Қарақалпақстан Республикасы Жоқарғы Кеңеси

⌂ ЎЗ ҚР РУ EN

«МЕҲНАТ ФАХРИЙСИ» КӨКИРЕК БЕЛГИЛЕРИ ТАПСЫРЫЛДЫ

Қарақалпақстан Республикасы Жоқарғы Кеңесинде Өзбекистан Республикасы Президентиниң 2016-жыл 28-декабрьдеги «Өзбекистан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

Илажды Қарақалпақстан Республикасы Жоқарғы Кеңесиниң Баслығы М.Ерниязов басқарып барды.

Буннан кейин «Нураний» қоры Қарақалпақстан Республикалық Кеңесиниң баслығы Ш.Уснатдинов Өзбекистан ветеранларын социаллық қоллап-қуўатлаў «Нураний» қоры Қәўендерлик Кеңесиниң «Меҳнат фахрийси» көкирек белгиси менен сыйлықлаў ҳаққында»ғы қарарын оқып еситтирди.

Атап өтилгениндей, ҳүрметли Президентимиз Ш.Мирзиёевтың басшылығында ғәрезсиз елимизде кексе жастағы пуқараларды мәмлекет тәрепинен қоллап-қуўатлаў системасын жетилистириў, олардың елимиздиң жәмийетлик-сиясий турмысында толық ҳуқықлы қатнасыўы ушын зәрүр шараятлар жаратыў, кексе әўладтың жәмийетте, шаңарақларда ҳәм мәҳәллелерде тынышлық-татыўлықты тәмийинлеў, сондай-ақ, жас әўладты халқымыздың көп әсирлик дәстүрлерин ҳүрмет етиў руўхында тәрбиялаў жумысындағы ролин арттырыў бағдарында кең көлемли илажлар әмелге асырылды. Экономика ҳәм өндирис, илим, мәденият, билимлендириў, денсаўлықты сақлаў, юриспруденция ҳәм басқа да тараўлардағы көп жыллық ҳадал мийнетлери ушын мийнеткешлерге, сондай-ақ, жумыс ислемейтуғын, жәмийетте беккем шаңарақты сақлап қалған, перзентлерин үлкенлерге ҳәм киши әўладларға ҳүрмет, жәмийет алдындағы жуўапкершилик, Ўатанға садықлық руўхында тәрбиялап ҳүрметке бөленген аналарғаI, II, III дәрежели «Меҳнат фахрийси» көкирек белгилериниң шөлкемлестирилиўи буның айқын дәлийли болып табылады. Өзбекистан ветеранларын социаллық қоллап-қуўатлаў «Нураний» қоры Қәўендерлик кеңесиниң қарары менен республикамыздан 7 нураний I дәрежели, 8 нураний IIдәрежели,29 нураний  III дәрежели «Меҳнат фахрийси» көкирек белгиси менен сыйлықланды. Соны да атап өтиў керек, усы көкирек белгиси менен сыйлықланған шахслар жасайтуғын үйлер ҳәм турақ-жайлардың есиклерине «Бул жерде I, II, III дәрежели «Меҳнат фахрийси» белгиси менен сыйлықланған пуқара (Ф.И.Ә) жасайды» жазыўы бар белги орнатылады.

Илажда «Меҳнат фахрийси» көкирек белгиси ҳәм оның гүўалығы салтанатлы жағдайда тапсырылды.

Буннан соң сыйлықланғанлар атынан  Жәлел Муятдинов, Атамурат Дәўлетмуратов, Үббинияз Әширбеков, Ибрайым Досжанов, Бахтияр Абдикамалов, Жарылқап Турсынбеков шығып сөйлеп, айрықша итибары ҳәм ғамқорлығы ушын ҳүрметли Президентимизге, республикамыздың басшыларына миннетдаршылық билдирди.

-Ҳақыйқатында биз кексе әўлад ўәкиллерине ғәрессиз елимизде барлық шараятлар жаратылып берилмекте,-дейди Пуқаралардың өзин-өзи басқарыў уйымларының жумысын муўапықластырыў бойынша Шымбай районлық кеңеси баслығының биринши орынбасары, районлық «Мәҳәлле» фондының баслығы, III дәрежели «Меҳнат фахрийси» көкирек белгиси ийеси Бахытлыбай Абдуллаев. – Сонлықтанда Президентимиздиң кекселерге, мийнет ветеранларына көрсетип атырған ғамқорлығынан жүдә миннетдармыз ҳәм бул итибар бизлерге айрықша жуўапкершилик жүклейди.

