аслам нызамлар, Президент пәрманлары ҳәм ҳүкиметлик қарарлар қабыл етилген. Əсиресе, соңғы жылларда Президентимиз тәрепинен исбилерменликти раўажландырыўға, олардың еркинлигин тәми­йинлеўге, тараўдағы ҳәр қандай тосқынлықларды болдырмаўға, исбилерменлик пенен шуғылланыўды қәлеўшилерди қаржылай қоллап-қуўатлаў, түрли салық ҳәм басқа да мәжбүрий төлемлерден азат етиўге, экспорт дәрежесин арттырыў мақсетинде жол транспорт қәрежетлери ҳәм бажыхана төлемлеринен преференциялар бериў - бул тараўдың жумысларын және де жоқары басқышларға көтерди.

 Көпшиликке мәлим, мәмлекетимизде ҳәр жылы республикамыз исбилерменлери, фермерлери ҳәм өнерментлериниң қатнасыўында Өзбекистан Республикасы Президенти саўғасы ушын «Ташаббус» таңлаўы өткерилип, бул таңлаў киши бизнес ўәкиллериниң исбилерменлик тараўындағы басламаларын қоллап-қуўатлаў ҳәм хошаметлеўдиң өзине тән бир көриниси болып табылады.

3-май күни пайтахтымызда «Ташаббус-2017» таңлаўының республикалық басқышы болып өтти. Оған усы таңлаўдың районлық ҳәм қалалық бас­қышларында жеңимпаз болған 44 фермер, исбилермен ҳәм өнерментлер қатнасты.

Бул таңлаўдың мақсети - мәмлекетимиз экономикасында болып атырған унамлы өзгерислерди көрсететуғын, киши бизнес ҳәм жеке исбилерменликти қоллап-қуўатлаў ҳәм оларды хошаметлеў бойынша оғада үлкен әҳмийетке ийе болып табылады,-дейди Өзбекистан Саўда-санаат палатасы Қарақалпақстан Республикасы басқармасы баслығының биринши орынбасары Қ.Азербаев.

Бердақ атындағы Қарақалпақ мәмлекетлик академиялық музыкалы театрында болып өткен «Ташаббус-2017» таңлаўы дәслеп қатнасыўшылар тәрепинен ислеп шығарылған өнимлердиң көргизбеси менен танысыўдан басланып, оған исбилерменлер ҳәм өнерментлер өзлериниң азық-аўқат өнимлери, ки­йим-кеншеклер, үй-руўзыгершилик буйымларын, қурылыс материалларын, фермерлеримиз өзлери жетистирген аўыл хожалық ҳәм шарўашылық өнимлерин кең жәмийетшилик нәзерине усынды.

Илажды Қарақалпақстан Республикасы Министрлер Кеңеси Баслығының биринши орынбасары М.Содиқов ашып берди. Соңынан Қарақалпақстан Республикасы Жоқарғы Кеңесиниң комитет баслығы С.Турманов, Республика фермерлер Кеңесиниң баслығы, Өзбекистан Қаҳарманы С.Сейтназаров, Өзбекистан Саўда-санаат палатасы Қарақалпақстан Республикасы басқармасы баслығы Х.Қайыпназаровлар сөз сөйледи.

Шығып сөйлегенлердиң атап өткениндей, киши бизнес ҳәм жеке исбилерменликти, фермерлик ҳәрекетин қоллап-қуўатлаў, исбилерменлердиң билим ҳәм кәсиплик шеберлигин жетилистириў ҳәм олардың алдынғы тәжирийбелерин ен жайдырыўда бул таңлаў айрықша  әҳмийетке ийе. Усындай илажлардың нәтийжесинде жеке сектордың елимиз экономикасындағы  үлеси жылдан-жылға  артып бармақта.

- Ҳүкиметимиз тәрепинен киши бизнес ҳәм жеке исбилерменлик тараўына қаратылып атырған айрықша итибардың нәтийжесинде республикамыздың алыс районларының бири болған Төрткүл районында да бүгинги күни фермерлеримиз, исбилерменлик субъекти ўәкиллери қыйын ықлым шараятында да аянбай мийнет етип, елимиздиң гүллеп-раўажланыўына өзлериниң үлесин қосып келмекте,-дейди Төрткүл районы фермерлер Кеңесиниң жетекши қәнигеси О.Гаипов. - Ал, булардың ишинен бир қаншасының бүгинги таңлаўдың ҳәр қыйлы номинациялары бойынша сыйлықланыўы бизлерге көтериңки йош бағышлады.

