Қарақалпақстан Республикасы Жоқарғы Кеңеси

⌂ ЎЗ ҚР РУ EN

МЕДИЦИНА ХЫЗМЕТКЕРЛЕРИНИҢ КӘСИПЛИК БАЙРАМЫ БЕЛГИЛЕНДИ

Бердақ атындағы Қарақалпақ мәмлекетлик сазлы театрында медицина хызметкерлириниң кәсиплик байрамына бағышланған салтанатлы илаж болып өтти.

Оған тийисли министрликлер менен шөлкемлердиң басшылары, медицина тараўы хызметкерлери, ғалаба хабар қуралларының ўәкиллери қатнасты.

Қарақалпақстан Республикасы Жоқарғы Кеңеси ҳәм Министрлер Кеңесиниң байрам қутлықлаўын Қарақалпақстан Республикасы Жоқарғы Кеңесиниң комитет баслығы Д.Қурбаниязов  оқып еситтирди.

Илажда Қарақалпақстан Республикасы Денсаўлықты сақлаў министри Д.Ходжиев, Қарақалпақстан халық шайыры К.Каримов ҳәм басқалар  елимизде халықтың мүнәсип турмыс сапасын тәмийинлеўге, аналықты ҳәм балалықты қорғаўға, ҳәр тәреплеме саламат әўладты тәрбиялаўға, медициналық хызметтиң сапасын арттырыўға айрықша итибар қаратылып атырғанын,  избе-из реформалардың нәтийжесинде денсаўлықты сақлаў системасы түп-тийкарынан өзгерип, халықтың сапалы медициналық хызметтен пайдаланыўына тийкар жаратылғанын атап өтип, тараў хызметкерлериниң машақатлы жумысына табыслар тиледи. Елимизде ноябрь айының екинши екшембиси мақтанышлы ҳәм машақатлы кәсип ийелериниң байрамы сыпатында кеңнен белгилениўи тараў хызметкерлерине болған айрықша итибардың көриниси болып табылады.

Байрам мүнәсибети менен жемисли мийнет етип атырған тараў белсендилерине «Өзбекистан Республикасы Денсаўлықты сақлаў ағласы» көкирек нышаны ҳәм ҳүрмет жарлықлары тапсырылды.

 – Быйыл  елимиз ғәрезсизлигиниң 26 жыллық байрамы қарсаңында «Өзбекистан Республикасына мийнети сиңген денсаўлықты сақлаў хызметкери» ҳүрметли атағына миясар болдым, - дейди Караөзек районлық медицина бирлеспесиниң неонатолог шыпакери Шаригул Өмирбаева. – Қарақалпақстанда итибарға ылайық шыпакерлер жүдә көп, олардың бир қатары бүгинги байрам салтанатында сыйлықланды. Мен өз гезегинде кәсиплеслеримди байрам менен қутлықлайман.

  Байрам концерт бағдарламасы менен даўам етти.

 

Басқа жаңалықлар RSS

19.02.2018 ӨЗ-АРА ШЕРИКЛИК МЕХАНИЗМЛЕРИ ДОДАЛАНДЫ

Қарақалпақстан Республикасы Министрлер Кеңесинде «Европа тиклениў ҳәм раўажландырыў банки менен киши ҳәм орта бизнес субъект­лери арасында өз-ара шериклик механизмлери» темасында семинар болып өтти. 

19.02.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Европа тиклениў ҳәм раўажландырыў банки делегациясын қабыллаў мәресими болды.

Илажда  Қарақалпақстан Республикасы Жоқарғы Кеңеси Баслығы М.Ерниязов мийманларды республикамызға сапары менен қутлықлап, үлкемиздиң географиялық жайласыўы, халқы, ҳәкимшилик басқарыў дүзилиси, миллий байлықлары туўралы кең түрде мағлыўмат берди. Сондай-ақ, Өзбекстан Республикасы Президентиниң 2017-жыл 18-январь күнги «2017-2021-жылларда Аралбойы регионын раўажландырыўдың Мәмлекетлик бағдарламасы ҳаққында»ғы, сондай-ақ, өткен жыл 28-февраль күнги «2017-2018-жылларда Қарақалпақстан Республикасының Мойнақ районын экономикалық раўажландырыў ҳәм халықтың бәнтлигин тәмийинлеў бойынша қосымша илажлар ҳаққында»ғы қарарлары шеңберинде әмелге асырылған кең көлемли жумысларға тоқтап өтти. 

