Қарақалпақстан Республикасы Жоқарғы Кеңеси

⌂ ЎЗ ҚР РУ EN

РАЎАЖЛАНЫЎДЫҢ МӘМЛЕКЕТЛИК БАҒДАРЛАМАЛАРЫ ҲӘМ ОНЫ ҚАРЖЫЛАНДЫРЫЎ МӘСЕЛЕСИНЕ АРНАЛДЫ

Нөкисте 2018-жыл­ға республикамызды раўажландырыўдың мәмлекетлик бағдарламаларын ислеп шығыў ҳәм оны қаржыландырыў мәселесине бағышланған мәжилис болып өтти.

Илажға Қарақалпақстан Республикасы Жоқарғы Кеңесиниң комитет баслықлары, Министрлер Кеңеси Баслығының орынбасарлары, қала ҳәм район ҳәкимлери, тийисли министрликлер менен ведомстволардың басшылары,  ғалаба хабар қуралларының ўәкиллери қатнасты.

Мәжилисти Қарақалпақстан Республикасы Жоқар­ғы Кеңесиниң Баслығы М.Ерниязов басқарып барды.

Күн тәртибиндеги мәселе бойынша Қарақалпақстан Республикасы Минис­трлер Кеңеси Баслығының биринши орынбасары А.Тажетдинов, Министрлер Кеңеси Баслығының орынбасарлары С.Нағметов, М.Жуманов, Қарақалпақстан Республикасы Архитехтура ҳәм қурылыс комитетиниң баслығы Ж.Ембергенов шығып сөйлеп, республикамызды раўажландырыўдың мәмлекетлик бағдарламаларын ислеп шығыў ҳәм оны қаржыландырыўда енгизилген жаңа тәртип ҳаққында кең түрде түсиник берди.

Атап өтилгениндей, елимизди раўажландырыўдың мәмлекетлик бағдарламаларын қәлиплестириў ҳәм қаржыландырыў бойынша енгизилген жаңа тәртип тийкарында жумысларды шөл­кемлестириў мәселелерине бағышланып усы жыл 17-январь күни болып өткен видеоселектор мәжилисинде Президентимиз Шавкат Мирзиёев жоқары экономикалық өсимге ерисиў ҳәм күшли социаллық қорғаўды тәмийинлеўде инвестициялардың зәрүрлигине тоқтап өткен еди. Ҳақыйқатында да, инвестициялық бағдарламаларға экономикалық жақтан тийкарланған, жойбарлаў-сметалық ҳүжжетлери таяр болған жойбарлардың киргизилиўи айрықша әҳмийетке ийе.

Бул бағдардағы машқалаларды шешиўде Президентимиздиң 2017-жыл 18-декабрьдеги «Өзбекистан Республикасын раўажландырыўдың мәмлекетлик бағдарламаларын қәлиплестириўдиң ҳәм қаржыландырыўдың жаңа тәртибин енгизиў ҳаққында»ғы, 2017-жыл 20-декабрьдеги «Халық­аралық ҳәм шет ел қаржы институтлары менен бирге ислесиўдиң нәтийжелилигин буннан былай да арттырыў илажлары ҳаққында»ғы, усы жыл 8-январьдағы «Өзбекис­тан Республикасының мәмлекетлик сатып алыўларын әмелге асырыў, мәмлекетлик бағдарлама шеңбериндеги ҳүжжетлерди қәлиплестириў ҳәм әмелге асырыў бойынша комплексли экспертизаның нәтийжели системасын шөлкемлестириў ҳаққында»ғы қарарлары айрықша әҳмийетке ийе болмақта. Усы қарарларға муўапық, мәмлекетлик бағдарламаларға киргизилген объектлерди қаржыландырыў бир фонд арқалы әмелге асырылса,  жойбарлаў, тендер ҳүжжетлери, импорт шәртнамалары Жойбарларды ҳәм импорт контрактларын комплексли экспертизадан өткериў орайында алып барылады.

Аймақлық инвестициялық жойбарларға жәми 3  триллион 713 миллиард сумлық 453 объекттиң дәслепки дизими таярланып, анық есап-санақлар ислеп шығылды. Раўажланыўдың мәмлекетлик бағдарламасына жойбарлар бойынша үш басқыштан ибарат ҳүжжетлер таярланбақта. Соннан биринши басқышта усы жылдың 1 мартына шекем қала ҳәм районлар, ҳәр бир тараў кесиминде 2019-2029-жылларда әмелге асырылатуғын жойбарлар таярланбақта. Екинши басқышта бул жойбарлардың арнаўлы портфели ислеп шығылып, үшинши басқышта раўажландырыўдың мәмлекетлик бағдарламасының жойбары толық жуўмақланады ҳәм тастыйықланады.

Илажда сондай-ақ, экспорт болжаўының орынланыўы, мектепке шекемги билимлендириў мәкемелериниң қурылысы, инвестиция алып келиў, аўыл хожалығы ҳәм басқа да әҳмийетли мәселелер көрип шығылып, тийисли қарар қабыл етилди.

Мәжилиске Қарақалпақстан Республикасы Минис­трлер Кеңесиниң Баслығы Қ.Сариев, Қарақалпақстан Республикасы Жоқарғы Кеңеси Баслығының орын­басары А.Ҳамраев қатнасты.

