Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЎАТАНҒА ХЫЗМЕТ — ƏДИЎЛИ МИННЕТ

Соңғы жылларда Өзбекс­танда заманагөй талап­лар­ға жуўап беретуғын, елимиздиң ғəрезсизлиги, оның қəўипсизлиги ҳəм аймақлық пүтинлигиниң исенимли кепили болған Қураллы Күшлерди дүзиў ҳəм миллий армиямызды қəлиплестириў бо­йынша бир қатар унамлы жумыслар əмелге асырылды. Миллий нызамшылық базасында да қорғаныў, қəўипсизлик мəселелерине байланыслы ҳуқықый ҳүжжетлер жетилистирилип барылмақта.

Пайтахтымызда жайласқан Арқа-Батыс əскерий округиниң шөлкемлестирилгенлигине быйыл l9 жыл толыўы мүнəсибети менен республикамыздың барлық орынларында «Тынышлығың ушын жаным пидə — муқаддес Ўатан!» ураны астында өткерилип атырған ҳəптелик шеңберинде бир қатар илажлар шөлкемлестирилип, буның тийкарғы салтанатлы мəресими жақында l-санлы балалар ҳəм өспиримлер спорт мектебинде болып өтти.

Дəслеп республикамыз халқы, əсиресе, улыўма орта билим бериў мектеби ҳəм кəсип-өнер колледжлериниң оқыўшы-жаслары ушын əскерий техникалар ҳəм қурал-жарақлардың көргизбеси өткерилди.

— Əскерий техникаларды, ҳəр қыйлы қурал-жарақларды тек əскерий кинолардан ғана көргенбиз. Мине, бүгинги көргизбедеги ҳақыйқый қурал-жарақлар менен техникалар бизлерде өзгеше тəсирлер қалдырды. Келешекте мен де əскер болып, елимиздиң, Ўатанымыз тынышлығы жолында хызмет етемен,-дейди 9-санлы орта билим бериў мектеби оқыўшысы А.Ибрагимов.

Илажда Қарақалпақстан Республикасы Жоқарғы Кеңесиниң Баслығы, Əскерий-ҳəкимшилик секторы басшысы М.Ерниязов, Арқа-Батыс əскерий округиниң сəркардасы Ф.Артиқовлар ҳəм басқалар шығып сөйлеп, округтиң l9 жыллығы менен қутлықлады ҳəм ҳүрметли Президентимиздиң басшылығында халық пенен армия­ның бирлигин тəми­йинлеў мақсетинде əскерий-ҳəкимшилик секторының дүзилгенлиги, буннан тысқары, Қураллы Күшлеримизде кең көлемли реформалардың əмелге асырып атырғанлығы жөнинде де айтып өтти.

Соң бир топар тараў ветеранларына Өзбекстан Республикасы Қорғаныў министрлигиниң көкирек нышанлары салтанатлы жағдайда тапсырылды. Сондай-ақ, əскерий хызметкерлер ҳəм колледж оқыўшы-жаслары арасында спорттың əскерийлестирилген эстафета түри бойынша жарыс шөлкемлестирилип, Миллий гвардияшылар ҳəм Хожели агро-экономикалық кəсип-өнер колледжиниң оқыўшылары жеңимпазлықты қолға киризди ҳəм оларға шөлкемлестириўшилер тəрепинен баҳалы саў­ғалар тапсырылды.

Салтанатлы мəжилиске Қарақалпақстан Республикасы Министрлер Кеңесиниң Баслығы Қ.Сариев, Қарақалпақстан Республикасы Жоқарғы Кеңесиниң комитет баслықлары, Министрлер Кеңеси Баслығының орынбасарлары, тараў басшылары ҳəм кең жəми­йетшилик ўəкиллери қатнас­ты.

Илаж соңында қатнасыўшыларға Өзбекстан Қураллы Күшлериниң қосық ҳəм аяқ ойын ан­самбли ҳəм қарақалпақ көркем-өнер шеберлериниң концерт бағдарламасы қойып берилди.