Күнниң екинши ярымында «Ташаббус-2017» жеңимпазларын сыйлықлаў мәресими болып өтип, онда таңлаўдың тийкар­ғы бағдарлары ҳәм басқа да бир неше номинациялары бо­йынша жеңимпазлар анықланды. Тийкарғы «Ең жақсы исбилермен» бағдарында Нөкис қаласынан «Кардар ислеп шығарыў өнимлери» ЖШЖ баслығы М.Шымбергенов, «Ең жақсы фермер» бағдарында Қоңырат районынан «Мустақыллық» фермер хожалығы баслығы Қ.Утеков, «Ең жақсы өнермент» бағдарында болса Шымбай ра­йонынан жеке исбилермен А.Турекеевлер биринши орынға ылайық деп табылды ҳәм усы жылдың 16-17-май күнлери Ташкент қаласында болып өтетуғын жуўмақлаўшы басқышқа жолламаны қолға киргизип, шөлкемлестириўшилер тәрепинен арнаўлы диплом ҳәм қымбат баҳалы саў­ғалар менен сыйлықланды.

Таңлаў жуўмағында Қарақалпақстан Республикасы «Нураный» қорының баслығы Ш.Уснатдинов ҳәм тараў басшылары жеңимпазларды қутлықлап, алдағы Өзбекистан көлеминде болып өтетуғын жарыста әўметлер тиледи. Илаж қарақалпақ эстрада жулдызлары ҳәм жас атқарыўшыларының концерт бағдарламасы менен жуўмақланды. 

 

Басқа жаңалықлар RSS

09.04.2018 ЖАСЛАР УШЫН ШЕБЕРЛИК МЕКТЕБИ

Пайтахтымызда елимизде исбилерменлик тараўында жоқары нəтийжелерге ерискен бир топар исбилерменлер менен жаслардың ушырасыўлары болып өтти.

09.04.2018 КОНСТИТУЦИЯМЫЗДЫҢ ШЕРЕК ӘСИРЛИК БАЙРАМЫ

Пайтахтымыздағы Бердақ атындағы Қарақалпақ мәмлекетлик академиялық музыкалы театрында 9-апрель — Қарақалпақстан Республикасы Конституциясы қабыл етилгениниң 25 жыллығына бағышланған салтанатлы мәжилис болып өтти.

07.04.2018 ҲЕШ БИР МҮРӘЖАТ ИТИБАРДАН ШЕТТЕ ҚАЛМАЙДЫ

Президентимиздиң «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек», - деген принципи тийкарында орынларда шөлкемлестирилген Халық қабыллаўханалары пуқараларымыздың мүрәжатларын тыңлап, турмыслық машқалаларын шешиўде мәмлекет ҳәм халық арасында байланыстырыўшы  көпир ўазыйпасын ат­қарып келмекте.

Өткен шемби күни Қарақалпақстан Республикасы Жоқар­ғы Кеңесиниң Баслығы М.Ерниязов пайтахтымызда жайласқан Өзбекстан Республикасы Президентиниң Қарақалпақстан Республикасындағы Халық қабыллаўханасында болып, кең жәмийетшилик ўәкиллери менен ушырасты ҳәм олардың мүрәжатларын тыңлады.

03.04.2018 «МЕНИҢ ҚУЯШЫМ» БАЛАЛАР БАҚШАСЫ ПАЙДАЛАНЫЎҒА ТАПСЫРЫЛДЫ

Пайтахтымыздағы 32-санлы «Қосбулақ» мәкан пуқаралар жыйыны аймағында «Мениң қуяшым» мектепке шекемги билимлендириў мәкемеси пайдаланыўға тапсырылды.

