Қарақалпақстан Республикасы Жоқарғы Кеңеси

⌂ ЎЗ ҚР РУ EN

Өмир жарасығы, шаӊарақ уйытқысы

Үлкемизде бәҳәр паслы ҳәрдайым ҳәммемиз ушын үлкен қуўаныш — Халықаралық ҳаял-қызлар күнин байрамлаў менен басланады. Бул әййям әзиз ҳаялларымыздың, гөззал қызларымыздың жәмийеттеги тутқан орнына сай рәўиште үлкен көтериңкилик жағдайында белгиленеди.

Президентимиз И.Кәримовтың басшылығында турмысымыздың барлық тараўларында кең көлемли реформаларды әмелге асырыў процесинде жәмийетимизде ҳаял-қызлардың абырайын арттырыў, интеллектуаллық ҳәм руўхый раўажланыўы, билим алыўы ҳәм кәсип ийелеўи, жәмийетлик-сиясий турмысқа белсене қатнасыўы ушын шараятлар жаратыўға айрықша дыққат қаратылмақта. «Абат турмыс жылы» Мәмлекетлик бағдарламасында шаңарақлардың абаданлығын арттырыўда, елимизде тынышлық-татыўлықты беккемлеўде ҳаяллардың ролин күшейтиўге байланыслы әҳмийетли ўазыйпалар белгиленген.

«Шаңарақтың абаданлығын буннан былай да арттырыў мақсетинде ҳаял-қызларды исбилерменлик жумысына тартыў» жойбары да усы мақсетке хызмет етеди. Оны әмелге асырыў даўамында фермер ҳәм исбилермен ҳаял-қызларға жеңилликли кредитлер ажыратыў, олардың бизнес көнликпелерин ҳәм қаржы бойынша саўатлылығын арттырыўға бағдарланған дүрким илажлар өткериў режелестирилген.

7-март күни пайтахтымыздағы Бердақ атындағы Қарақалпақ мәмлекетлик сазлы театрында халықаралық ҳаял-қызлар күнине бағышланған салтанатлы жыйналыс болып өтти. Илажға республика парламенти ҳәм ҳүкиметиниң ағзалары, тийисли министрликлер менен ведомстволардың басшылары, белсенди ҳаял-қызлар, нураный апаларымыз, жәмийетшилик ўәкиллери қатнасты.
Қарақалпақстан Республикасы Жоқарғы Кеңеси менен Министрлер Кеңесиниң байрам қутлықлаўын Жоқарғы Кеңестиң комитет баслығы Б.Нурабуллаев оқып еситтирди.

Буннан соң, Қарақалпақстан Республикасы Министрлер Кеңеси Баслығының орынбасары, республикалық ҳаял-қызлар комитетиниң баслығы З.Ибрагимова шығып сөйлеп, республика ҳаял-қызларының аўыл хожалығы, санаат, илим, билимлендириў, денсаўлықты сақлаў, мәденият ҳәм спорт салаларында ерисип атырған жетискенликлерине кеңнен тоқтады. Әсиресе, ҳаял-қызларды жумыс пенен тәмийинлеў, олардың саламатлығын қорғаў, саламат әўладты камалға келтириў бағдарында әмелге асырылып атырған ийгиликли ислерди айрықша атап өтти.

Буннан соң Зульфия сыйлығының лауреаты А.Сапекеева ҳәм шайыр Ж.Өтениязов қутлықлаў сөз сөйледи.

Салтанатлы жыйналыс республика көркем-өнер шеберлериниң ҳәм жас атқарыўшыларының концерт бағдарламасы менен жуўмақланды.
Илажға Қарақалпақстан Республикасы Жоқарғы Кеңеси Баслығының орынбасары А.Хамраев, Министрлер Кеңеси Баслығының орынбасары М.Әлеўов ҳәм басқа да рәсмий адамлар қатнасты.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.