 

Басқа жаңалықлар RSS

19.02.2018 ӨЗ-АРА ШЕРИКЛИК МЕХАНИЗМЛЕРИ ДОДАЛАНДЫ

Қарақалпақстан Республикасы Министрлер Кеңесинде «Европа тиклениў ҳәм раўажландырыў банки менен киши ҳәм орта бизнес субъект­лери арасында өз-ара шериклик механизмлери» темасында семинар болып өтти. 

19.02.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Европа тиклениў ҳәм раўажландырыў банки делегациясын қабыллаў мәресими болды.

Илажда  Қарақалпақстан Республикасы Жоқарғы Кеңеси Баслығы М.Ерниязов мийманларды республикамызға сапары менен қутлықлап, үлкемиздиң географиялық жайласыўы, халқы, ҳәкимшилик басқарыў дүзилиси, миллий байлықлары туўралы кең түрде мағлыўмат берди. Сондай-ақ, Өзбекстан Республикасы Президентиниң 2017-жыл 18-январь күнги «2017-2021-жылларда Аралбойы регионын раўажландырыўдың Мәмлекетлик бағдарламасы ҳаққында»ғы, сондай-ақ, өткен жыл 28-февраль күнги «2017-2018-жылларда Қарақалпақстан Республикасының Мойнақ районын экономикалық раўажландырыў ҳәм халықтың бәнтлигин тәмийинлеў бойынша қосымша илажлар ҳаққында»ғы қарарлары шеңберинде әмелге асырылған кең көлемли жумысларға тоқтап өтти. 

18.02.2018 МАШҚАЛАЛАРДЫҢ ШЕШИМИ ҚАДАҒАЛАЎҒА АЛЫНДЫ

Пайтахтымыз Нөкис қаласында Қарақалпақстан Республикасы Жоқарғы Кеңеси Баслығы М.Ерниязов тәрепинен пуқараларды қабыллаў болды. 

16.02.2018 РАЙОНЛЫҚ КЕҢЕСТИҢ СЕССИЯСЫ

Халық депутатлары Шымбай районлық Кеңесиниң гезексиз жигирма алтыншы сессиясы болып өтти. 

15.02.2018 ЖАСЛАР — КЕЛЕШЕК ҚУРЫЎШЫЛАРЫ

Елимизде жасларды ўатанды сүйиўшилик, миллий дəстүр ҳəм қəдириятларымызға ҳүрмет руўхында тəрбиялаў, руўхый дүньясы жетик ҳəм физикалық жақтан бəркамал əўладты камал­ға келтириў, олардың ҳуқықлары менен мəплерин қорғаў бойынша бир қатар жумыслар əмелге асырылмақта. Əсиресе, ҳүрметли Президентимиздиң басшылығында халықтың бəнтлигин тəмийинлеў, жаңа жумыс орынларын жаратыў, хызмет көрсетиў, өндирис орынларын ашыў ҳəм усының есабынан мийнет мигрантларының сырт еллерге нызамсыз шығыўының алдын алыў бағдарында да бир қатар илажлар алып барылмақта.

10.02.2018 Жаңа қарар қабыл етилди

Бəршеге мəлим, латын жазыўы тийкарында мəмлекетимиз атамасын дурыс жазыў мақсетинде 2014-жыл 7-апрельде Қарақалпақстан Республикасы Жоқарғы Кеңеси Президиумының арнаўлы қарары қабыл етилген еди. 

09.02.2018 ЎАТАНҒА ХЫЗМЕТ — ƏДИЎЛИ МИННЕТ

Пайтахтымызда жайласқан Арқа-Батыс əскерий округиниң шөлкемлестирилгенлигине быйыл l9 жыл толыўы мүнəсибети менен республикамыздың барлық орынларында «Тынышлығың ушын жаным пидə — муқаддес Ўатан!» ураны астында өткерилип атырған ҳəптелик шеңберинде бир қатар илажлар шөлкемлестирилип, буның тийкарғы салтанатлы мəресими жақында l-санлы балалар ҳəм өспиримлер спорт мектебинде болып өтти. 

07.02.2018 МӘМЛЕКЕТЛИК ХЫЗМЕТЛЕР ОРАЙЛАРЫНА АВТОМАШИНАЛАР ТАПСЫРЫЛДЫ

Пайтахтымызда Өзбекистан Республикасы Әдиллик минис­трлиги жанындағы Мǝмлекетлик хызметлер агентлигиниң  республикамыздағы бир қатар районлық орайларына хызмет автомашиналарын тапсырыў салтанаты болып өтти. 

28.01.2018 БИРИНШИ ПРЕЗИДЕНТИМИЗДИҢ КИТАПЛАРЫ ТАНЫСТЫРЫЛДЫ

Пайтахтымыздағы Жаслар орайында Өзбекистан Республикасының Биринши Президенти, уллы мəмлекетлик ҳəм сиясий ғайраткер Ислам Əбдиғаниевич Кəримовтың өмири ҳəм хызметин үгит-нəсиятлаўға қаратылған китапларды таныстырыў салтанаты болды.