Қарақалпақстан Республикасы Жоқарғы Кеңеси

⌂ ЎЗ ҚР РУ EN

МИЙНЕТТИ ҚОРҒАЎ: ЖАС ХЫЗМЕТКЕРЛЕРДИ ҚОЛЛАП-ҚУЎАТЛАЙМЫЗ

Қарақалпақстан Республикасы Жоқар­ғы Кеңеси жанындағы Пуқаралардың кепилленген мийнет ҳуқықларын тәмийинлеў мәселелери бойынша аймақлық комиссиясы ҳәм Қарақалпақстан кәсиплик аўқамлары шөлкемлери бирлеспеси Кеңесиниң шөлкемлестириўинде усы атамада «28-апрель — Дүнья жүзилик мийнетти қорғаў күни» мүнәсибети менен дөгерек сәўбети болып өтти.

Оған Қарақалпақстан Республикасы Жоқарғы Кеңесиниң депутатлары, ҳуқық қорғаў уйымларының, тийисли минис­трликлер менен ведомстволардың ўәкиллери, тараў қәнигелери қатнасты.

Илажды Қарақалпақстан Республикасы Жоқарғы Кеңесиниң комитет баслығы, Қарақалпақстан Республикасы Жоқарғы Кеңеси жанындағы Пуқаралардың кепилленген мийнет ҳуқықларын тәми­йинлеў мәселелери бойынша аймақлық комиссиясының баслығы Д.Қурбаниязов алып барды.

Қарақалпақстан Республикасы Жоқар­ғы Кеңесиниң депутаты, Қарақалпақстан Республикасы Жоқарғы Кеңеси жанындағы Пуқаралардың кепилленген мийнет ҳуқықларын тәмийинлеў мәселелери бойынша аймақлық комиссиясының ағзасы Алмагүл Байрыева, Қарақалпақстан Республикасы Бәнтлик ҳәм мийнет қатнасықлары министрлигиниң мәмлекетлик мийнет ҳуқық инспекциясының баслығы Жавлонбек Қурбанбаев ҳәм басқалар шығып сөйлеп,  елимизде мийнетти қорғаў, мәжбүрий мийнетке қарсы гүресиў бойынша қабыл етилген нызамлар, қарарлар, нормативлик-ҳуқықый ҳүжжетлер ҳаққында кең түрде түсиник берип, әмелге асырылып атыр­ған жумыслар туўралы мағлыўматлар берди.

Атап өтилгениндей, бизиң елимизде мийнет тараўында миллий нызамшылық базасы жеткиликли дәрежеде қәлиплескен болып, соның ишинде мәжбүрий мийнеттиң алдын алыў ҳәм оның ҳәр қандай көринисин болдырмаўға қаратылған илажларға ҳуқықый тийкар болып хызмет ететуғын бир қатар нызамнан келип шығатуғын ҳүжжетлер қабыл етилген. Бул ҳүжжетлер бүгинги күнде усы тараўдағы мүнәсибетлерди тәртипке салып келмекте.

Ҳәр бир пуқараның өз қәлеўи менен тийисли жумыс пенен тәмийинлениўи келеси ўақытта қандай да бир мәжбүрий мийнеттиң ҳәр қандай көринислериниң алдын алыўға өзиниң унамлы тәсирин тийгизеди. Мәжбүрий мийнетке қарсы гүресиўди әмелге асырыўда, әлбетте, пуқаралардың тараў бойынша билимлери ҳәм ең соңғы жәмийетлик ҳуқықый ўақыялардан хабардар болыўы айрықша әҳмийетке ийе.

Халықаралық мийнет шөлкеми менен биргеликте Өзбекстанда 2017-2020-жыллар ушын мүнәсип мийнет бойынша мәмлекетлик бағдарламаның избе-из әмелге асырылып атырғанлығы үлкен әҳмийетке ийе. Өзбекстан Республикасы тәрепинен балалардың мийнетинен пайдаланыўға ҳәм мәжбүрий мийнетке жол қоймаў бойынша барлық илажлар көрилмекте.

Өзбекстанда балалар мийнети ҳәм мәжбүрий мийнет мәселелери бойынша Муўапықластырыўшы Кеңес дүзилген болып, оның жумысының тийкарғы мақсети — балалар мийнетиниң ең аўыр түрлерин сапластырыў бағдарындағы миллий сиясатты әмелге асырыўға қаратыл­ған илажлар ҳәм мәмлекетлик уйымлар менен пуқаралық жәмийети институтларының жумысларын муўапықластырыў ҳәм усы бағдардағы жумысларды жетилис­тириўден ибарат.

2018-жылдың биринши шерегинде мийнет ҳәм халықтың бәнтлиги ҳаққындағы нызамшылық талапларының орынланыўы бойынша өткерилген тексериўлер нәтийжесине бола, мийнет ҳаққындағы нызам ҳүжжетлерин бузғаны, мийнетке ҳәкимшилик тәртипте мәжбүрлегени, бос жумыс орынларын жасырғаны ҳәм басқа да ҳуқықбузарлықларға жол қойғаны ушын республикамыз бойынша жәми 159 лаўазымлы шахсқа 70 миллион 446 мың 160 сум жәрийма салынған.

Илажда пуқаралардың кепилленген мийнет ҳуқықларын тәмийинлеў, мәжбүрий мийнеттиң алдын алыў, Конс­титуцияда белгиленген мийнет ҳуқықларын бузғанлығы ушын жуўапкершилик, мийнет шараятлары, кәсиплик кеселликлер, мийнет жарақатларының келип шығыўы ҳәм кеўилсиз ақыбетлердиң алдын алыў, өндирислик ҳәм өндирислик емес тараўлардағы жумысларды қәўип-қәтерсиз алып барыў усыллары сыяқлы мәселелер кеңнен түсиндирилип, пикир-усыныслар билдирилди.

