Қарақалпақстан Республикасы Жоқарғы Кеңеси

⌂ ЎЗ ҚР РУ EN

Ҳәр бир перзент меҳир ҳәм итибарда

Республикамыздың барлық қала ҳәм районларында 1-июнь халықаралық балаларды қорғаў күнине арналған түрли байрам илажлары өткерилди.

Қарақалпақстан Республикасы Министрлер Кеңесиниң Баслығы Қ.Сариев Хожелидеги 1-санлы «Меҳрибанлық үйи»нде болып, тәрбияланыўшыларды байрам менен қутлықлады ҳәм бул жерде жаратылған шараятлар менен танысты.

Байрамға бағышланып өткерилген илажда атап өтилгениндей, Ҳүрметли Президентимиз Ш.Мирзиёевтың басшылығында елимизде жас әўладты ҳәр тәреплеме бәркамал ҳәм саламат инсан етип тәрбиялаўға қаратылып атырған айрықша итибардың нәтийжесинде олардың пуқта билим алыўы, кәсип-өнер үйрениўи, спорт пенен шуғылланыўлары ушын барлық шараятлар жаратылған. Буны «Меҳрибанлық үйи» тәрбияланыўшылары мысалында көриўимизге болады. Бул жерде 5 мың дана китап қорына ийе китапхана, бассейн, спорт майданшалары, түрли дөгереклер шөлкемлестирилген болып, олар заманагөй  әсбап-үскенелер, зәрүр инвентарьлар менен тәмийинленген. Усындай имканиятлардың нәтийжесинде тәрбияланыўшылар тек республикамызда ғана емес, ал, елимиз көлеминдеги таңлаўларға, спорт жарысларына қатнасып, сыйлы орынларды ийелеп келмекте.

Илаж соңында балаларға саў­ғалар тапсырылды. Байрам тамашалары «Меҳрибанлық үйи» жанындағы «Қарс» миллий фольклор ҳәм «Таң ғумшалары» ансамбльлери ағзаларының концерт бағдарламасына уласты.

***

Қарақалпақстан Республикасы Жоқарғы Кеңеси Баслығының орынбасары А.Хамраев Тақыятас қаласындағы Балалар үйинде болып, балаларды ҳәм қатнасыўшыларды байрам менен қутлықлады. Бул жерде тәрбияланып атырған 42 нәресте ушын барлық шараят жаратылған. Балалар үйиниң имаратына капитал реконструкция исленип, материаллық-техникалық базасын беккемлеў бағдарында кең көлемли жумыслар әмелге асырылды.  Республикамыз басшыларының, ҳуқық қорғаў уйымларының, минис­трликлер менен шөлкемлердиң, ҳәкимликлердиң тиккелей ғамқорлығында ҳәр жылы балалардың сүннет тойлары кең түрде өткерилип келинбекте.

Байрам мүнәсибети менен өткерилген илажда Қарақалпақ мәмлекетлик жас тамашагөйлер ҳәм Қуўыршақ театрлары жәмәәтлери тәрепинен таярланған қызықлы концерт бағдарламасы нәрестелерди шадлыққа бөледи. Балаларға қәўендер мәкемелер тәрепинен таярлан­ған саўғалар тапсырылды.

Республикамыздағы барлық демалыў орайлары усы күни балалар менен толы болды. Орынларда шөлкемлестирилген концерт бағдарламалары, спорт жарыслары, түрли таңлаў жеңимпазлары қәўендерлер тәрепинен сыйлықланды. Қызықлы ойын-заўықлар оларға айрықша қуўаныш бағышлады.

 

Басқа жаңалықлар RSS

19.02.2018 ӨЗ-АРА ШЕРИКЛИК МЕХАНИЗМЛЕРИ ДОДАЛАНДЫ

Қарақалпақстан Республикасы Министрлер Кеңесинде «Европа тиклениў ҳәм раўажландырыў банки менен киши ҳәм орта бизнес субъект­лери арасында өз-ара шериклик механизмлери» темасында семинар болып өтти. 

19.02.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Европа тиклениў ҳәм раўажландырыў банки делегациясын қабыллаў мәресими болды.

