Қарақалпақстан Республикасы Жоқарғы Кеңеси

⌂ ЎЗ ҚР РУ EN

РУСТАМ ЖАҢАБАЕВҚА НЕКСИЯ АВТОМАШИНАСЫ ТАПСЫРЫЛДЫ

Нөкис қаласында халқымыздың мақтанышына айланған спортшы, аўыр атлетика бойынша Өзбекистан сайланды командасы ағзасы, Өзбекистан Республикасына хызмет көрсеткен спортшы Рустам Жаңабаевқа «Нексия» автомашинасы салтанатлы түрде тапсырылды.

Илажда Қарақалпақстан Республикасы Жоқарғы Кеңесиниң Баслығы М.Ерниязов спортшының елимизде ҳәм халықаралық көлемде, Олимпиада ойынларында ерискен жетискенликлерине тоқтап өтип, оның алдағы ўақытларда буннан да бәлент шоққыларды ийелей бериўине тилеклеслик билдирди ҳәм талантлы спортшыға Өзбекистан Республикасы Президентиниң арнаўлы саўғасы – Нексия автомашинасы гилтин тапсырды.

Р.Жаңабаев 1993-жылы 25-августта Тақыятас қаласында туўылған.  2014-жылдан берли аўыр атлетика бойынша Өзбекистан сайланды командасы ағзасы, халықаралық дәрежедеги спорт шебери. Бирнеше мәрте Өзбекистан чемпионы, кубок беллесиўлери жеңимпазы ҳәм сыйлы орын ийеси. 2016-жылы декабрь айында Қатар мәмлекетинин Доха қаласында өткерилген Азия кубогының алтын медаль ийеси, өткен жылы Рио-де-Жанейро қаласында (Бразилия) өткерилген жазғы Олимпиада ойынларында күшли алтылыққа кирген Рустам усы жылдың апрель айында Түркменстан пайтахты Ашхабад қаласында өткерилген Азия чемпионатында, сондай-ақ, усы жыл сентябрь айында усы қалада жабық имаратларда өткерилген V Азия ойынларында алтын медаллар менен сыйлықланды.

Илаж даўамында елимиздиң бир қатар спортшылары да сыйлықланды. Атап айтқанда, Муай-тай бойынша 2016-жыл 20-27-ноябрь күнлери Россияның қазан қаласында өткерилген Жәҳән чемпионатының сыйлы 3-орын жеңимпазы Үббинияз Төрениязов, Еркин гүрес бойынша усы жылы сентябрь айында  Ашхабад қаласында жабық имаратларда өткерилген V Азия ойынларында 3-орын жеңимпазлары Дәўлетбийке Яхшимуратова ҳәм Севара Ешмуратоваларға ҳәм бул спортшылардың тренерлери – Аўыр атлетика бойынша Өзбекистан сайланды командасы тренери  Мансур Чашимов, Еркин гүрес бойынша тренер, Қарақалпақстан Республикасына мийнети сиңген тренер Қутлымурат  Жуманов, Муай-тай бойынша  тренер Дамир Хасанов, Кураш бойынша тренер Нөкисбай Данияровлар қымбат баҳалы телевизорлар менен сыйлықланды.

Илажға Қарақалпақстан Республикасы Жоқарғы Кеңеси Баслығының орынбасары А.Ҳамраев, Қарақалпақстан Республикасы Жоқарғы Кеңесиниң комитет баслығы Д.Қурбаниязов, Қарақалпақстан Республикасы Денетәрбия ҳәм спорт бойынша мәмлекетлик комитети баслығы Ғ.Байниязовлар қатнасты.

 

 

 

Басқа жаңалықлар RSS

19.02.2018 ӨЗ-АРА ШЕРИКЛИК МЕХАНИЗМЛЕРИ ДОДАЛАНДЫ

Қарақалпақстан Республикасы Министрлер Кеңесинде «Европа тиклениў ҳәм раўажландырыў банки менен киши ҳәм орта бизнес субъект­лери арасында өз-ара шериклик механизмлери» темасында семинар болып өтти. 

19.02.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Европа тиклениў ҳәм раўажландырыў банки делегациясын қабыллаў мәресими болды.

