Қарақалпақстан Республикасы Жоқарғы Кеңеси

⌂ ЎЗ ҚР РУ EN

СҮЎРЕТЛЕРДЕГИ ҲАҚЫЙҚАТЛЫҚ

Өзиниң әжайып дөретпелерин келеси әўладқа мийрас етип қалдырыўшы қыл қәлем ийелери болған художниклердиң  кәсиплик байрамы елимизде ҳәр жылы кең түрде белгиленип киятыр.

Өзбекстан Көркем-өнер академиясы Қарақалпақстан  бөлиминиң көргизбе сарайында17-21-апрель күнлери аралығында быйыл­ғы «Жедел исбилерменлик, инновациялық идея­лар ҳәм технологияларды қоллап-қуўатлаў жылы»на бағышланған дәстүрий «Сүўретлеў ҳәм әмелий көркем-өнер фестивалы» ҳәптелигиниң ашылыў кешеси болып өтти.

Фестивальды өткериўден гөзленген тийкарғы мақсет — ата-бабаларымыздан қалған мийрасларды көздиң қарашығындай сақлап, миллий сүўретлеў ҳәм әмелий қол өнеримизди халқымызға кеңнен танытыўдан ибарат. Оған республикамызға белгили художниклер — С.Байбосынов ҳәм Ж.Лепесовлар менен бирге жас талант ийе­лериниң  дөретиўшилик  мийнетлери қойылды.

Илажда Өзбекстан Көркем-өнер академиясы Қарақалпақстан  бөлими директоры У.Утегенова, Қарақалпақстан Республикасы Жоқарғы Кеңесиниң комитет баслығы Д.Қурбаниязов, шайыр Ш.Аяпов, жазыўшы А.Султанов, Өзбекстан Республикасына хызмет көрсеткен жаслар устазы Ж.Лепесов, Өзбекстан Көркем-өнер  академиясының академиги С.Байбосыновлар сөзге шығып, жас талант ийелериниң дөретиўшилик жумысларын жоқары баҳалады ҳәм оларда жаңа идеялардың барлығын мақтаныш пенен айтып өтти. Буннан соң Президентимиз тәрепинен Сәрсенбай Байбосыновқа берилген Өзбекстан Көркем-өнер акаде­мия­сының   ағзалығын тастыйықлаўшы «академик» гүўалығы тапсырылды.

Художниклер дөреткен ҳәр бир картина мисли бир әлем. Ондағы излениў инсан өмириндей қурамалы болып, бул жумбақты шешиў художниктиң шеберлигинде көзге тасланады. Себеби, олар жаратқан картиналар китап сыяқлы сөйлеп тур­ғандай болып сезиледи.

Ҳәптелик шеңберинде профессионал художниклер менен бирге жас художниклердиң сүўрет салыўы, өнерментлер менен дизайнерлердиң көргизбелери, Өзбекстан художниклери Валерий Енин, Александр Тюрин, Ахмад Бабаевлардың қатнасыўында  шеберлик сабақларының өткерилиўи режелестирилген.

Фестиваль даўамында жеңимпаз болған жас художниклерге  диплом ҳәм сертификатлар тапсырылады.

 

 

Басқа жаңалықлар RSS

02.08.2018 ЖЫНАЯТШЫЛЫҚҚА ҚАРСЫ ГҮРЕСИЎДЕ БИРГЕ ИСЛЕСИЎДИ КҮШЕЙТИЎИМИЗ ТИЙИС

Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Президенти Шавкат Мирзиёевтиң басшылығында усы жыл 27-июль күни жынаятшылықтың ерте алдын алыў бағдарындағы жумыслардың бүгинги жағдайы, бул бойынша ишки ислер уйымлары ҳәм басқа да мәмлекетлик уйымлардың жуўапкершилигин арттырыў, системада жүзеге келген машқалалар менен кемшиликлерди сапластырыў мәселелерине бағышланып болып өткен  видеоселектор мәжилисинен келип шығатуғын ўазыйпаларға арналған ушырасыў болып өтти.
 

02.08.2018 ИНВЕСТИЦИЯЛЫҚ ЖОЙБАРЛАРДЫҢ ОРЫНЛАНЫЎ БАРЫСЫ ДОДАЛАНДЫ

Қарақалпақстан Республикасы Жоқарғы Кеңесинде республикамыз делегациясының сырт еллерге сапары даўамында дүзилген инвестициялық жойбарлардың ҳәм басқа да шәртнамалардың орынланыў барысы, бул бағдарда орын алып атырған айырым машқалалар және оның шешими бойынша алда турған ўазыйпаларға бағышланған мәжилис болып өтти.

24.07.2018 АРАЛ УЛТАНЫНДА ЖӘНЕ БИР ГАЗ ҚУДЫҒЫНАН ГАЗ ШЫҚТЫ

Бурын хабар еткенимиздей, «Үстирт геофизика экспедициясы» филиалы жәмәәти бүгинги күнде Үстирт кеңислиги ҳәм Аралбойы аймақларында ҳәм оның ултанында шет ел («Лукойл», “ERIEL”) компаниялары менен биргеликте тәбийғый жер асты байлықларын излеў ҳәм изертлеў жумысларын алып бармақта. Январь айында, олар тәрепинен төменги Сүргил кәни ашылып, оны өзлестириў бойынша жумыслар баслап жиберилген еди. Үстирт излеў-бураўлаў басқармасы менен биргеликте алып барылған жумыслар нәтийжесинде күни кеше бул жерде қазылған тағы бир қудықтан газ шыға баслады.

22.07.2018 КУБОК ЖЕҢИМПАЗЛАРЫ АНЫҚЛАНДЫ

Пайтахтымыз Нөкис қаласында спорттың мини футбол, волейбол ҳәм стол тенниси бойынша Қарақалпақстан Республикасы Жоқарғы Кеңесиниң кубогы ушын болып өткен жарыс жуўмақланып, жеңимпазлар анықланды.

20.07.2018 КӨШПЕЛИ ҚАБЫЛЛАЎЛАР

Өзбекстан Республикасы Президентиниң тапсырмасына бола, бүгинги күнде республикамыздың барлық қала ҳәм районларында көшпели қабыллаўханалар шөлкемлестириў режелестирилген. Қарақалпақстан Республикасы Жоқарғы Кеңесиниң Баслығы Муўса Ерниязов республикамыздың ең шетки аймақларынан бири болған — Қоңырат районының «Қарақалпақстан» посёлкасы турғынлары менен ушырасты.

17.07.2018 ПАЙТАХТЫМЫЗДА 55 МЕТР БИЙИКЛИКТЕГИ БАЙРАҚЛАР ОРНАТЫЛАДЫ

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады.

16.07.2018 СПОРТ ОЙЫНЛАРЫНА СТАРТ БЕРИЛДИ

Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде жарыстың ашылыў салтанаты болып өтти. Илажда  Қарақалпақстан Республикасы Жоқарғы Кеңесиниң комитет баслығы С.Турманов шығып сөйлеп, жарыс қатнасыўшыларына әўмет тиледи.