— Дөгерек сәўбетиниң тийкарғы мақсети,-дейди Қарақалпақстан кәсиплик аўқамлары шөлкемлери бирлеспеси Кеңеси баслығының орынбасары Муратбай Данияров. — Қарақалпақстан Республикасы Министрлер Кеңеси, Қарақалпақстан кәсиплик аўқамлары шөлкемлери бирлеспеси Кеңеси, Саўда-санаат палатасы арасындағы 2017-2019-жыллар ушын дүзилген Аймақлық Бас келисим тийкарында социаллық шериклеслер менен өз-ара бирге ислесиўдиң форма ҳәм методларын жетилистириў, хызметкерлерге қәўипсиз мийнет шараятларын жаратыў, өндиристеги бахытсыз ҳәдийселердиң алдын алыў, усы бағдардағы жумысларды күшейтиўде жумыс бериўшилер менен кәсиплик аўқамлары арасындағы бирге ислесиўди раўажландырыў болып есапланады. Өткерилген дөгерек сәўбетинен келип шыққан ҳалда бүгинги күнде республикамызда қәўипсиз мийнет шараятын жаратыў ушын кәрханаларды экономикалық жақтан беккемлеў ҳәм жас қәнигелер менен толықтырып барыў Аймақлық келисимде көрсетилгениндей, социаллық-экономикалық раўажланыў нәтийжелерине ерисиў мүмкиншилигин береди.

Илаж қатнасыўшылары қәнигелерден өзлерин қызықтырған сораўларға жуўап алды. 

 

Басқа жаңалықлар RSS

02.08.2018 ЖЫНАЯТШЫЛЫҚҚА ҚАРСЫ ГҮРЕСИЎДЕ БИРГЕ ИСЛЕСИЎДИ КҮШЕЙТИЎИМИЗ ТИЙИС

Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Президенти Шавкат Мирзиёевтиң басшылығында усы жыл 27-июль күни жынаятшылықтың ерте алдын алыў бағдарындағы жумыслардың бүгинги жағдайы, бул бойынша ишки ислер уйымлары ҳәм басқа да мәмлекетлик уйымлардың жуўапкершилигин арттырыў, системада жүзеге келген машқалалар менен кемшиликлерди сапластырыў мәселелерине бағышланып болып өткен  видеоселектор мәжилисинен келип шығатуғын ўазыйпаларға арналған ушырасыў болып өтти.
 

02.08.2018 ИНВЕСТИЦИЯЛЫҚ ЖОЙБАРЛАРДЫҢ ОРЫНЛАНЫЎ БАРЫСЫ ДОДАЛАНДЫ

Қарақалпақстан Республикасы Жоқарғы Кеңесинде республикамыз делегациясының сырт еллерге сапары даўамында дүзилген инвестициялық жойбарлардың ҳәм басқа да шәртнамалардың орынланыў барысы, бул бағдарда орын алып атырған айырым машқалалар және оның шешими бойынша алда турған ўазыйпаларға бағышланған мәжилис болып өтти.

24.07.2018 АРАЛ УЛТАНЫНДА ЖӘНЕ БИР ГАЗ ҚУДЫҒЫНАН ГАЗ ШЫҚТЫ

Бурын хабар еткенимиздей, «Үстирт геофизика экспедициясы» филиалы жәмәәти бүгинги күнде Үстирт кеңислиги ҳәм Аралбойы аймақларында ҳәм оның ултанында шет ел («Лукойл», “ERIEL”) компаниялары менен биргеликте тәбийғый жер асты байлықларын излеў ҳәм изертлеў жумысларын алып бармақта. Январь айында, олар тәрепинен төменги Сүргил кәни ашылып, оны өзлестириў бойынша жумыслар баслап жиберилген еди. Үстирт излеў-бураўлаў басқармасы менен биргеликте алып барылған жумыслар нәтийжесинде күни кеше бул жерде қазылған тағы бир қудықтан газ шыға баслады.

22.07.2018 КУБОК ЖЕҢИМПАЗЛАРЫ АНЫҚЛАНДЫ

Пайтахтымыз Нөкис қаласында спорттың мини футбол, волейбол ҳәм стол тенниси бойынша Қарақалпақстан Республикасы Жоқарғы Кеңесиниң кубогы ушын болып өткен жарыс жуўмақланып, жеңимпазлар анықланды.

20.07.2018 КӨШПЕЛИ ҚАБЫЛЛАЎЛАР

Өзбекстан Республикасы Президентиниң тапсырмасына бола, бүгинги күнде республикамыздың барлық қала ҳәм районларында көшпели қабыллаўханалар шөлкемлестириў режелестирилген. Қарақалпақстан Республикасы Жоқарғы Кеңесиниң Баслығы Муўса Ерниязов республикамыздың ең шетки аймақларынан бири болған — Қоңырат районының «Қарақалпақстан» посёлкасы турғынлары менен ушырасты.

17.07.2018 ПАЙТАХТЫМЫЗДА 55 МЕТР БИЙИКЛИКТЕГИ БАЙРАҚЛАР ОРНАТЫЛАДЫ

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады.

16.07.2018 СПОРТ ОЙЫНЛАРЫНА СТАРТ БЕРИЛДИ

Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде жарыстың ашылыў салтанаты болып өтти. Илажда  Қарақалпақстан Республикасы Жоқарғы Кеңесиниң комитет баслығы С.Турманов шығып сөйлеп, жарыс қатнасыўшыларына әўмет тиледи.