Илажда  Қарақалпақстан Республикасы Жоқарғы Кеңеси Баслығы М.Ерниязов мийманларды республикамызға сапары менен қутлықлап, үлкемиздиң географиялық жайласыўы, халқы, ҳәкимшилик басқарыў дүзилиси, миллий байлықлары туўралы кең түрде мағлыўмат берди. Сондай-ақ, Өзбекстан Республикасы Президентиниң 2017-жыл 18-январь күнги «2017-2021-жылларда Аралбойы регионын раўажландырыўдың Мәмлекетлик бағдарламасы ҳаққында»ғы, сондай-ақ, өткен жыл 28-февраль күнги «2017-2018-жылларда Қарақалпақстан Республикасының Мойнақ районын экономикалық раўажландырыў ҳәм халықтың бәнтлигин тәмийинлеў бойынша қосымша илажлар ҳаққында»ғы қарарлары шеңберинде әмелге асырылған кең көлемли жумысларға тоқтап өтти. 

18.02.2018 МАШҚАЛАЛАРДЫҢ ШЕШИМИ ҚАДАҒАЛАЎҒА АЛЫНДЫ

Пайтахтымыз Нөкис қаласында Қарақалпақстан Республикасы Жоқарғы Кеңеси Баслығы М.Ерниязов тәрепинен пуқараларды қабыллаў болды. 

16.02.2018 РАЙОНЛЫҚ КЕҢЕСТИҢ СЕССИЯСЫ

Халық депутатлары Шымбай районлық Кеңесиниң гезексиз жигирма алтыншы сессиясы болып өтти. 

15.02.2018 ЖАСЛАР — КЕЛЕШЕК ҚУРЫЎШЫЛАРЫ

Елимизде жасларды ўатанды сүйиўшилик, миллий дəстүр ҳəм қəдириятларымызға ҳүрмет руўхында тəрбиялаў, руўхый дүньясы жетик ҳəм физикалық жақтан бəркамал əўладты камал­ға келтириў, олардың ҳуқықлары менен мəплерин қорғаў бойынша бир қатар жумыслар əмелге асырылмақта. Əсиресе, ҳүрметли Президентимиздиң басшылығында халықтың бəнтлигин тəмийинлеў, жаңа жумыс орынларын жаратыў, хызмет көрсетиў, өндирис орынларын ашыў ҳəм усының есабынан мийнет мигрантларының сырт еллерге нызамсыз шығыўының алдын алыў бағдарында да бир қатар илажлар алып барылмақта.

10.02.2018 Жаңа қарар қабыл етилди

Бəршеге мəлим, латын жазыўы тийкарында мəмлекетимиз атамасын дурыс жазыў мақсетинде 2014-жыл 7-апрельде Қарақалпақстан Республикасы Жоқарғы Кеңеси Президиумының арнаўлы қарары қабыл етилген еди. 

09.02.2018 ЎАТАНҒА ХЫЗМЕТ — ƏДИЎЛИ МИННЕТ

Пайтахтымызда жайласқан Арқа-Батыс əскерий округиниң шөлкемлестирилгенлигине быйыл l9 жыл толыўы мүнəсибети менен республикамыздың барлық орынларында «Тынышлығың ушын жаным пидə — муқаддес Ўатан!» ураны астында өткерилип атырған ҳəптелик шеңберинде бир қатар илажлар шөлкемлестирилип, буның тийкарғы салтанатлы мəресими жақында l-санлы балалар ҳəм өспиримлер спорт мектебинде болып өтти. 

07.02.2018 МӘМЛЕКЕТЛИК ХЫЗМЕТЛЕР ОРАЙЛАРЫНА АВТОМАШИНАЛАР ТАПСЫРЫЛДЫ

Пайтахтымызда Өзбекистан Республикасы Әдиллик минис­трлиги жанындағы Мǝмлекетлик хызметлер агентлигиниң  республикамыздағы бир қатар районлық орайларына хызмет автомашиналарын тапсырыў салтанаты болып өтти. 

28.01.2018 БИРИНШИ ПРЕЗИДЕНТИМИЗДИҢ КИТАПЛАРЫ ТАНЫСТЫРЫЛДЫ

Пайтахтымыздағы Жаслар орайында Өзбекистан Республикасының Биринши Президенти, уллы мəмлекетлик ҳəм сиясий ғайраткер Ислам Əбдиғаниевич Кəримовтың өмири ҳəм хызметин үгит-нəсиятлаўға қаратылған китапларды таныстырыў салтанаты болды.