Илажда  Қарақалпақстан Республикасы Жоқарғы Кеңеси Баслығы М.Ерниязов мийманларды республикамызға сапары менен қутлықлап, үлкемиздиң географиялық жайласыўы, халқы, ҳәкимшилик басқарыў дүзилиси, миллий байлықлары туўралы кең түрде мағлыўмат берди. Сондай-ақ, Өзбекстан Республикасы Президентиниң 2017-жыл 18-январь күнги «2017-2021-жылларда Аралбойы регионын раўажландырыўдың Мәмлекетлик бағдарламасы ҳаққында»ғы, сондай-ақ, өткен жыл 28-февраль күнги «2017-2018-жылларда Қарақалпақстан Республикасының Мойнақ районын экономикалық раўажландырыў ҳәм халықтың бәнтлигин тәмийинлеў бойынша қосымша илажлар ҳаққында»ғы қарарлары шеңберинде әмелге асырылған кең көлемли жумысларға тоқтап өтти. 

18.02.2018 МАШҚАЛАЛАРДЫҢ ШЕШИМИ ҚАДАҒАЛАЎҒА АЛЫНДЫ

Пайтахтымыз Нөкис қаласында Қарақалпақстан Республикасы Жоқарғы Кеңеси Баслығы М.Ерниязов тәрепинен пуқараларды қабыллаў болды. 

16.02.2018 РАЙОНЛЫҚ КЕҢЕСТИҢ СЕССИЯСЫ

Халық депутатлары Шымбай районлық Кеңесиниң гезексиз жигирма алтыншы сессиясы болып өтти. 

15.02.2018 ЖАСЛАР — КЕЛЕШЕК ҚУРЫЎШЫЛАРЫ

Елимизде жасларды ўатанды сүйиўшилик, миллий дəстүр ҳəм қəдириятларымызға ҳүрмет руўхында тəрбиялаў, руўхый дүньясы жетик ҳəм физикалық жақтан бəркамал əўладты камал­ға келтириў, олардың ҳуқықлары менен мəплерин қорғаў бойынша бир қатар жумыслар əмелге асырылмақта. Əсиресе, ҳүрметли Президентимиздиң басшылығында халықтың бəнтлигин тəмийинлеў, жаңа жумыс орынларын жаратыў, хызмет көрсетиў, өндирис орынларын ашыў ҳəм усының есабынан мийнет мигрантларының сырт еллерге нызамсыз шығыўының алдын алыў бағдарында да бир қатар илажлар алып барылмақта.

10.02.2018 Жаңа қарар қабыл етилди

Бəршеге мəлим, латын жазыўы тийкарында мəмлекетимиз атамасын дурыс жазыў мақсетинде 2014-жыл 7-апрельде Қарақалпақстан Республикасы Жоқарғы Кеңеси Президиумының арнаўлы қарары қабыл етилген еди. 

09.02.2018 ЎАТАНҒА ХЫЗМЕТ — ƏДИЎЛИ МИННЕТ

Пайтахтымызда жайласқан Арқа-Батыс əскерий округиниң шөлкемлестирилгенлигине быйыл l9 жыл толыўы мүнəсибети менен республикамыздың барлық орынларында «Тынышлығың ушын жаным пидə — муқаддес Ўатан!» ураны астында өткерилип атырған ҳəптелик шеңберинде бир қатар илажлар шөлкемлестирилип, буның тийкарғы салтанатлы мəресими жақында l-санлы балалар ҳəм өспиримлер спорт мектебинде болып өтти. 

07.02.2018 МӘМЛЕКЕТЛИК ХЫЗМЕТЛЕР ОРАЙЛАРЫНА АВТОМАШИНАЛАР ТАПСЫРЫЛДЫ

Пайтахтымызда Өзбекистан Республикасы Әдиллик минис­трлиги жанындағы Мǝмлекетлик хызметлер агентлигиниң  республикамыздағы бир қатар районлық орайларына хызмет автомашиналарын тапсырыў салтанаты болып өтти. 

28.01.2018 БИРИНШИ ПРЕЗИДЕНТИМИЗДИҢ КИТАПЛАРЫ ТАНЫСТЫРЫЛДЫ

Пайтахтымыздағы Жаслар орайында Өзбекистан Республикасының Биринши Президенти, уллы мəмлекетлик ҳəм сиясий ғайраткер Ислам Əбдиғаниевич Кəримовтың өмири ҳəм хызметин үгит-нəсиятлаўға қаратылған китапларды таныстырыў салтанаты болды.