18.02.2018 МАШҚАЛАЛАРДЫҢ ШЕШИМИ ҚАДАҒАЛАЎҒА АЛЫНДЫ

Пайтахтымыз Нөкис қаласында Қарақалпақстан Республикасы Жоқарғы Кеңеси Баслығы М.Ерниязов тәрепинен пуқараларды қабыллаў болды. 

16.02.2018 РАЙОНЛЫҚ КЕҢЕСТИҢ СЕССИЯСЫ

Халық депутатлары Шымбай районлық Кеңесиниң гезексиз жигирма алтыншы сессиясы болып өтти. 

15.02.2018 ЖАСЛАР — КЕЛЕШЕК ҚУРЫЎШЫЛАРЫ

Елимизде жасларды ўатанды сүйиўшилик, миллий дəстүр ҳəм қəдириятларымызға ҳүрмет руўхында тəрбиялаў, руўхый дүньясы жетик ҳəм физикалық жақтан бəркамал əўладты камал­ға келтириў, олардың ҳуқықлары менен мəплерин қорғаў бойынша бир қатар жумыслар əмелге асырылмақта. Əсиресе, ҳүрметли Президентимиздиң басшылығында халықтың бəнтлигин тəмийинлеў, жаңа жумыс орынларын жаратыў, хызмет көрсетиў, өндирис орынларын ашыў ҳəм усының есабынан мийнет мигрантларының сырт еллерге нызамсыз шығыўының алдын алыў бағдарында да бир қатар илажлар алып барылмақта.

10.02.2018 Жаңа қарар қабыл етилди

Бəршеге мəлим, латын жазыўы тийкарында мəмлекетимиз атамасын дурыс жазыў мақсетинде 2014-жыл 7-апрельде Қарақалпақстан Республикасы Жоқарғы Кеңеси Президиумының арнаўлы қарары қабыл етилген еди. 

09.02.2018 ЎАТАНҒА ХЫЗМЕТ — ƏДИЎЛИ МИННЕТ

Пайтахтымызда жайласқан Арқа-Батыс əскерий округиниң шөлкемлестирилгенлигине быйыл l9 жыл толыўы мүнəсибети менен республикамыздың барлық орынларында «Тынышлығың ушын жаным пидə — муқаддес Ўатан!» ураны астында өткерилип атырған ҳəптелик шеңберинде бир қатар илажлар шөлкемлестирилип, буның тийкарғы салтанатлы мəресими жақында l-санлы балалар ҳəм өспиримлер спорт мектебинде болып өтти. 

07.02.2018 МӘМЛЕКЕТЛИК ХЫЗМЕТЛЕР ОРАЙЛАРЫНА АВТОМАШИНАЛАР ТАПСЫРЫЛДЫ

Пайтахтымызда Өзбекистан Республикасы Әдиллик минис­трлиги жанындағы Мǝмлекетлик хызметлер агентлигиниң  республикамыздағы бир қатар районлық орайларына хызмет автомашиналарын тапсырыў салтанаты болып өтти. 

28.01.2018 БИРИНШИ ПРЕЗИДЕНТИМИЗДИҢ КИТАПЛАРЫ ТАНЫСТЫРЫЛДЫ

Пайтахтымыздағы Жаслар орайында Өзбекистан Республикасының Биринши Президенти, уллы мəмлекетлик ҳəм сиясий ғайраткер Ислам Əбдиғаниевич Кəримовтың өмири ҳəм хызметин үгит-нəсиятлаўға қаратылған китапларды таныстырыў салтанаты болды.