Қарақалпақстан Республикасы Жоқарғы Кеңеси

⌂ ЎЗ ҚР РУ EN

УРЫС ҚАТНАСЫЎШЫЛАРЫНА АЙРЫҚША ҲҮРМЕТ

Қарақалпақстан Республикасы Жоқарғы Кеңесиниң Баслығы М.Ерниязов Еслеў ҳәм қәдирлеў күни алдынан пайтахтымыздағы бир қатар екинши жер жүзилик урыс қатнасыўшыларының шаңарағында болып, байрам саўғаларын тапсырды.

Республикамыз басшысы дәслеп «Халықлар дослығы» мәкан пуқаралар жыйыны аймағында жасаўшы, урыс ҳәм мийнет ветераны Нурылла Абдуллаевтың шаңарағында болып, 9-май улыўмахалықлық байрам – Еслеў ҳәм қәдирлеў күни, сондай-ақ, 1941-1945-жыллардағы Екинши жер жүзилик урыста фашизм үстинен ерисилген жеңистиң  73 жыллығы менен қызғын қутлықлады. Усы мүнәсибет пенен Президентимиздиң естелик саўғасы қол саатын, Өзбекстан Республикасы Президенти атынан 5 000 000 (бес миллион) сум муғдарында бир мәртелик ақшалай  сыйлықты салтанатлы жағдайда тапсырды. Сондай-ақ, пайтахт ҳәкимлиги, ҳуқық қорғаў уйымлары, жәмийетлик шөлкемлердиң атынан да саўғалар тапсырылды.

-Биз урыс қатнасыўшыларына қөрсетип атырған бундай ғамхорлығы ушын Президентимизге, республикамыз басшыларына шексиз миннетдаршылық билдиремиз,-дейди нураный атамыз Нурылла Абдуллаев. -Қалған жағында урыс болмасын, перзентлеримиз бүгингидей тыныш ҳәм бахытлы турмыста жасай берсин.

Сондай – ақ, усы күни Қарақалпақстан Республикасы Жоқарғы Кеңесиниң Баслығы М.Ерниязов пайтахтымыздағы А.Қодирий көшесинде жасаўшы, Екинши жер жүзилик урыс қатнасыўшысы Қәдирбай ата Нармановтың шаңарағында да болып, Президентимиз атынан бир мәртелик ақшалай сыйлық ҳәм естелик саўғаларын салтанатлы жағдайда тапсырды.

Саўғаларды тапсырыў барысында Бердақ атындағы Қарақалпақ мәмлекетлик академиялық сазлы театры, Қарақалпақ мәмлекетлик Жас тамашагөйлер театры артистлериниң, көркем өнер шеберлериниң атқарыўындағы урыс жылларының қосық ҳәм намалары илаж қатнасыўшыларына, әсиресе урыс ветеранларына айрықша жигер, руўх бағышлады.

 

Басқа жаңалықлар RSS

18.01.2019 АРАЛДЫҢ УЛТАНЫНДА 13 ОРЫНДА КОНЦЕРТ ШӨЛКЕМЛЕСТИРИЛДИ

Бəршеңизге мəлим, ҳəзирги ўақытта Ҳүрметли Президентимиздиң басламасы менен экологиялық шараятта жасап атырған республикамыз, соның ишинде Мойнақ районы халқының турмыс шараятларын буннан былай да жақсылаў, Арал теңизиниң қурыўы ақыбетинде жүзеге келген экологиялық жағдайды жумсартыў, аймақта жасыл тоғайлықлар пайда етиў бойынша кең көлемли жумыслар əмелге асырылмақта.

 

16.01.2019 САЛТАНАТЛЫ ЖЫЙНАЛЫС

Усы жыл 13-январь күни Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Қураллы Күшлери дүзилгениниң 27 жыллығы ҳәм Ўатан қорғаўшылары күнине бағышланған салтанатлы жыйналыс болып өтти.

15.01.2019 ҚӘНИГЕЛЕСТИРИЛГЕН ОҚЫЎ-ӘМЕЛИЙ КУРСЛАРЫ БАСЛАНДЫ

Усы жыл 15-январь күни Арқа-Батыc әскерий округиниң Нөкиc гарнизонында Қарақалпақстан Республикасы Ишки ислер уйымларының кәнигелестирилген оқыў-әмелий курсларының дәслепки сабақлары басланды.