Қарақалпақстан Республикасы Жоқарғы Кеңеси

⌂ ЎЗ ҚР РУ EN

КОНСТИТУЦИЯМЫЗДЫҢ ШЕРЕК ӘСИРЛИК БАЙРАМЫ

Пайтахтымыздағы Бердақ атындағы Қарақалпақ мәмлекетлик академиялық музыкалы театрында 9-апрель — Қарақалпақстан Республикасы Конституциясы қабыл етилгениниң 25 жыллығына бағышланған салтанатлы мәжилис болып өтти.

Бас Нызамымыз ғәрезсиз ҳәм еркин турмыс кешириў, оны раўажлан­ған демократиялық мәмлекетлер қатарына алып шығыў, ең тийкар­ғысы, инсан ҳәм оның қәдир-қымбатын ҳәр нәрседен жоқары қойыў, хал­қымыз ушын ылайықлы турмыс шараятларын жаратып бериў сыяқлы принцип және қағыйдалары менен әҳмийетли саналады. Сонлықтан да, Конституциямыздың 25 жыллығын халқымыз көтериңкилик жағдайында күтип алмақта. Себеби, олар ерисилген нәтийжелер менен шекленип қалмас­тан, анық мақсетлер, исенимли қәдем менен раўажланыўдың жаңа басқышларына қарай бармақта.

Дәслеп илажда Өзбекстан ҳәм Қарақалпақстан Республикаларының Мәмлекетлик гимнлери жаңлады. Соң Қарақалпақстан Республикасы Жоқар­ғы Кеңесиниң комитет баслығы С.Турманов Қарақалпақстан Республикасы Конс­титуциясының халқымыз турмысындағы, елимиздиң раўажланыўындағы тутқан орны ҳәм әҳмийети ҳаққында баянат жасады. Буннан соң, Бердақ атындағы Қарақалпақ мәмлекетлик университетиниң студенти Ю.Турсынбаева, шайыр Ж.Өте­ниязовлар қутлықлаў сөз сөйледи.

Илажға Қарақалпақстан Республикасы Министрлер Кеңесиниң Баслығы Қ.Сариев, Қарақалпақстан Республикасы Жоқарғы Кеңеси Баслығының орынбасары А.Ҳамраев, Өзбекстан Республикасы Олий Мажлиси Сенаты ағзалары, Қарақалпақстан Республикасы Жоқарғы Кеңесиниң комитет баслықлары, Минис­трлер Кеңеси Баслығының орынбасарлары, Жоқарғы Кеңестиң депутатлары, қала ҳәм район ҳәкимлери, минис­трликлер, мәкеме ҳәм кәрханалардың, ҳуқық қорғаў уйымларының басшылары, студент-жаслар, ғалаба хабар қуралларының ўәкиллери қатнасты.

Байрамда атап өтилгениндей, Қарақалпақстан Республикасының Конституциясы ҳақыйқый демократиялық принциплерди сәўлелендирген болып, оның алғы сөзинен баслап ҳәр бир статьясында адамгершилик, тыныш-татыўлық, инсан ҳуқықы ҳәм еркинликлери, теңлик сыяқлы бир қатар идеяларды өз ишине алады. Оның ҳәр бир нормасы өзиниң мазмун-мәниси менен хал­қымыздың тарийхый бай мәденияты ҳәм мәнаўиятына тиккелей байла­ныстырылған.

Салтанатлы мәжилис қатнасыўшыларына республика көркем-өнер шеберлериниң байрам концерт бағдарламасы қойып берилди.

 

 

Басқа жаңалықлар RSS

18.01.2019 АРАЛДЫҢ УЛТАНЫНДА 13 ОРЫНДА КОНЦЕРТ ШӨЛКЕМЛЕСТИРИЛДИ

Бəршеңизге мəлим, ҳəзирги ўақытта Ҳүрметли Президентимиздиң басламасы менен экологиялық шараятта жасап атырған республикамыз, соның ишинде Мойнақ районы халқының турмыс шараятларын буннан былай да жақсылаў, Арал теңизиниң қурыўы ақыбетинде жүзеге келген экологиялық жағдайды жумсартыў, аймақта жасыл тоғайлықлар пайда етиў бойынша кең көлемли жумыслар əмелге асырылмақта.

 

16.01.2019 САЛТАНАТЛЫ ЖЫЙНАЛЫС

Усы жыл 13-январь күни Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Қураллы Күшлери дүзилгениниң 27 жыллығы ҳәм Ўатан қорғаўшылары күнине бағышланған салтанатлы жыйналыс болып өтти.

15.01.2019 ҚӘНИГЕЛЕСТИРИЛГЕН ОҚЫЎ-ӘМЕЛИЙ КУРСЛАРЫ БАСЛАНДЫ

Усы жыл 15-январь күни Арқа-Батыc әскерий округиниң Нөкиc гарнизонында Қарақалпақстан Республикасы Ишки ислер уйымларының кәнигелестирилген оқыў-әмелий курсларының дәслепки сабақлары басланды.