01.04.2018 «ҚЫЙТАҚ ЖЕРГЕ ЕГИН ЕГИЎ» АЙЛЫҒЫ БАСЛАНДЫ

Аўыл хожалығын жедел раўажландырыў ҳәм реформаларды терең­лес­тириў бойынша жумыслардың нәтийжелилигине бағышланып өткерилген видеоселектор мәжилисинде қый­тақ жерлерден нәтийжели пайдаланыўды шөл­кемлестириў мәселесине де айрықша итибар қаратылды.

01.04.2018 НӨКИСТЕ СТОМАТОЛОГИЯНЫҢ ӘҲМИЙЕТЛИ МӘСЕЛЕЛЕРИ ДОДАЛАНДЫ

Пайтахтымызда еки күн даўамында стоматологияның әҳмийетли мәселелерине бағышланған республикалық конференция болып өтти. Оған Ташкент қаласы, Әндижан, Бухара ўәлаяты ҳәм республикамыздың қала ҳәм районларынан келген тараў басшылары ҳәм қәнигелери қатнасты.

Илаждың биринши күнинде Бердақ атындағы Қарақалпақ мәмлекетлик академиялық музыкалы театрында жалпы мәжилис өткерилди.

Оны Қарақалпақстан Республикасы денсаўлықты сақлаў министри Д.Ходжиев алып барды.

01.04.2018 АЎЫЛЛАРЫМЫЗ ЕЛЕ ДЕ АБАТ БОЛАДЫ

Елимизде барлық тараўларда алып барылып атырған кең көлемли реформалар халқымыздың өмиринде ҳәм күнделикли турмысында өзиниң айқын көринисин таппақта. «Халық мәмлекетлик уйымларға емес, ал, мәмлекетлик уйымлар халқымызға хызмет етиўи керек» деген идея бул бағдардағы жумыслардың тийкарғы өлшемине айланып, халқымыздың жәмийетлик белсендилигин, олардың ертеңги күнге исенимин арттырмақта.

Ҳүрметли Президентимиздиң басламасы менен турмысқа енгизилип атырған жаңа система-«Абат аўыл» бағдарламасы шеңберинде бизиң республикамызда да кең көлемли жумыслар әмелге асырылмақта. Атап айтқанда, Беруний районының  «Бийбазар» аўыл пуқаралар жыйыны, «Хорезм» ҳәм «Палваш» мәкан пуқаралар жыйынлары аймақларында жүргизилип атырған қурылыс ҳәм абаданластырыў жумыслары буның айқын мысалы болып табылады.

28.03.2018 ҚАРАҚАЛПАҚСТАНЛЫ ИСБИЛЕРМЕНЛЕР ҚЫТАЙҒА БАРЫП ҚАЙТТЫ

Жақында Қарақалпақстан Республикасының қурылыс тараўы қəнигелери делегациясы қытайдың Пекин қаласында өткерилген «Constructtech-2018» қурылыс технологиялары, материаллары ҳəм үскенелери бойынша халықаралық көргизбеге, сондай-ақ, Өзбекстан Республикасы елшиханасы ҳəм Қытай Халықаралық саўданы раўажландырыў Кеңеси тəрепинен шөлкемлестирилген өзбек-қытай бизнес-форумына қатнасып, усы тараў бойынша жетекши компаниялар менен тəжирийбе алмасып қайтты.

25.03.2018 ЎАТАНҒА САДЫҚЛЫҚТЫҢ ƏМЕЛДЕГИ КӨРИНИСИ

«... Соңғы нəпесим қал­ғанша Ана-Ўатанымның садық перзенти болып қалыўға, əскерий хызметтиң барлық машақат ҳəм қы­йыншылықларын шыдамлылық пенен жеңиўге, мəмлекетлик ҳəм əскерий сырларды беккем сақлаўға ата-бабаларым руўхы алдында ант етемен».

Ўатан қорғаўшысы болыўды қəлеген ҳəр бир жигит айтыўды əрман еткен бул сөзлер екшемби күни пайтахтымыз орайында 870 мəрте бəлент жаңлады. «Бахыт үйи» алдындағы кең майданда Өзбекстан Республикасы Қураллы Күшлери қурамында өзлериниң əскерий хызметлерин баслаған усыншама жаўынгер салтанатлы түрде ант берди.