 

Басқа жаңалықлар RSS

23.05.2018 А.Х.Сапарбаевты Беруний районы ҳәкими лаўазымына тайынлаў ҳаққында

А.Х.Сапарбаевты Беруний районы ҳәкими лаўазымына тайынлаў ҳаққында
Қарақалпақстан Республикасы Жоқарғы Кеңеси Баслығының
БИЙЛИГИ

23.05.2018 РАЙОНЛЫҚ КЕҢЕСТИҢ СЕССИЯСЫ

Халық депутатлары Беруний районлық Кеңсиниң гезексиз жигирма сегизинши сессиясы болып өтти.

18.05.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Корея Республикасы «Evergreen Motors Group» компаниясының баслығы Ким Чанг Кеон басшылығындағы исбилермен, жәмийетлик ҳәм билимлендириў топары ўәкиллеринен ибарат делегацияны қабыллаў мәресими болды

17.05.2018 ОРАЙЛЫҚ САЙЛАЎ КОМИССИЯСЫНЫҢ МӘЖИЛИСИ

Усы жыл 17-май күни Қарақалпақстан Республикасы Орайлық сайлаў комиссиясының мәжилиси болып өтти.

Оны Орайлық сайлаў комиссиясының баслығы Е.Джуманазаров басқарып барды. 

08.05.2018 БАЙРАМ ТАМАШАЛАРЫНА УЛАСЫП КЕТТИ

Тарийхты еслеп жасаў, инсанды ардақлаў, өткенлердиң естелигин ҳүрметлеў — бул миллий қәдириятларымызда, дәстүрлеримизде айрықша орын тутады. Өйткени,  халқымыздың турмысында   өшпес из қалдырған бул сәне ҳәр бир шаңарақта, ҳәр бир қала ҳәм аўылда жыл сайын қуўаныш-қайғы менен  күтип алынады. Себеби, елимизде тәғдири мине усы сәне менен байланыспаған, яғный, ата-бабалары екинши жер жүзилик урыс­тың  зардабын тартпаған бирде-бир шаңарақ болмаса керек.

08.05.2018 ИНСАН ҚӘДИРИ УЛЛЫ, ЕСЛЕЎ МУҚАДДЕС

Пайтахтымыздағы «Ҳәсиретли ана» естелиги алдында 9-май — Еслеў ҳәм қәдирлеў күнине, сондай-ақ, Екинши жәҳән урысында қурбан болғанлардың ҳүрметине арналған мәресим болып өтти. 

04.05.2018 «МЕҲНАТ ФАХРИЙСИ» КӨКИРЕК БЕЛГИЛЕРИ ТАПСЫРЫЛДЫ

Қарақалпақстан Республикасы Жоқарғы Кеңесинде Өзбекистан Республикасы Президентиниң 2016-жыл 28-декабрьдеги «Өзбекистан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

02.05.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде усы жылдың 21 ҳәм 24-апрель күнлери аралығында Өзбекстан мусылманлары басқармасы тәрепинен шөлкемлестирилген Қуран жарысының «Ҳифз» жөнелиси бойынша биринши орын ийеси, жарыстың абсолют жеңимпазы жерлесимиз, Ташкент Ислам институтының талабасы Жолдасбай Нуритдиновты қабыллаў мәресими болды.

28.04.2018 МИЙНЕТТИ ҚОРҒАЎ: ЖАС ХЫЗМЕТКЕРЛЕРДИ ҚОЛЛАП-ҚУЎАТЛАЙМЫЗ

Қарақалпақстан Республикасы Жоқар­ғы Кеңеси жанындағы Пуқаралардың кепилленген мийнет ҳуқықларын тәмийинлеў мәселелери бойынша аймақлық комиссиясы ҳәм Қарақалпақстан кәсиплик аўқамлары шөлкемлери бирлеспеси Кеңесиниң шөлкемлестириўинде усы атамада «28-апрель — Дүнья жүзилик мийнетти қорғаў күни» мүнәсибети менен дөгерек сәўбети болып өтти.