Илажға Қарақалпақстан Республикасы   Жоқары Кеңеси Баслығының  орынбасары А.Ҳамраев қатнасты.

 

Басқа жаңалықлар RSS

02.08.2018 ЖЫНАЯТШЫЛЫҚҚА ҚАРСЫ ГҮРЕСИЎДЕ БИРГЕ ИСЛЕСИЎДИ КҮШЕЙТИЎИМИЗ ТИЙИС

Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Президенти Шавкат Мирзиёевтиң басшылығында усы жыл 27-июль күни жынаятшылықтың ерте алдын алыў бағдарындағы жумыслардың бүгинги жағдайы, бул бойынша ишки ислер уйымлары ҳәм басқа да мәмлекетлик уйымлардың жуўапкершилигин арттырыў, системада жүзеге келген машқалалар менен кемшиликлерди сапластырыў мәселелерине бағышланып болып өткен  видеоселектор мәжилисинен келип шығатуғын ўазыйпаларға арналған ушырасыў болып өтти.
 

02.08.2018 ИНВЕСТИЦИЯЛЫҚ ЖОЙБАРЛАРДЫҢ ОРЫНЛАНЫЎ БАРЫСЫ ДОДАЛАНДЫ

Қарақалпақстан Республикасы Жоқарғы Кеңесинде республикамыз делегациясының сырт еллерге сапары даўамында дүзилген инвестициялық жойбарлардың ҳәм басқа да шәртнамалардың орынланыў барысы, бул бағдарда орын алып атырған айырым машқалалар және оның шешими бойынша алда турған ўазыйпаларға бағышланған мәжилис болып өтти.

24.07.2018 АРАЛ УЛТАНЫНДА ЖӘНЕ БИР ГАЗ ҚУДЫҒЫНАН ГАЗ ШЫҚТЫ

Бурын хабар еткенимиздей, «Үстирт геофизика экспедициясы» филиалы жәмәәти бүгинги күнде Үстирт кеңислиги ҳәм Аралбойы аймақларында ҳәм оның ултанында шет ел («Лукойл», “ERIEL”) компаниялары менен биргеликте тәбийғый жер асты байлықларын излеў ҳәм изертлеў жумысларын алып бармақта. Январь айында, олар тәрепинен төменги Сүргил кәни ашылып, оны өзлестириў бойынша жумыслар баслап жиберилген еди. Үстирт излеў-бураўлаў басқармасы менен биргеликте алып барылған жумыслар нәтийжесинде күни кеше бул жерде қазылған тағы бир қудықтан газ шыға баслады.

22.07.2018 КУБОК ЖЕҢИМПАЗЛАРЫ АНЫҚЛАНДЫ

Пайтахтымыз Нөкис қаласында спорттың мини футбол, волейбол ҳәм стол тенниси бойынша Қарақалпақстан Республикасы Жоқарғы Кеңесиниң кубогы ушын болып өткен жарыс жуўмақланып, жеңимпазлар анықланды.

20.07.2018 КӨШПЕЛИ ҚАБЫЛЛАЎЛАР

Өзбекстан Республикасы Президентиниң тапсырмасына бола, бүгинги күнде республикамыздың барлық қала ҳәм районларында көшпели қабыллаўханалар шөлкемлестириў режелестирилген. Қарақалпақстан Республикасы Жоқарғы Кеңесиниң Баслығы Муўса Ерниязов республикамыздың ең шетки аймақларынан бири болған — Қоңырат районының «Қарақалпақстан» посёлкасы турғынлары менен ушырасты.

17.07.2018 ПАЙТАХТЫМЫЗДА 55 МЕТР БИЙИКЛИКТЕГИ БАЙРАҚЛАР ОРНАТЫЛАДЫ

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады.

16.07.2018 СПОРТ ОЙЫНЛАРЫНА СТАРТ БЕРИЛДИ

Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде жарыстың ашылыў салтанаты болып өтти. Илажда  Қарақалпақстан Республикасы Жоқарғы Кеңесиниң комитет баслығы С.Турманов шығып сөйлеп, жарыс қатнасыўшыларына әўмет тиледи.