Қарақалпақстан Республикасы Жоқарғы Кеңеси

⌂ ЎЗ ҚР РУ EN

Нызамның орынланыўы үйренилмекте

Нөкисте «Жас өспиримлер арасында қадағалаўсызлық ҳәм ҳуқықбузарлықлардың профилактикасы ҳаққында»ғы Өзбекстан Республикасы Нызамының Қарақалпақстан Республикасында орынланыўын үйрениў бойынша жумысшы топардың мәжилиси болып өтти. Оған Олий Мажлис Сенатының Нызамшылық ҳәм суд -ҳуқық мәселелери комитетиниң ағзалары, жас өспиримлер менен ислесиў комиссиясының, тийисли министрликлер менен шөлкемлердиң, ҳуқық қорғаў уйымларының басшылары, ғалаба хабар қуралларының ўәкиллери қатнасты.

Мәжилисти Қарақалпақстан Республикасы Жоқарғы Кеңеси Баслығының орынбасары А.Хамраев кирис сөз бенен ашты.

Өзбекстан Республикасы Олий Мажлиси Сенатының Нызамшылық ҳәм суд-ҳуқық мәселелери комитетиниң баслығы С.Артықова, сенатор Э.Рузметов ҳәм басқалар сөзге шығып, нызам талапларының республикамызда орынланыў барысы, жас өспиримлер менен ислесиў комиссияларының жумысын жетилистириў ҳәм алда турған ўазыйпалар ҳаққында кең түрде түсиник берди.

Олий Мажлис Сенаты ағзалары ҳәм Жоқарғы Кеңес депутатларынан дүзилген жумысшы топар үш күн даўамында орынларда болып, жас өспиримлер менен ислесетуғын министрлик пенен шөлкемлердиң жумысы менен танысады ҳәм оларға әмелий жәрдем көрсетеди.

Мәжилиске Қарақалпақстан Республикасы Жоқарғы Кеңесиниң комитет баслығы Б.Нурабуллаев, Министрлер Кеңеси Баслығының орынбасарлары Н.Ерлепесов, З.Ибрагимова қатнасты.

 

Басқа жаңалықлар RSS

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.

05.07.2019 СПОРТ ҲӘПТЕЛИГИ ЖУЎМАҚЛАНДЫ

Республикамызда «Олимпиада күни»не бағышланған спорт ҳәптелиги кең түрде белгиленди. Илаж шеңберинде Нөкис қаласында ҳәм районларда спорт жарыслары, белгили спортшылар ҳәм ветеранлар менен ушырасыўлар өткерилди.