Қарақалпақстан Республикасы Жоқарғы Кеңеси

⌂ ЎЗ ҚР РУ EN

Уллы келешегимизди белгилеўши нызам

Быйыл Қарақалпақстан Республикасы Конституциясының қабыл етилгенине 20 жыл толды. Усы сәнеге бағышланған илажлар пүткил республикамыз бойлап көтериңкилик жағдайында өтпекте. Өйткени, тийкарғы Нызамымыз халық мәпи ушын хызмет етеди ҳәм оның тыныш-татыў турмысын тәмийинлейди.

Елимизде демократиялық ҳуқықый мәмлекет ҳәм пуқаралық жәмийеттиң ажыралмас бөлеги болған инсанның ҳуқықлары менен еркинликлерин қорғаў мәмлекетлик сиясаттың баслы бағдарларының бирине айланды. Сонлықтан да, Тийкарғы Нызамымызда инсан мәплери дүньядағы ең уллы қәдирият, деп белгиленип, олардың мәмлекет тәрепинен қорғалыўы беккемлеп қойылған.

9-апрель күни пайтахтымыздағы Бердақ атындағы Қарақалпақ мәмлекетлик сазлы театрында Қарақалпақстан Республикасы Конституциясының 20 жыллығына бағышланған салтанатлы жыйналыс болып өтти. Илажға Қарақалпақстан Республикасы Министрлер Кеңесиниң Баслығы Б.Янгибаев, Жоқарғы Кеңес Баслығының орынбасары А.Ҳамраев, Нөкис қаласының ҳәкими Ж.Опаев, парламенттиң комитет баслықлары, республика ҳүкиметиниң ағзалары, министрликлер менен ведомстволардың, мәмлекетлик комитетлердиң басшылары, жоқары ҳәм орта арнаўлы оқыў орынларының оқытыўшылары ҳәм студент-жаслары, жәмийетшилик ўәкиллери қатнасты.

Өзбекстан ҳәм Қарақалпақстан Республикаларының мәмлекетлик гимнлери атқарылды.

Қарақалпақстан Республикасы Жоқарғы Кеңесиниң комитет баслығы С.Хожаназаров байрамға арнап баянат жасады.

Атап өтилгениндей, Конституциямыздың 20 жыллық байрамы экономиканың барлық тараўларында үлкен жетискенликлер ҳәм жаңаланыўлар менен күтип алынбақта. Қала ҳәм аўылларымыз абат болып, заманагөй кәрханалар, социаллық-мәдений объектлер бой тикледи, бағлар ҳәм қыябанлар жаратылды.

Ғәрезсизлик жылларында қолға киргизилген табысларымыз айдын келешегимизге болған исенимди және де беккемлеп, жәмийетлик-сиясий, социаллық-экономикалық, руўхый-ағартыўшылық жумысларымызды жаңа басқышқа көтерди.
Илажда Бердақ атындағы Қарақалпақ мәмлекетлик университетиниң студенти, 2013-жылғы Зульфия атындағы мәмлекетлик сыйлықтың лауреаты А.Оразымбетова қутлықлаў сөз сөйледи, шайыр Ш.Аяпов қосық оқыды.

Салтанатлы жыйналыс республика көркем-өнер шеберлериниң ҳәм жас атқарыўшылардың концерт бағдарламасы менен жуўмақланды.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.